Dialuilu 11:25 - O Mikanda Ikola

²⁵ Jihova anga u tuluka mu dituta, u kala mu ku mu zuelesa, anga u katula ku Nzumbi iala ku thandu dia muene, u ta ku adiakimi, makuinhi sambuadi a muthu; anga ki bhita kuma kia tula Nzumbi ku thandu diâ, a kuata kuzambula ni uanji ua upolofeta, maji kithangana ngó bhenhobho, ka ki tona dingi.

Dialuilu 11:25 ပူးပေါင်းရင်းမြစ်များ

II Jisobha 2:15

O anʼa jipolofeta-phe a kexile ku sámbua diodio, mu Jedikó, kioso kia ki mono, zuela, exi: O nzumbi ia Elija ia tula kua Ilizeu. Anga eza ku mu kauidila, a di bhala bhoxi mu ku mu diundila.

Nehemiia 9:20

Anga u a bhana o Nzumbi ié iambote, mbé i a longe; o maná ié, ku a katula-iu mu kanu diâ; anga u a bhana menha mu dinhota diâ.

Jisálamu 99:7

U a zuelesa jinga mu mufumbeji ua dituta, kioso ene kia kuata jinga o ijila iê ni ngonge ia a bhana.

Makatukilu 32:32

Ki alʼiki, a loloke Ngana, o kituxi kiâ. Se ki ki ẋikina, eme uami ngi jimune, nga ku diondo, mu divulu dié di ua soneka.

Makatukilu 34:5

Jihova anga u tulukila mu dituta, hé u imana-nê; bhenhobho, u kola o dijina dia Jihova.

Makatukilu 40:38

Mukonda o dituta dia Jihova dia nanga jinga ku thandu dia balaka mu muanha, o mu usuku di kituka túbhia ku mesu ma dibhata dioso dia Izalaiele, mu jinjila jâ joso.

Izaía 63:11

O ki eza-ku-phe, ua lembalala mu xáhúlu, kia kexe Mozé, ni mundu ué. Uixi-phe; O ki tualʼiki, iú kuebhi uoso ua zaukixile mu Kizanga kia Kalunga o mubidi ua kilunga kiê? O ua tele o Nzumbi iê Ikola muʼaxaxi kâ uala kuebhi?

Izekiiele 8:11

Nga mono ue ni makuinhi sambuadi a muthu, ku ikulakaji ia dibhata dia Izalaiele, ala kumoxi ni Jahazaniia, monʼa Safane, ua kexi mu kaxi kâ, ia emana bhu pholo ia ima ienʼiii iòsete ku mutôto, o bhu maku mâ, muthu ni muthu ua kuata kienga kia ku uikila uasu ua dizumba; anga o kidixi kia uasu ua dizumba kiia ni kutukumuka kala dituta dia nguzu.

Dialuilu 11:17

Eme ngi tuluka, ngi ku zuelesa bhenhobho; ngi katula ku Nzumbi iala ku thandu dié, ngi ta ku thandu diâ-ene; ene ue ambate-ku ku kimbamba, ki ki kale kia ubheka ué.

Dialuilu 12:5

Jihova anga u tulukila mu philadi ia dituta, uimana bhu muelu ua balaka, anga uixana Alá ni Midiiana, anga a bhiẋila, emana, kiiadi kiâ.

Dialuilu 16:25

Kienhókio o Mozé u balumuka, hé uia kua Datane ni Abilamu; o adiakime oso a Izalaiele a mu kaiela.

Dialuilu 24:2

Balamu anga u bhetula mesu, u mona Izalaiele, kia te kibangu kiâ ku miji-miji; Nzumbi ia Nzambi anga i mu tula.

Dialuilu 27:18

Jihova anga u ambela Mozé, uixi: Kuata Josuué dia Nune, diiala uala ni Nzumbi moxi diê, u mu tule lukuaku lué ku thandu;

Jipoxolo 11:28

Mudiâ anga mu kala muthu dijina diê Akabu, uimana, hé u tuma kuijidisa ni kutena kua Nzumbi Iambote kuma, kuanda ku kala nzala ia dikota mu ngongo ioso. O nzalʼ iii ia bhiti mu izuua ia kexi mu tumina Kaláudio.

I Kolindo 14:32

Uoso-phe u zuela, ua fuama u di langa kiambote ni uhete uê ua kutula o Njimbu ia Nzambi.

Tiiaku 1:17

Kuma o ujitu uambote u tu tambula, ni uhete uauabha, u tunda ku duilu. Ima ioso íii i tuluka kua Nzambi, Tata ua bhanga o mikengeji ia diulu. O muène kene ni kualuluka, kuma mua muène ki muene mú kala nè ngó kizenji kia kualuluka.

II Phetele 1:21

Mbata nuka kukala muzambu ua polofeta uijiia ku vondadi ia muthu. Maji athu a zuela jinga mu kutula o Njimbu i tunda kua Nzambi kala kioso kia a tuma jinga kuzuela kuala o Nzumbi Ikôla.

Afundixi 3:10

Nzumbi ia Jihova anga iiza ku thandu diê, u kala mu fundisa Izalaiele; anga u tunda mu kúlua ita, Jihova anga u bhakula Kuxane-Lesataime, sobha ia Sídia, bhu lukuaku luê; lukuaku luê anga lu lenda o kutolola Kuxane-Lesataime.

I Samuuele 10:10

O kia bhixila bhu kalundu, kibuka kia jipolofeta kiki, anga u takana na-kiu; Nzumbi ia Nzambi anga uiza ni nguzu ku thandu diê, muene hé u kala mu zuela ni uanji ua upolofeta muʼaxaxi kâ.