Dialuilu 12:13 - O Mikanda Ikola

¹³ Mozé anga u di kola kua Jihova, uixi: Nzambi, mu sake, nga ku diondo.

Dialuilu 12:13 ပူးပေါင်းရင်းမြစ်များ

Dimatekenu 20:17

Mbalahamu anga u samba kua Nzambi; Nzambi anga u saka Abimeleke, ni mukajiʼê ni anʼa ahatu ku mbèle iê, a kala dingi mu vuala ana.

I Jisobha 13:6

Bhenhobho sobha u di kola, anga uambela muthu ua Nzambi, uixi: Ndoko samba bhu pholo ia Jihova, Nzambi ié phala u ngi diondele, mbé muene a ngi vutuile o lukuaku luami. Bhenhobho o muthu ua Nzambi anga u samba mu kudionda Ngana, sobha a mu vutuila dingi lukuaku luê, anga lu xalela dingi kala ki lua kexile mʼukulu.

Jisálamu 30:2

Jihova, Nzambi iami, nga dikola ko kué, phala ku ngi banda, eie-phe ua ngi sake.

Jisálamu 41:4

Eme ngedi, ngixi: Eie u Jihova ngi kuatele henda; ngi sake o muenhu uami kuma nga te ituxi ko kué.

Makatukilu 15:26

Hé u a ambela, uixi: Se u ívua kiambote o dízui dia Jihova, Nzambi ié, hé u bhanga kioso kia mu iukila ku mesu mê, ni u bhana o dítui ku itumu ié, hé u aiuka o ijiia iê iene ioso, ki ngi te dingi mahaxi ku thandu dié, né uhaxi umoxi ku mahaxi oso u nga te ku thandu dia akua Ijitu; kuma eme ngi Jihova, eme-muene ngi ku saka.

Makatukilu 4:7

Uixi: Tona dingi kuta lukuaku luê bhu homba. O muene anga u ta dingi lukuaku luê bhu homba; o kia zubha ku lu katula, u tala lua disanze dingi kala xitu jê jamukuá.

Izaía 30:26

O mueji ua mbeje ua kà soka ni muanha, o muanha uene ua kà di bandekeza lusambuadi mu kútua, mukuâ ni muanha ua sambuadi dia izuua ua di lunjika kumoxi; kiki ki bhita bhu kizuua kia Jihova, kia-nda ku sokejeka o mundu uê ua budijika, ni kia tumba o kilônda kiâ.

Jelemiia 17:14

Ngʼilule, Jihova, phala ngʼiluke: ngi bhulule, phala ngi bhuluke; mbata eie u diximanu diami.

Dialuilu 11:2

Kifuẋi anga ki di kola kua Mozé; Mozé anga u sambela Jihova; túbhia anga tu jima.

Dialuilu 12:12

Nga ku diondo, ka kale mukuâ ni muthu ua fu kiá, ka kale kala muthu lelu-ke a mu vuala maji xitu iê ia diua kiá.

Dialuilu 14:2

Anʼa Izalaiele oso anga a longolola Mozé ni Alá: Kilômbo kioso anga a ambela, exi: Tamanu tua fuidile mʼoxi ia Ijitu! Mba tu fuila ngó mu kikangalakatʼumu!

Dialuilu 16:41

Maji mu kizuua kia kaiadi, o kilômbo kioso kia anʼa Izalaiele a kuata o kulongolola Mozé ni Alá, exi: Enu mua jibha o mundu ua ngene ua Jihova.

Luka 23:34

Jezú-phe uixi: Tata, athu iá a loloke. Mukonda kejiia kioso kiala kubhanga! Ene anga a uana izuatu iê ni ku i tela jisorte.

Luka 6:28

Benzelenu oso a mi bhubhidila; Sambelenu oso a mi bhana o malebhu.

Jipoxolo 7:60

Anga u fukama, u di kola di dizui dia suina, uixi: Ngana, kana kuta kituxi kiki mu konda iâ! O kia zubha ku ki zuela, u batula muenhu.

Loma 12:21

Kana kuehela phulu ku mi tolola, inda enu-ku mu tolola o phulu ni mbote.

Tiiaku 5:15

O kusambʼuku, kua kuxikana, anga ku mu bhulula uoso ua-lu kata. O Ngana u mu balumuna, se ua tele ituxi, u mu loloka-iu.

I Samuuele 12:23

Eme bhabha ue, ki ngi tena kukala ngi muthu uengi, ni ngi te kituxi kua Jihova mu kuzumbuka ku mi sambela. Eme ngenda jinga muene ni ku mi longa mu njila iauabha, ia kuiuka.

I Samuuele 15:11

Nga dielesa kiá o kuta Saúlu ku ungana, kuma muene ua ngi bhana dikunda, ua di tunu ku ngi kaiela eme, iú ua fulu ku kumbidila ioso i nga mu tumu. Samuuele anga ki mu iibhila kiavulu; hé u dikola kua Jihova usuku uoso uenhó.