Dialuilu 11:20 - O Mikanda Ikola

²⁰ mu i dia mu mbeji ia muvimba katé xitu i mi tundila mu mazulu, i mi bhekela fôkoso; mukonda Jihova mua mu tènde uala muʼaxaxi kenu, mua mu didila, muixi: Phalahi ua tu katula mu Ijitu?

Dialuilu 11:20 ပူးပေါင်းရင်းမြစ်များ

II Samuuele 12:10

O kiki-phe, xibhata mʼonzo ié ki i batuka-mu dingi, mukonda eme ua ngi tènde, mukaji a Udiia mukua Hiti ua mu tambula mu ku kala mukajiʼé.

Jisálamu 106:15

Muene anga u a bhana kia Seme o vondadi iâ, maji ua a bhana ue kukonzama kua mixima iâ moxi.

Makatukilu 16:13

Kutula-phe mu kumbi dia ngoloxi kueza tungumbe, kilômbo kioso kiezala; o ki kuaki mu kimene, dimume dia tula mu jimbandu joso ja kilômbo.

Makatukilu 16:3

Anʼa Izalaiele anga a zuela kua ene, exi: Tamano tua fuile ku lukuaku lua Jihova, mʼoxi ia Ijitu, kioso ki tua kexile mu xikama bhu mbanduʼa jímbia ja xitu, anga tu dia o mbolo, hé tu i lémbua; enu-phe mua tu katula, enu mua tu bheka mu kikangalakatʼumu, phala kujibha o mundu uosʼú ni nzala.

Makatukilu 16:8

Mozé anga u kumbulula dingi, uixi: Mu ki mona, Jihova kianda ku mi bhana kúdia xitu mu ngoloxi, ki kukia anga mu dia mbolo katé muekuta; mukonda Jihova ua mʼivu o kuzuela kuenu, ku mua mu longolola na-ku muene. Mbata etu, etu akua-hi? Ki etu mua tu longolola, kuma mua longolola Jihova.

Jisabhu 27:7

Muenhu ua muthu se uekuta, kixila kia uiki u ki diata-diatela muene bhoxi; maji o mukua nzala-phe, ni kia lulu u ki mona kutouala.

Malakiia 1:6

Mona u xila tatʼâ, o mubhika u xila nganga iê; Eme-phe, se ngi Tata, o ujitu ua ngi fuama, iú kuebhi? Se Eme ngi ngana ienu, o uoma ua ngi tokala, iú kuebhi? Eme ngi Jihova dia Ifuẋi, ngambela enu mu jinganga mua-lu dituna kuxila Dijina diami. Enu-phe muexi: Mu kima kiahi etu mu tua ditunu o kuxila Dijina dié?

Dialuilu 11:13

Eme xitu ngi i sanga kuebhi ia kubhana kifuẋi kiosuʼiki? Kuma ala ku ngi didila, exi: Tu bhane xitu, tu die.

Dialuilu 11:19

Ki mu i di ngó kizuua kimoxi, mba izuua iiadi, mba izuua itanu, mba kuinhi dia kizuua, mba makuinhi aiadi a kizuua;

Dialuilu 11:21

Kuala Mozé: Athu ngala-nâ a tena hama jisamanu ja jimidi, o makuenze ngó enda bhoxi; eie ua zuela, uixi: Eme ngʼa bhana xitu, nʼa i di mu mbeji ia muvimba!

Dialuilu 14:3

Jihova ua tu bhekela-hi kʼoxi kunu, phala ni tu fuile ngó ku xibhata? Ni ahatuʼetu ni anʼetu nʼa di bhange mbole; manhi ki kota tu vutukila mu Ijitu?

Dialuilu 14:4

Anga a di longesa mudiâ, exi: Tu sodienu kabhitangu, u tu kala ku pholo, tu vutuke mu Ijitu.

Dialuilu 16:13

Manhi kia ku tolela, ki ua tu bhangesa o kutunda mu ixi izunzumuka lete ni uemba, phala ni u tu jibhile mu kikangalakata mumu, anga u mesena u di bhanga dingi u ngana ietu?

Dialuilu 20:4

Phalaʼhi mua bheka o kilômbo kia ngene kia Jihova mu kikangalakatʼumu, ni tu fuile momo, ni etu ni ibhaku ietu?

Dialuilu 21:5

Kifuẋi anga a longolola Nzambi ni Mozé, exi: Mukonda diahi ua tu katula mu Ijitu, ni tu fuile ngó mu kikangalakatʼumu? Ki mu moneka mbolo, ki mu moneka menha; ima ia maná iii ia tu kumu!

Jipoxolo 13:41

Talesenu, enu muene mu kutobhesa ioso, muanda kukakuka anga mu jikinina! Kuma o kikalakalu ki nga mu bhanga mu izuua ienu kikalakalu enu ki mu ki xikina, né-mbe hanji bhu kala muthu u mi ambela-kiu ue.

I Tesalonika 4:8

Uila kiki, uoso ua ditunu o ulongelu iú, ki muthu a mu ditunu, maji ua ditunu Nzambi mukua ku mi tumikisa o Nzumbi iê Ikôla.

Josuué 24:27

Josuué anga uambela o kifuẋi kioso, uixi: Ditadi didi hádia di tu kala mbangi; mukonda diene dievu o maka oso a tu ambela Jihova; hádia di mi kala ue ku umbangi ua ku mi kuzala, phala Nzambi ienu ki mu mu tele makutu.

I Samuuele 10:19

Enu-phe kizuua kia lelu mua ditunu Nzambi ienu uene ku mi kudila mu mavuua menu moso ni mu malamba menu; mua mu ambela, muixi: Kana, tu bhane sobha i tu tumina. Kiki-phe di tienu ku minono bhu pholo ia Jihova, mu di tungule kala kioso ki mua di kaiejela mu miji ienu ni mu jimidi jenu.

I Samuuele 2:30

Mukonda dia kiki Jihova, Nzambi ia Izalaiele uambe, uixi: Nga ki ambele muene ngixi o dibhata dié ni dibhata dia tatʼenu, dià xalela-ku kiá mu kuimajana jinga ni kubhanga ujitu bhu pholo iami; maji kiki-phe, eme Jihova, ki ngʼambeleʼokio nga ki texi dikanga; kuma oso a ngi xila eme, ene uâ eme ngʼa xila, oso-phe a ngi tènde, a kà jingunuka katé kia sebuluka muene.