Dialuilu 12:7 - O Mikanda Ikola

⁷ Ki kiene-phe ki ngi bhanga ni mubhikʼami Mozé; muene muthu uaiuka mu dibhata diami dioso.

Dialuilu 12:7 ပူးပေါင်းရင်းမြစ်များ

Jobe 1:8

Ngana anga uibhula dingi Satana, uixi: Mubhikʼami Jobe ua mu mono? Mukonda ki kuala mukuá mu ngongo ua soko ni muene; muthu ua kidi, ua iuka o muẋima, u xila Nzambi, o ia ibha u i lenga.

Jisálamu 105:26

U katula Mozé, selevende iê ua mu tungula, kumoxi ni Alá a mu bhana kukala-nê.

Makatukilu 33:11

Jihova anga u kala mu zuela ni Mozé, pholo ni pholo kala muthu uoso-uoso kia zuela ni kamba diê. Anga u vutuka kuia ku kibangu; maji o dikuenze diê-phe, Josuué, monʼa Nune, munzangala, ka kexile mu tunda-mu mu balaka.

Matesu 11:11

Ngi mi ambela kidi, kuma mu athu oso a a vuala ku ahatu, kiluua ku zangalala muthu ua tundu Nzuá dia Batizu. Uoso-phe uala-mu ndenge mu Utuminu ua Diulu, muenhó uala kota diê.

Matesu 11:9

Ihi-phe ia mi bhekele-ku? Ku talesa polofeta? Eué! Eme ngi mi ambela hanji, kuila polofeta ndengiʼ èlele.

Jipoxolo 7:31

Mozé kia ki mono, ua di uana kisuma! O kia sota kuzukama-ku mu kutalesa kiambote, ku tunda dizui dia Ngana, uixi:

I Kolindo 4:2

Kunu-phe uoso a mu tuika o kikalakalu kiki, u bhinga u kala fiiele.

Matendelelu 18:18

Talesa-phe, Eme nga-nda kubalumuna kiá polofeta muʼaxaxi ka phange jé, mukua ni eie, anga ngi mu ta o maka mami mu kanu diê, muene anga u a jimbuila ioso i ngi mu tuma.

Matendelelu 34:5

Bheneʼobho kiá bhene bhua fuila Mozé, selevende ia Jihova, mʼoxi ia Mouabhe, kala kia ki tanga Jihova.

I Timote 3:15

O ki kala-phe ngi bhanga hanji izuua, mukanda iú u ku idikiza kioso kia tokala kukala athu mʼonzo ia Nzambi, kuma o inzo iê iene o ngeleja ia Nzambi ia muenhu, o philadi ni disesa kua tula o kidi.

Josuué 1:1

Kiki-phe Mozé, ngunza ia Jihova, kia zubha kúfua, Jihova u zuelesa Josuué dia Nune, mukalakadi ua Mozé, uixi:

Josuué 1:2

Mubhikʼami Mozé, uafu; kiki-phe balumuka, u zaúke ngiji iii ia Njolodá, ni eie ni kifuẋi kioso kiki, mu bhiẋile mʼoxi i nga-nda ku bhana anʼa Izalaiele.