Dialuilu 10:29 - O Mikanda Ikola

²⁹ Mozé anga u ambela Hobabe monʼa Leuele mukua Midiiane, ukouakime ua Mozé, uixi: Tuala mu njila ia kuia ku kididi kia tu ambela Jihova, kuma: Ngi mi bhana-kiu; zá tuile kumoxi, tu ku bhange mbote; kuma Jihova ua tange kubhanga mbote kua Izalaiele.

Dialuilu 10:29 ပူးပေါင်းရင်းမြစ်များ

Dimatekenu 12:7

Jihova anga u tukulukila Mbalamu, u mu ambela, uixi: O mbutu ié-eie hinu nga kà a bhana o ixi ienhiʼii. Muene anga u tunga-bhu kalatódio, phala Jihova ua mu tukulukila.

Dimatekenu 13:15

Mukonda o ixi ioso i ua mono iii, eie muene hino ngi ku bhana-iu, ni mbutu ié phala kutungenena momo, katé ku hádia ni hádia.

Dimatekenu 15:18

Kizuua kienhokio-phe Jihova u ta kikutu ni Mbalamu, uixi: Mbutu ié nga a bhana muene ixi iii tunde mu honga ia Ijito katé mu honga ia dikota, honga ia Ufalate,

Dimatekenu 17:8

Ngi ku bhana eie muene, ni mbutu ié hinu i ku bhingana, o ixi ienhiʼii ia inhunginu ié, ixi ioso ia Kanana, i kala undundu ué katé ku hádia ni hádia sè dizubhilu; eme ngà kala ngi Nzambi iâ.

Dimatekenu 32:12

Eie-phe uambe kuma: Kidi muene ngà ku bhanga mbote, ngi sokolola o mbutu ié i soka ni museke bhu ndundu ia kalunga, ki u ẋikina ku u kuata konda mukonda dia kuvula.

Jisálamu 100:1

Tumbujukenu ni ngalasa kua Jihova, enu oso mua tungu mu ngongo.

Jisálamu 34:8

Lolenu, mu mone kuma Jihova uene ni mbote; muthu ió u lunga uoso ua mu dielela muene.

Jisálamu 95:1

Ndokuenu, tu imbidienu Jihova ni kutana; tu dikodienu ni ngalasa bhu ditadi dietu dia kubhulukila.

Makatukilu 18:1

Kiki Jétulu, nganga ia Midiiana, ukouʼa Mozé uevu ima ioso Nzambi ia bhange mu kuatekesa Mozé, ni mundu uê ua Izalaiele; kuma uevu ue kioso Jihova kia katula Izalaiele mu Ijitu.

Makatukilu 18:12

Jetulu, ukouʼa Mozé, anga u kuata kibhaku kia kuoha, ni jisata ja Nzambi; Alá anga uiza, ni adiakimi oso a Izalaiele, a dia fesa ni ukouʼa Mozé, bhu pholo ia Nzambi.

Makatukilu 18:27

Mozé anga u di xalesa ni ukouʼê, o muene hé uia ku bhata diê.

Makatukilu 2:18

O kia zubha kutula, kua tatʼâ Leuele, uixi: Kiende kiebhi lelu mua lenguluka kuiza?

Makatukilu 2:21

Mozé anga ki mu uabhela kutunga ni muadiakimi ió; muene anga u mu bhana monʼê ua muhatu Zipola kusakana-nê.

Makatukilu 3:1

Kiki-phe o Mozé u kala mu kuinga ibhaku ia Jétulu ukouʼê, nganga ia Midiiana. Kizuua kimoxi anga uambata o kilunga, uia na-kiu kuema dia kikangalakata, u bhiẋila ku mulundu ua Nzambi, ku Holebe.

Makatukilu 3:8

Kala kiki, nga tuluka-phe mu ku a kudila bhu maku a akua Ijitu, ni ku a katula mʼoxi momo muala, ni ku a bheka mʼoxi iengi iauabha ia kulu, ixi i kunguluka lete ni uiki; ixi ia tungu Makanana, ni Mahiti, ni Mamodi, ni Mapelezi, ni Mahivi, ni Majebusi.

Makatukilu 6:4

Nga kuatesa kikutu kiami ni ene, mu ku a bhana ixi ia Kanana, ixi ia unhunginu uâ mua kexi kunhungina.

Izaía 2:3

Miji iavulu, ia kèza anga ia kà zuela: Zenu tu bande ku mulundu ua Jihova, kuʼbhata dia Nzambi ia Jakobo, phala a tu longese kioso kiene o jinjila jê, nda tuendele mu jihoka jê; mbata kitumu kia kà tunda mu Ziione, maka ma Jihova ma kèjiia mu Jeluzaleme.

Jelemiia 50:5

A kʼèbhula njila ia Ziione, kueneʼoko kuene kua talela jipholo jâ; hádia a kʼèza anga a kà di bunda kua Jihova mu kikutu ki nangenena kia bhingi ki mungu dingi a ki jimba.

Dialuilu 10:28

Kiene kiende anʼa Izalaielʼiki mu ilômbo-ilômbo; ki a katuka jinga.

Dialuilu 23:19

Nzambi ki muthu, kuila u ta makutu. Ki monʼa muthu, kuila u zuela luiadi. Kima kiambe, u kamba ku ki bhanga? Kia mu bhiti bhu dimi, u aluluka?

Jipoxolo 7:5

Nzambi muène, Mbalahamu ka mu bhana-mu kibatu kia kulundula, né kia soko ngó kujika o dikanda diê dia dinama. Maji Nzambi anga u ta kikutu kia ku mu bhana-iu ku ivua, ni ku i bhana o mbutu iê ku i lundula. Sumbala Nzambi ki a te o kikutuʼiki, Mbalahamu ka moneka luua mona.

Matendelelu 30:5

anga Jihova Nzambi ié u ku bheka mʼoxi ia vuile kiá kuala o jitata jé, anga eie ue u ivua; hé u ku bhandulula kiasoko, eie ubeta kusokoloka, o kia sokoluele o jitata jé, ndenge.

Matendelelu 4:40

Aluka-phe o jingonge jê, ni itumu iê, i ngala ku ku tendelela lelu, phala utunge usome, ni ku mululu ni ku muláula, o izuua ié nda i vule mʼoxi ia ku bhana Jiohova Nzambi ié, katé ku hádia ni hádia.

Tito 1:2

Ubhezelu ua xamenena mu kudielela o muenhu ki uàbhua. Nzambi ka moneka makutu, muène ua tu kanena-nâ tunde xahulu ku dimatekenu dia ithangana ioso.

Jihebeleu 6:18

Phala bhu kale ima iiadi iakolo, ia bhingi Nzambi mu ku i tanga ka tena ku kala ni makutu, phala ku tu suinisa kiavulu o miẋima, etu oso tua lengela kua Muène, tueza, tua kuata o kudielela kueniʼuku kua tu bhana.

Dijingunuinu 22:17

Ni Nzumbi ni Dibhanga, edi: Izá! Uoso ue uívua imʼíii, ele: Izá! Uoso dinhota dia mu kuata, eze. Uoso uandala, a tambule o menha ma muenhu mu ngoho.

Afundixi 1:16

Anʼa Kene, ukouakime ua Mozé, anga a tunda bhu Mbonge ia Maie, a bandela kumoxi ni anʼa Juda katé mu kikangalakata kia Juda, kiakexila mu sulu ia Halade; anga aia a tunga kumoxi ni akuaʼxi.

Afundixi 4:11

Tala, Hebele-phe, mukua Kene, ua di abhula mu akua Kene ni akuâ, anʼa Hobabe uko-ua-kimi ua Mozé, iú ua ximbika balaka jê makanga engi, katé bhu muẋi ua dikota ua mukaluvádiu mu Zananime, bhua zukama mu Kadexe.

I Samuuele 15:6

Saúlo anga u ambela akua Kene, uixi: Ndokuenu, tundenu, mu muangane muʼaxaxi ka akua Amaleke, phala ki ngi mi buikisile-nâ kumoxi; kuma enu mua bhangele ujitu ku ana oso a Izalaiele, kia tundile ku Ijito. Kienhiki akua Kene anga a tunda muʼaxaxi ka akua Amaleke.