Dialuilu 11:1 - O Mikanda Ikola

¹ Kifuẋi anga ki kala mu longolola, a zuela ima iaiibha mu mátui ma Jihova; Jihova-phe kia kʼivu njinda i mu kuata; túbhia tua Jihova anga tu uama muʼaxaxi kâ, o bhua suku kilômbo, hé enda ni kuaúka.

Dialuilu 11:1 ပူးပေါင်းရင်းမြစ်များ

Dimatekenu 38:10

Kiene kia mu bhangʼiki, anga ki iibha ku mesu a Jihova; anga u mu jibha ue.

II Samuuele 11:27

O kia bhiti izuua ia kudila o thambi, Davidi u tuma ku mu takana, u mu bheka mʼonzo iê, anga u kala mukajiʼê, hé u mu vualela mona ua diiala. Kima kiki-phe, kia bhange Davidi, Jihova kia mu iibhila.

II Jisobha 1:12

Elija-phe u mu vutuila, uexi: Se eme-phe ngi Muthu ua Nzambi, ku diulu ku tuluke túbhia tu ku jikinise eie ni makuinhʼé a tanu a disoladi. Bheneʼobho o túbhia tua Nzambi tua tuluka mu diulu, tu tua mu jikinisa ni muene ni makuinhʼé a tanu a disoladi.

Jobe 1:16

Kioso iú kia mu zuela hanji, kueza mukuá, uixi: Túbhia tua Nzambi, tua tuluka mu diulu, tu tuoha jimbudi ni abhika oso katé kia buila, eme-muène ngó nga subhuka-ku phala ku ku tudila o njimbu.

Jisálamu 106:18

Kua uama túbhia mu junda ia mundu uâ; a bhukumukʼó auka ku mulengo.

Jisálamu 78:21

Jihova ua kʼivu, njinda hé i mu kuata; kua uama túbhia tua kuoha Jakobo, o kuluuala kuê ku xikita dixi dia kuaula Izalaiele.

Jisálamu 78:63

Túbhia tua minha o minzangala iâ ia mala; o anʼâ a ilumba a xala sé muimbu ua ubhanga.

Makatukilu 16:7

o mungu ki kúkia mu kimene, mua-ndu mona o unene ua Jihova; mukonda muene ua mʼivu o kulongolola kuenu; Jihova mua mu longolola, etu tu akua-hi kuila mu tu longolola etu?

Makatukilu 16:9

Mozé anga u ambela Alá, uixi: Ambela kionge kioso kia anʼa Izalaiele, a zukame bhu pholo ia Jihova; mukonda ua mʼivu o kulongolola kuenu.

Izaía 10:17

Mbata mukengeji ua Izalaiele ua kà di bhanga kala túbhia, Dilemba diâ, ukituka mulengo, uene uximika hé u jikinisa o misonge iê ni ivunda iê mu kumbi dimoxi.

Izaía 30:33

Kuma Tofete a i iudika kiá, tunde mazá; xi, a i iudikila sobha; a i zongolola, a i kudisa; o sáma iê túbhia mu túbhia, o jihunhi jivula jala-mu; o muha ua Jihova ua kà uama kala muxónge ua xofidi.

Izaía 33:14

Akua-ituxi mu Ziione uoma ua a kuata, akua-mangonha kua a tula kiteketela. Mukuahi mudietu u tena kutunga bhuamoxi ni mulengu ki uene kujima?

Kuditenda 3:39

Muthu ua muenhu u kuatela-hi-phe ku ditata? Inda muthu ni muthu a di tate mukonda dia ituxi iê!

Izekiiele 20:36

Jihova Nzambi uixi; Kala ki nga di tele mu kufunda ni jitata jenu, mu kikangalakata kia ixi ia Ijitu, kiene ue hádia ki ngi di ta mu kufunda nʼenu.

Ijila 10:2

Bhenhobho anga ku fuafua túbhia bhu pholo ia Jihova, ene hé a jokota, a fuila bhobho bhu pholo ia Jihova.

Nahumu 1:5

Bhu pholo iê milundu ia makota itunguta, o milundu iofele isengumuka; oxi ia kà di nhikisa bhu pholo iê, ni ngongo, ni oso a tungu-mu.

Habakuke 3:5

Dibhebhu dia kipheku dia mu tuamenena ku pholo, ni imuiku ia túbhia bhoxi dia inama iê.

Dialuilu 10:33

Anga a katuka bhu mulundu ua Jihova, enda dikanga dia izuua itatu; álaka ia kikutu kia Jihova anga ia tuamena ku pholo dikanga dia izuua itatu, mu ku a sotela kididi bhuoso bhua nhohena.

Dialuilu 11:18

Kifuẋi-phe a ambele: Di bônzienu phala o kizuua kia mungu, mua-nda kúdia xitu; kuma mua didila mu mátui ma Jihova, muixi: Nanhi u tu bhana xitu ia kúdia? Muixi: Inda mu Ijitu tua bhandulukile; Jihova-phe ua-nda ku mi bhana xitu, i mu dia.

Dialuilu 12:2

Anga a zuela, exi: Kifua Jihova ua zuelela ngó mua Mozé ubheka uê? Ka zuelela ue moʼmuetu? Jihova anga u kʼivua.

Dialuilu 14:2

Anʼa Izalaiele oso anga a longolola Mozé ni Alá: Kilômbo kioso anga a ambela, exi: Tamanu tua fuidile mʼoxi ia Ijitu! Mba tu fuila ngó mu kikangalakatʼumu!

Dialuilu 14:22

mala enhá kia mono unene uami ni isuma i nga bhange mu Ijitu ni mu kikangalakata, maji a ngi bhumina lukuinhi luosʼulu, nguauâ kuívua dízui diami;

Dialuilu 14:27

Mbambe bhebhi bhu nga kà suka ni kuxididikila kilômbo kiki kiaiibha, a kuata ku ngi longolola? Ngevu kulongolola kua anʼa Izalaiele, kioso kiala ku ngi longolola eme.

Dialuilu 14:28

A ambedienu; Ki ngedi eme ngi muthu ua muenhu, eme ngi Jihova, kioso ki mua zuelenu mu mátui mami, kiene muene ki ngi mi bhanga;

Dialuilu 16:11

Ki kia mi bhekesa dingi kuila ni eie ni kionge kié kioso mua di bhongolola mu kuzoka ni Jihova; o Alá, muene kima kiahi, muala ku mu longololʼenu?

Dialuilu 16:35

Kuabhu-phe, anga ku tunda túbhia kua Jihova, anga tu jikinisa o hama jiiadi ni makuinhi atanu a muthu a kexi mu kuoha o uasu ua dizumba.

Dialuilu 17:5

Hé kia kà kala-phe kuila, o mbangala ia muthu uoso ngi mu sola eme ia-nda kutuluka; mu kubhanga kiki ngi zubha-ku o makulongolola ma ana a Izalaiele a mu ngi longolola na-u eme, mu ku mi longolola enu.

Dialuilu 21:5

Kifuẋi anga a longolola Nzambi ni Mozé, exi: Mukonda diahi ua tu katula mu Ijitu, ni tu fuile ngó mu kikangalakatʼumu? Ki mu moneka mbolo, ki mu moneka menha; ima ia maná iii ia tu kumu!

I Kolindo 10:10

Kana ue kulongolola, kala kia longoluele ene amoxi-mu, anga a a jima mbutu kuala o Anju ia Mubuikixi.

Matendelelu 25:18

kaẋi muene ua ku tundile anga u ku jibhila o jifalaku jé joso ja xedi kuema, ia a kexi mu ku ku kaiela, kioso eʼmuène ki uedile uabhuila, uaioko-joka; ka kexe-phe ngó ni uoma ua Nzambi.

Matendelelu 32:22

Kuma kiene ki ngalʼiki njinda iami iauama túbhia, tua kà uama muene, katé tua bhiẋila mu jihota joso ja mukiukuluku; phala kubuikisa oxi ni funza iê ioso; ni ku jikatesa o madisesa ma milundu.

Matendelelu 9:22

O bhu Tabela, ni bhu Masá ni bhu Kiboloto-Hatava, ni ku jimbandu joso ku mua bhiti, Jihova mua mu lokalala jinga ue kiaiibha.

Jihebeleu 12:29

Kuma kidi muene, Nzambi ietu tubhia tua uama, tu buikisa.

Tiiaku 5:4

o futu ia jingunza ja kalakala mu mabhia menu, mua emina-iu. O mu kuditenda kuâ ivenu kia-lu dikola! O mitendu ia enhó a munu o mabhia menu, ia bokona mu matui ma Ngana Nzambi, Muteni-a-Ioso.

Juda 1:16

Athu kala iá, akua kudizumina jinga ni kulongolola ni kufunda, enda kioso kia a tumu o jihânji, a kala ni dikanu dia ku di kaka, a kala ni kathombo kʼ athu mbebhu o kunganhala.