Dialuilu 11:10 - O Mikanda Ikola

¹⁰ Mozé anga uívua kifuẋi, iá dila, kala muthu ni dibhata diê, bhu kanga dia fundu iê; Jihova njinda ia mu kuata kiavulu; ni Mozé kia muʼibhila.

Dialuilu 11:10 ပူးပေါင်းရင်းမြစ်များ

Jisálamu 106:25

A hina-hina ngó ni kulongolola mu jifundu jâ muala; o kuívua dízui dia Jihova, a ditunu.

Jisálamu 139:21

Manhi ngi kamba ku a zemba, a ku zembe eie u Jihova? kífua ki kamba ku ngi iibhila kia ku bhukumukina eie Ngana?

Jisálamu 78:21

Jihova ua kʼivu, njinda hé i mu kuata; kua uama túbhia tua kuoha Jakobo, o kuluuala kuê ku xikita dixi dia kuaula Izalaiele.

Jisálamu 78:59

Nzambi kia kʼivu, njinda ia mu kuata, Izalaiele anga u mu iibhila kiavulu muene.

Izaía 5:25

Ki kia bhangesa o njinda ia Jihova ku uama ku thandu dia mundu uê, iú ua sunununa lukuaku luê, iú ua a bhana kaxitiku, katé ni milundu ia teketa; o imbi iâ iedile kala maxita muʼaxaxi ka nzunga; ku thandu dia iosuʼiii, njinda iê ki ia suku, maji lukuaku luê hanji ua luʼoleka.

Jelemiia 17:4

Eʼ muenhé-phe ua di bhange-kiu, eie ua-nda ku di kakula ubhinganu ué, u nga ku bhele, anga ngi ku bhangesa ku bhikila o jinguma jé, mu ixi kua ijiia; kuma o túbhia tu ua bambula ku njinda iami tuà uamena-ku muene katé ku hádia ni hádia.

Dialuilu 11:1

Kifuẋi anga ki kala mu longolola, a zuela ima iaiibha mu mátui ma Jihova; Jihova-phe kia kʼivu njinda i mu kuata; túbhia tua Jihova anga tu uama muʼaxaxi kâ, o bhua suku kilômbo, hé enda ni kuaúka.

Dialuilu 11:11

Mozé anga u zuela kua Jihova, uixi: Mubhikʼé ua mu bhangela-hi kiki? Ihi kia ngi kambesa kusanga kiadi ku mesu mé, ki ua ngi tuika kimbamba kia kifuẋi kioso kiki ku thandu diami?

Dialuilu 11:9

O kia sonoka jinga dimume bhu kilômbo mu usuku, ni maná i sonokena ue kumoxi.

Dialuilu 12:3

Mozé-phe ua kexi muthu ua xididika, athu oso mu ngongo ndenge.

Dialuilu 12:9

Njinda ia Jihova, ia a kuatela, anga i uama: anga u tunda-bhu, uié.

Dialuilu 16:27

Ene oso anga a katuka mu jimbandu ja jinzu ja Kola, ni Datane ni Abilamu. Ni Datane ni Abilamu anga a tunda, hé eza emana bhu mielu ia jibalaka jâ, kumoxi ni ahetuʼâ ni anʼâ ni tuana tuâ tuòfele-fêle.

Dialuilu 21:5

Kifuẋi anga a longolola Nzambi ni Mozé, exi: Mukonda diahi ua tu katula mu Ijitu, ni tu fuile ngó mu kikangalakatʼumu? Ki mu moneka mbolo, ki mu moneka menha; ima ia maná iii ia tu kumu!

Marku 10:14

Jezú-phe kia ki mono, kia mu iibhila kiavulu, uixi: Ehelenu o tuana ku ngi bhixila! Kana ku tu kaia, kuma o Utuminu ua Nzambi ua tokala oso a soko ni tuana enhá.

Marku 3:5

Muene ua exi suí, ene oso, ni dilamba ni njinda, mukonda kia mu iibhila o kukola kua kua muẋima, mbata nguâ-uâ ku tongolola, nʼejiie. Anga u ambela o diiala: Sunununa lukuaku. Muene kia lu sunununa, lukuaku lue lua disanze kala lua mukua.

Matendelelu 32:22

Kuma kiene ki ngalʼiki njinda iami iauama túbhia, tua kà uama muene, katé tua bhiẋila mu jihota joso ja mukiukuluku; phala kubuikisa oxi ni funza iê ioso; ni ku jikatesa o madisesa ma milundu.