Dialuilu 13:20 - O Mikanda Ikola

²⁰ Ni mavu se a nete mba a bhele, se muala tuixi mba kana. Mu kala muene ni uiala, ku ibundu ia ixi mu tu bhekela-ku. Izuua ienhoio-phe, izuua ia kumateka jiúva kúbhia.

Dialuilu 13:20 ပူးပေါင်းရင်းမြစ်များ

I Malunda 22:11

Kala kiki-phe, monʼami, Jihova akale ni eie; u laie, ukale ni kuzediua, nda u tunge o inzo ia Jihova, Nzambi ié, kala muene kia ku tange-kiu.

Nehemiia 9:25

Anga a tolola o jisanzala ja suína ni ixi ia nete ibhana idima kiambote, anga a bokona jinzo jezala ni jimbote joso, ni ixima iòkande kiá, ni mivide, ni midiva, ni miẋi ia ibundu ia kúdia, iandumba. Anga a dia, ekuta, a neta ni ene, hé a kala mu nanga mu jimbote, mukonda dia kulenduka kué kuavulu.

Nehemiia 9:35

Mbata ene mu ixi ia ungana uâ, sumbala ni jimbote janzungule ji ua a bhana, ni ixi iadixala íi ia nete i ua a tudila ku pholo, nguaʼuâ ku ku bheza, mba a ta dikunda ku ibhangelu iâ iaiibha.

Izekiiele 34:14

Mu sabhelela ia mbote, muene mu nga-nda ku ji disila, o mu milundu ia di leka ia Izalaiele muene mu kala o kibhanga kiâ; muenhomo ja kà zeka mu kibhanga kia mbote, hé ja kʼènda ni kudila mu makèla a nete, mu milundu ia Izalaiele.

Daniiele 11:24

Ua kʼèza ue ni kuzomba, mu ididi ioso ia ixi, muala o jimboteʼ omo, anga u bhanga ima adiʼê kiluua a i bhanga, né ue o jikuku jê nuka a i bhangele. Ima ia bhûndu, u bhita ni ku i uanena ku athuʼê ni mbole ni jimbongo, ubhanga jindunge joso ja kulúa o jimbonge, maji mu kakithangana ngó ka tokala.

Mikeia 7:1

Kokolo diami! Kuma ngedi kala kiene mu kukanza o ibundu bhu thembu ia ku muna, ngedi kala ibundu bhu kixibhu iaxala mu a kanze kiá! Ni kisaka kia ji-uva ngó phala kúdia ki ki moneka dingi, mba tufiku ngó tua xalela, tuene kuinda o muenhu uami.

Dialuilu 13:19

ni ixi iene ia tungu, se iauabha mba iaiibha; ni jimbanza jâ, se jisanzala ngó mu kanga dia hatu, mba a ji xiti ni imbaka.

Matendelelu 1:24

Iá endele, abandela mulundu iú, a bhitakena katé mu dikolo dia Xikole ni kulonda oxi.

Matendelelu 1:25

Anga a kanza-mu ibundu iaʼxi, eza na-iu bhu maku mâ, a tu tudila mahezu, exi: Oxi ia tu bhana Jihova Nzambi ietu iauabha muene kiambote.

Matendelelu 31:23

Anga Jihova uambela Josuué, monʼa Nune, uixi: Kala u kindanda, u kole kiambote o muxima! Mbata eie ua-nda kubokuesa anʼa Izalaiele mʼoxi i nga a lokela Eme-muène nga-nda ku kala jinga nʼeie kumoxi.

Jihebeleu 13:6

Uila kiki, tu kolokotienu ni kuila: Ngana muène mukuatekexi uami, eme ki ngi kala ni uoma. Hé muthu u ngi bhanga-hi?

Josuué 1:6

Kala u kindanda, u kole kiambote muxima; kuma o kifuẋi kiki eie muene ua-nda ku ki uanena ibatu ia undundu uâ, mʼoxi i nga lokela jitata jâ ngixi hinu ngi mi bhana-iu.

Josuué 1:9

Ki eme muène nga ku tumu? Kala u kindanda, u kole kiambote muxima; kana kukala ni uoma, kana kukala ni kekenha; kuma Jihova, Nzambi ié, uala-nê kumoxi kuoso-kuoso ku aia.

Josuué 2:1

Josuué dia Nune, kioso kiala bhu Xitime, u katula ilolo iiadi ni a bhite mʼoxi sé athu ku a ejiia, uixi: Ndenu, kà londienu ixi ienhiʼii ni mbanza ia Jedikó. Anga aia, a tula mʼonzo ia muhatu kidianzunga, dijina diê Lahaba, hé a zekela usuku muenhomo.

Josuué 2:3

Sobha ia Jedikó anga u tuma kua Lahaba, uixi: Tubhula bhu kanga mala enhó a ku sange, iá ia tula mʼonzo ié, mukonda eza kulonda ixi ioso.