Dialuilu 13:32 - O Mikanda Ikola

³² Ixi iele mu kulonda, a kuata ku i bha fuma iaiibha ku anʼa Izalaiele, exi: Ixi i tuele kulonda ixi iaiibha, iala mu kúdia mienhu ia athu a tungu momo; akuaʼxi momo akua kitala kialebha.

Dialuilu 13:32 ပူးပေါင်းရင်းမြစ်များ

II Samuuele 21:20

Anga ku kala dingi ita bhu Ngate. Anga bhu kala diiala dia kitala kiavulu, makuʼê ala milembu isamanu-isamanu, inama iê kiene kimoxi, mukua makuinhi aiadi a milembu ni iuana; a mu vuala ue kuala kiiala kia dikota.

I Malunda 20:6

Ita anga ibalumuka dingi luamukuá mu Ngate; muenhomo muakexile kiiala kulebha kuvula, uakexile ni makuinhi a iadi a milembu ni milembu iuana, kuma uedile milembu isamanu ku lukuaku lumoxi, milembu isamanu ue ku lukuaku luamukuá; milembu isamanu ku kinama kimoxi, milembu isamanu ue ku kinama kia mukuá; muene ua kexile ue muthu ua tokala ku mbutu ia kua Lafa.

Jisálamu 106:24

Ixi iauabha ia edikiza anga a i nongena, nguauâ kuxikana o kizuelu kiê.

Izekiiele 36:12

Anga nga kà bhangesa kuila ku thandu dienuʼenu mu athu, kuene kuendela o mundu uami ua Izalaiele; ene a-nda ku kúvua, hé u kituka u undundu uâ, eie ue ki mungu dingi u mu zubha o tuana.

Amoji 2:10

Moxi ia Ijitu ue Eme-muène nga mi katula-mu; makuinhi a uana a mivu u nga mi endesa mu kikangalakata, phala o ixi ia mamodi ni ngi mi bhane-iu i mi kale ixi ienu.

Amoji 2:9

Sumbala kiene, eme o mamodi nga a jikinisa bhu pholo iâ ene, athu a bhingile o kulebha mukuâ ni muẋi ua musédulu ua Libano, o ku nguzu mukuâ ni mukaluvádiu; maji-phe, o ibundu iê ku thandu nga i jimisa, ni jindanji jê bhoxi.

Dialuilu 13:28

Maji-phe akuaʼxi a tungu kuenhoko ala ni nguzu iavulu, jimbanza a ji te imbaka, ja makota muene; kua di te dingi ni anʼa Anake tua a sange kuenhoko.

Matesu 23:13

Enu-phe lamba dienu, mu akua kulonga kitumu ni enu mu jifalizeu, mu akua mangonha! Mukonda ku Utuminu ua diulu mua jika-ku ku pholo ia athu, enʼ uenu kubokona nguenu; ni iá andekene kubokona, ki mu a ehela. [

Matendelelu 1:28

Tuia dingi kuebhi? Phange jetu ene a tu botomokesa o miẋima, exi: Athu ala koko a makota kulebha kuvula etu ndenge, a tu tundu; o jimbonge ue ja makota, imbaka iâ ia tuta muene ku maúlu. Exi dingi: Tua mono-ko ue o anʼa Anake, o mazonda.