Dialuilu 14:13 - O Mikanda Ikola

¹³ Mozé anga u ambela Jihova, uixi: Akua Ijitu-phe hinu a kʼivua, kuma kifuẋi kiki ua ki katula muʼaxaxi kâ ni undanda ué,

Dialuilu 14:13 ပူးပေါင်းရင်းမြစ်များ

Jisálamu 106:23

Kia mu bhangesa kuila, uixi: Ngʼa buikisa; ua a bhana o muenhu Mozé, muthu uangene, uemana bhu kaẋi ni ku a diondela, katé o njinda iê ua i lungulula iela muengi, iu ua fudisa o ku a buikisa.

Jelemiia 15:1

Jihova-phe ua ngambela, uixi: Né-mbe hanji Mozé ni Samuele emanene bhu pholo iami, o muenhu uami ki ueje ku di bunda ni mundu iú; a kaie, bhu pholo iami a tunde-bhu.

Izekiiele 20:14

O ki nga bhange-phe, nga ki bhangela ngoho o henda i nga kuatela o dijina diami, phala ka di sebulule ku mesu a miji ioso a mono kioso eme ki nga a tundisa mu Ijitu.

Izekiiele 20:9

O ki nga bhange-phe kiá, nga ki bhangela ngoho o henda i nga kuatela o dijina diami, mbé ka di kasanese bhu mesuʼa akua jixi, mua kexile ene, mu kaxi kâ, a mono kioso ki nga di tukulula kua ene, phala ku a katula mʼoxi ia Ijitu.

Matendelelu 32:27

Maji nga kexile ni hele, mukonda dia nzabala ia nguma. Oso a mi kala ni luma avula ku ki mona; a soko-bhu kuila: Lukuaku luetu luene lua ki bhange, Jihova ki muene ua ki bhange ubheka uê.

I Samuuele 12:22

Mbata Jihova ka ẋikina ku ambudisa mundu uê, mukonda dia dijina diê dikola, mukonda Jihova kia mu uabhela o ku mi bhanga mu mundu uê-muene.