Dialuilu 13:28 - O Mikanda Ikola

²⁸ Maji-phe akuaʼxi a tungu kuenhoko ala ni nguzu iavulu, jimbanza a ji te imbaka, ja makota muene; kua di te dingi ni anʼa Anake tua a sange kuenhoko.

Dialuilu 13:28 ပူးပေါင်းရင်းမြစ်များ

II Samuuele 21:16

Davidi anga u sota kusènduka. Ixibi-benobi muthu ku mbutu ia kiiala kia dikota, uavu dionga diê dia pezala jinga hâma jitatu ja xikulu ja ngondo, ua maneka xibhata ia ubhe mu mbunda, u mesena kujibha Davidi.

Dialuilu 13:33

Tua mono-ko ni iiala, anʼa Anake, a tokala muiji ua Nefalimi; etu-phe bhu mbandu iâ tua di mono tu mahoho, ni ene uâ kiene kia tu mono.

Matendelelu 1:28

Tuia dingi kuebhi? Phange jetu ene a tu botomokesa o miẋima, exi: Athu ala koko a makota kulebha kuvula etu ndenge, a tu tundu; o jimbonge ue ja makota, imbaka iâ ia tuta muene ku maúlu. Exi dingi: Tua mono-ko ue o anʼa Anake, o mazonda.

Matendelelu 2:21

Kifuẋi kionéne, a kexi nzungule hé alebha o kitala, kala o mazonda anʼa Anake; Jihova phe ua a jikinisa bhu pholo ia akua Amone; ene-phe hé a a muanga anga a bhingana bhu kididi kiâ.

Matendelelu 3:5

Jisanzala jene joso jiji ja kondoloka mu imbaka ia di leka, ni imabhitu ni jiphapha ja felu; kua di tele ni jisanzala ja mukuá, janzungule muene, ja kambe kukala mu imbaka.

Josuué 11:22

Katé mu ixi ia anʼa Izalaiele ki mua subhukile kilebha, mukuá Anake, né ngó umoxi; a subhukile ngó mu Ngaza, ni mu Ngate ni mu Ajindode.

Josuué 14:12

Kiki-phe, ngi bhane o mulundu iú, uene ua tange Ngana kizuua kienhókio; eie uèvua kizuua kienhókio kia ki tànga, exi: Kuala iiala ia nguzu, anʼa Anake, o jimbonge jâ ja makota, ja bhiti imbaka; imoxi, kuma Jihova ngala-nê bhu mbandu iami, ngi tena ku a kaia, kala kia tànga Jihova.

Josuué 15:14

Kalebe-phe anga u kaia-mu ana kitatu a Anake, enhó: Sesai, ni Ahimane, ni Talamai, a a vuala kuala Anake.

Afundixi 1:20

Hebolone anga a i bhana Kalebe, kala kia zuela Mozé; muene anga u kaia-mu ana atatu a Anake.