Dialuilu 13:31 - O Mikanda Ikola

³¹ Akuâ-phe ele-nâ kumoxi, exi: Ki tu tena kubanda mu kúlua ni kifuẋi kiókio; ene a tu tundu mu nguzu.

Dialuilu 13:31 ပူးပေါင်းရင်းမြစ်များ

Dialuilu 13:30

Kalebe anga u bateka mundu bhu pholo ia Mozé, uixi: Tu bandienu muene kindala, ixi tu i tambule; tua ki soko muene ku i tolola.

Dialuilu 32:7

Mukonda diahi mu bhuidisa miẋima ia anʼa Izalaiele, nʼa lémbua kuzauka ni kutambula ixi ia a bhana?

Dialuilu 32:9

Kuma kia bandele mu honga ia Xikole, anga a mona ixi, a bhuidisa miẋima ia anʼa Izalaiele mbebhu ku a fudisa kubokona mʼoxi ia a bhana Jihova.

Matendelelu 1:28

Tuia dingi kuebhi? Phange jetu ene a tu botomokesa o miẋima, exi: Athu ala koko a makota kulebha kuvula etu ndenge, a tu tundu; o jimbonge ue ja makota, imbaka iâ ia tuta muene ku maúlu. Exi dingi: Tua mono-ko ue o anʼa Anake, o mazonda.

Matendelelu 9:1

Ivua, eie Izalaiele, kuma leluʼidi Njolodá mua-nda ku mu zaúka enu mua-nda kúvua ifuẋi ia miji ia mi tundu; o kusuina kuâ kota, o kuenu ndenge; ni jimbonge jamakota, jala mu imbaka iatuta katé ku maúlu.

Jihebeleu 3:19

Tua mono kuma a tokoka kubokona mukonda dia kukamba o kuxikana.

Josuué 14:8

Maji-phe, akuetu u ngele-nâ kumoxi, a bhangesa muẋima ua mundu kubotomoka; eme-phe nga jiji ni kukaiela Jihova Nzambi iami ni muẋima uami uoso.

I Samuuele 17:33

Saúlo anga u ambela Davidi, uixi: Eie ku tena kuia kutakana ni mukua Fidíxia iú, mu kubhànga-nê, kuma eie u mona-ndenge hanji, muene-phe diiala dia ita tunde undenge uê.