Dialuilu 11:2 - O Mikanda Ikola

² Kifuẋi anga ki di kola kua Mozé; Mozé anga u sambela Jihova; túbhia anga tu jima.

Dialuilu 11:2 ပူးပေါင်းရင်းမြစ်များ

Jisálamu 106:23

Kia mu bhangesa kuila, uixi: Ngʼa buikisa; ua a bhana o muenhu Mozé, muthu uangene, uemana bhu kaẋi ni ku a diondela, katé o njinda iê ua i lungulula iela muengi, iu ua fudisa o ku a buikisa.

Makatukilu 10:18

Muene anga u tunda kua Falaó, u dionda Jihova.

Makatukilu 34:9

Uixi-phe: Se ni kidi kiene, nga sange ngalasa ku mesu mé, Ngana, nga ku diondo, Eie-muène endela muʼaxaxi ketu; kuma etu tu mundu ua thathamana jixingu. Tu loloke-phe o kubhukumuka kuetu, ni ituxi ietu, nda u tu tambulule mu kukala tu undundu ué.

Izaía 37:4

Manhi, o Jihova Nzambi ié, maka ma Labesaki ua mʼèvué, muthu a mu tumikisa kuala ngana iê, sobha ia Asídia, phala ku xinga Nzambi ia muenhu, ni ku mu lebhula ni maka ma dʼivila Jihova Nzambi ié. Sambela-phe tumasubhu tua xala-bhu.

Jelemiia 15:1

Jihova-phe ua ngambela, uixi: Né-mbe hanji Mozé ni Samuele emanene bhu pholo iami, o muenhu uami ki ueje ku di bunda ni mundu iú; a kaie, bhu pholo iami a tunde-bhu.

Jelemiia 37:3

Sumbale kiene, maji sobha Zedekiia ua tumikisa Jukale, monʼa Selemiia, ni Sofoniia, monʼa Mahaseia, o nganga, kua polofeta Jelemiia, phala a muʼ ambele, kuila: A tu diondele kindala kua Jihova, Nzambi ietu.

Jelemiia 42:2

Anga ambela polofeta Jelemiia, exi: Kudionda kuetu ku sonokene kindala bhu pholo ié, u tu diondele kua Jihova, Nzambi ié, ku ene osuʼá subhuka, mbata ku nzungule i tua kexile, tua subhuka tua tolo kiá, kala ki ua mu di muena éʼmuène ni mesu mé.

Dialuilu 12:11

Alá anga u zuela kua Mozé, uixi: Mozé tata! Ngana iami; kana ku tu tudika kituxi kiki ku thandu dietu, nga ku diondo, kuma tua bhange uoua, tua te kituxi.

Dialuilu 12:13

Mozé anga u di kola kua Jihova, uixi: Nzambi, mu sake, nga ku diondo.

Dialuilu 21:7

Kifuẋi anga eza kua Mozé, exi: Tua te kituxi, mukonda tua longolola Jihova ni eie; tu sambele kua Jihova, a tu katule jinhoka ja túbhia. Mozé anga u sambela o kifuẋi.

Jipoxolo 8:24

Ximá bhenhobho u kumbulula Phetele ni Nzuá, uixi: Ngi sambedienu kua Ngana, nga mi diondo, phala o ima i mu tangeʼ oio ki iize ko kuami.

Jihebeleu 7:26

Mukonda dia kiki, Jezú muène o Nganga ia Dikota tua mu bhindamena. Muène u kôla. Muène ka moneka phulu, ka moneka ufusa. Ua di kalelela ku akua ituxi, iú ua zangalala ku thandu a maulu.

Tiiaku 5:16

Kala kiki, fisalenu mudienu ituxi ienu, mu di diondele mu kusamba, phala a mʼilule. O kusamba kua muthu uaiuka, ku lenda kiavulu mu kukalakala.

I Nzuá 5:16

Se muthu u mona phangʼiê uala mu ta kituxi, maji ki kituxi kia kúfua, a mu bhingile, Nzambi nda a mu bhane muenhu muenhó uoso u ta kituxi, ki kituxi kia kúfua. Sai-ku kituxi kia kúfua; ki kiene-phe eme ki nga mi ambela kuila mu ki bhingila.