Dialuilu 13:2 - O Mikanda Ikola

² Tuma mala a londe ixi ia Kanana, i nga-nda kubhana anʼa Izalaiele; kala muiji ua jitata mu katula-ku muthu, ene oso ilamba ku kifuẋi.

Dialuilu 13:2 ပူးပေါင်းရင်းမြစ်များ

Makatukilu 18:25

Mozé anga u sola adiakimi akua kilunji mu axaxi ka Izalaiele ioso, u a ta ku pholo mu tambula konda ia mundu, o iá jimidi, o iá jihama, o iá makuinhi atanu, o iá dikuinhi-dikuinhi.

Dialuilu 1:4

Ku muiji ni muiji ue, ku tunde muthu a kale mútue ua dibhata dia jitata jê, phala a kale nʼenu.

Dialuilu 11:16

Jihova anga u ambela Mozé, uixi: Ngi sotele makuinhi sambuadi a muthu ku adiakime a Izalaiele, oso ua ejiia kuma adiakime ku kifuẋi ni jifixiiadi jâ, u a bheka bhu muelu ua balaka ia kutakanena, emana-bhu bhu mbandu ié.

Dialuilu 13:16

Enʼiá o majina a mala a a katula kuala Mozé mu kulonda ixi. Hoxeia dia Nune, Mozé anga u muixana Josuué.

Dialuilu 13:3

Mozé anga ua katula mu kikangalakata kia Palane, kala kia mu tumu Jihova; ene oso mala ala ku pholo mua Izalaiele.

Dialuilu 32:8

Kiene ue kia bhangele jitata jenu, ki nga a katuile bhu Kadexi-Baneia mu kulonda ixi iii.

Dialuilu 34:18

Mu kuata ue kilamba kimoxi ku muiji ni muiji, mu kuuana ixi ia undundu uenu.

Matendelelu 1:15

Nga kuatele-phe adienu mu miji ienu, mala a jinjimu, ende kiabhu o ngongo, eme nga a bhange makota phala ku mi tambula konda; o iá jikabhitangu ja kutumina jimidi, o iá jikabhitangu ja kutumina jihama, o iá jikabhitangu ja kutumina makuinhi atanu, o iá jikabhitangu ja kutumina dikuinhi; amoxi nga a bhange jinguvulu ja kuendesa ibuka ia miji ienu.

Matendelelu 9:23

O kioso Jihova kia mi tumine ue bhu Kadexi-baneia uixi: Bandenu kiá mu lundule oxi i nga mi bhana, enu Jihova Nzambi ienu mua mu bhukumukina, o ku mu xikana nguenu, o dízui diê mua di xibhaka!

Josuué 3:12

Kala kiki, tungulenu-ku kuinhi dia muthu ni kiiadi, a soke ni miji ia Izalaiele, ku muiji ku tunda muthu, ku muiji ku tunda muthu.