Dialuilu 12:15 - O Mikanda Ikola

¹⁵ Midiiana anga a mu tubhhula bhu kibangu, u kala kididi kimoxi mu sambuadi dia izuua; kifuẋi-phe ka katuka luua ni kuenda, katé Midiiana kia mu bheka dingi bhu kibangu.

Dialuilu 12:15 ပူးပေါင်းရင်းမြစ်များ

Makatukilu 20:12

Bhana ujitu kua tatʼenu ni mamʼenu, phala izuua ié i vule, mʼoxi i ku bhana Jihova, Nzambi ié.

Kuditenda 3:32

Kuma, né kia beta muthu hé u mu bheka mu lamba, sai bhua-nda ku mu lendukila, kuma ukaiela kia soko o nzungule ia jihenda jê.

Ijila 14:8

O ió-phe uala ku dʼiẋika kiki, a sukule izuatu iê, a di konge ue kindemba kioso, a diʼiẋike ni menha; kuabhu-phe uazele kiua; o kia zubha kubhanga kiki a bokoniê kiá bhu kibangu, maji u bhanga hanji sambuadi dia izuua, ka bokona luua mu balaka iê.

Mikeia 6:4

Eme, ni kidi kiene, nga ku tombola mu ixi ia Ijitu; mu inzu ia ubhika mu ua kexile, nga ku kulamu; Eme nga katula Mozé, ni Alá, ni Midiiana, ià u nga tumine ku ku tuamenena o njila.

Habakuke 3:2

Jihova ngevu, maka mé mu uazuela, o uoma iu ua ngi kuata! Kikalakalu kié u Jihova, bhana-kiu dingi muenhu ku mivu ioso, o i uazuela enda ni ku i ijidisa dingi ku mivu ni mivu; kioso ki u thathamana jinga lembalala, Ngana, o kulenduka kué!

Dialuilu 12:16

Kia zubha ku mu bheka, kifuẋi kiene kiua kia katuka bhu Hazelote, a ta kibangu mu kikangalakata kia Palane.