Dialuilu 14:10 - O Mikanda Ikola

¹⁰ Kilômbo kioso kia Izalaiele-phe amba, exi: A bubienu ni matadi. Kubenha kua Jihova anga ku dʼidikiza mu balaka ia kutakanena ku mesu a anʼa Izalaiele oso.

Dialuilu 14:10 ပူးပေါင်းရင်းမြစ်များ

Makatukilu 16:10

Anga ki bhita-phe kuila, kioso Alá kiala kuzuela ni kionge kioso kia anʼa Izalaiele, ene oso kiedi sui ku mbandu ia kikangalakata a mona kubenha kua Jihova kua monekena mu dituta.

Makatukilu 16:7

o mungu ki kúkia mu kimene, mua-ndu mona o unene ua Jihova; mukonda muene ua mʼivu o kulongolola kuenu; Jihova mua mu longolola, etu tu akua-hi kuila mu tu longolola etu?

Makatukilu 17:4

Mozé anga u dikola kua Jihova, uixi: O mundu iú ngʼa a bhanga kiebhi? Kua a xala kia ngó ku ngi bûba ni matadi.

Makatukilu 40:34

Kia zubha kubhanga kiki, dituta dia vungina balaka ia kutakanena, balaka ioso iezala ni kubenha kua Jihova.

Ijila 9:23

Bhenhobho ni Mozé ni Alá anga a bokona hanji mu balaka ia kutakanena; anga a tunda, hé a bhana o dibesá ku mundu; o kubenha kua Jihova anga ku tukulukila o kifuẋi kioso.

Dialuilu 16:19

O Kola anga kilômbo kioso u ki bhongoluela bhu muelu ua balaka ia kutakanena mu kuzoka-nâ; bhenhobho o kubenha kua Jihova anga ku tukulukila ku kilômbo kioso.

Dialuilu 16:42

Anga ki bhita-phe kuila, kioso o kilômbo kioso ki a di bhongoluela mu kuzoka ni Mozé ni Alá, mu kulunguluka ku balaka ia kutakanena, a mona kuila o dituta dia i vungina, o kubenha kua Jihova kua di muika.

Dialuilu 17:7

O Mozé anga u tula o jimbanji bhu pholo ia Jihova, mu balaka ia umbangi.

Dialuilu 20:6

Bhenhobho, ni Mozé ni Alá a tunda bhu pholo ia kilômbo, hé aia bhu muelu ua balaka ia kutakanena, anga a di ṗhudikila o jipholo bhoxi; hé o kubenha kua Jihova kua tukulukila.

Matesu 23:37

Uaué! Jeluzaleme, Jeluzaleme tata! Ua bhingi jipolofeta u ji jibha, akunji a tuma Nzambi ko-kué, éʼ u a bûba ni matadi! Lukuxi luosʼulu lu ngandalele kubhongolola anʼé kumoxi, kala sanji ki i bhongolola tuana tuê moxi a mabhabha, enu-phe nguenu!

Jipoxolo 7:52

Polofeta kuẋi jitata jenu ja kambele ku mu zukutisa? Ene a jibha jinga o akunji a Nzambi, ió oso a tuamene kuidikiza mʼ ukulu kianda kuiza o Muthu Uaiuka. O Muène kiki enu mua mu bhakula, enu mua mu jibha; mu ijibhanganga iê.

Jipoxolo 7:59

Ene kioso kia mu bûba Xitevá ni matadi, muène-phe iú hingila Ngana Jezú, uixi: Ngana Jezú, tambula nzu mbi iami!

I Samuuele 30:6

Davidi anga u tata kiavulu, kuma mundu a tele maka a ku mu bûba ni matadi, mukonda muẋima ua mundu uoso uala ni malamba, kala muthu uala mu kuxinganeka anʼê a mala ni a ahatu. Maji Davidi-phe u di kolesa muẋima mua Jihova Nzambi iê.