Dialuilu 11:29 - O Mikanda Ikola

²⁹ Mozé-phe, uixi: Uala ni dixinga mukonda diami eme? Eme nginda kifuẋi kioso kia Jihova a kale jipolofeta, Jihova nʼa te Nzumbi iê ku thandu diâ.

Dialuilu 11:29 ပူးပေါင်းရင်းမြစ်များ

Jouele 2:27

Enu anga mu kiʼijiia, kuila, eme ngala muʼaxaxe ka Izalaiele, ni kuila ue eneʼmuène ngó Jihova Nzambi ienu, kana-ku dingi uengi ua di te-ku. O mundu uami-phe ka kà u kuatesa dingi jisonhi katé ku hádia ni hádia.

Jouele 3:1

Mukonda-phe mu izuua mueneʼomo, mu kithangana kieneʼokio, ki nga-nda kua kà katula o ubhika ua Juda ni ua Jeluzaleme.

Dialuilu 11:30

Mozé anga u vutuka bhu kilômbo, ni muene ni adiakimi a Izalaiele.

Luka 10:2

Anga ua ambela, uixi: O díbhia, kidi muene dia kulu, akalakadi a tolo. Diondenu-phe Ngana, mukua díbhia, a tume dingi akalakadi mu díbhia diê.

Jipoxolo 26:29

Kuala Phaulu: Nginda muene ki ku bhite, né mu kindala, né ku hádia, kuma kiene ki nga mu bhinga kua Nzambi, kuila ni eie kiá, ni ene oso a ngʼivu lelu, mu kale muene kala ki ngalʼ eme,—maji mu kamba ngoho o malubhambu iá.

I Kolindo 13:4

O henda i kolokota mu jihadi, i lenduka. O henda ki i moneka dixinga, o henda ki iene izala, mba ukumbu.

I Kolindo 14:5

Nginda-phe kuila, enu oso mu zuelela mu jimbimbi jengi, maji inda kotakota dingi nga mesena mu kala ni uhete ua kutanga o Maka ma Nzambi. Kuma uoso u tanga o Maka ma Nzambi uala kota, o u zuela ni jimbimbi jengi ndenge, kuma ki bhinga bhu kala muthu u tena kulombolola ioso ia mu zuela, phala o Ngeleja ioso nʼ a i kuatekese mu nzumbi.

I Kolindo 3:21

Uila kiki, kana muthu a te thathe ia ima i bhanga o athu. Kuma ima ioso ienu enuʼ enu,

I Kolindo 3:3

Mbata ki mua di kala ni dixingʼ okio, enu mua mu di kuata mudienu, kifua ki ki mʼidikiza kuila hanji muala mu akua xitu, muala kuenda mu kikexilu kia athu oso?

Filipe 2:3

Ki mu bhange kima ni masunga a kusota ngó mbote ienu, mba izala ia ku mi ximana. Maji ni kubatama, kala muthu a kite mukuâ kota diê; Kana ku di fika kuila mua beta kuiuka o akuenu ndenge.

Tiiaku 4:5

Inga mua fika kuma o Madivulu Makôla ma ki zuela ngoho, kuila: Nzumbiʼoio, a mu ta Nzambi moxi dietu, ua tu indi ni difuba.

Tiiaku 5:9

Enu jiphange, ki muende ni kudilongolola mudienu, phala enu-enu Nzambi ka mi belese. Talesenu, Mufundixi ua zukama, iú kiá bhu muelu phala kuiza.

I Phetele 2:1

Uila kiki-phe, ehenu o usueia uoso, ni makutu, ni mangonha, ni luma, ni kabódio, ka kulongolola athu.

I Samuuele 10:6

Bheneʼobho-phe Nzumbi ia Jihova ua kà tula ni nguzu ku thandu dié, eie ua kà zuela ue ni uanji ua upolofeta, ua kà biluka kiá u muthu uengi.