Dialuilu 1:53 - O Mikanda Ikola

⁵³ Akua Levi-phe kibangu kiâ ki kondoloka, ki bhaka o balaka ia umbangi mu kaẋi, mbebhu ki ku kale njinda ku thandu dia kilômbo kia anʼa Izalaiele; kienhiki, akua Levi ene a kala ni muanu ua kulanga balaka ia umbangi.

Dialuilu 1:53 ပူးပေါင်းရင်းမြစ်များ

I Malunda 23:32

Phala a kuate ue muanu ua kutambula o konda ia balaka ia kionge, ni kulangidila o kididi kikôla kinéne, ni kutalela o ana a Alá, o jiphange jâ, mu kikalakalu kia ukunji ua inzo ia Jihova.

II Malunda 13:10

Maji etu-phe, Jihova muene Nzambi ietu, nuka tua mu xile; o jinganga a a bhana ukunji ua Jihova, ene anʼa Alá ni Jilevita ala ku kikalakalu kiâ.

II Malunda 13:11

Ala mu kuohela Jihova, imene ioso ni ngoloxi joso, sata ja kubhakula ni túbhia kua Jihova, ni uasu ua dizumba, ni kutula kiambote ku meza ma zele o jimbolo ja kutela, ni di tudilu dia jikandeia dia ulu ni jikandeia jê, mbé o ku ji uika mu ngoloxi joso, mukonda etu tuala ni muanu ua kikalakalu kia Jihova, Nzambi ietu; maji enu-phe mua mu xi.

Jelemiia 23:15

Uila kiki Jihova dia Ilombo Ieta uambe kiki ku jipolofeta: Talesenu o jipolofeta jiji nga-nda ku ji disa lojina, anga nga a nuisa menha ma ndululu; Kuma lufuku lua jipolofeta ja Jeluzaleme lua sambukila oxi ioso.

Jelemiia 5:31

O Misesedi a tanga ima ia makutu, o jinganga a tumina ku maku mâ-ene; o mundu uami uene, kiene ue kia a uabhela; o ku kia kà suka mua-nda kubhanga kiebhi?

Ijila 10:6

Mozé anga u ambela Alá, ni anʼê Eliiezale ni Itamale, uixi: Kana kuehela ndemba ienu kuila ngó fuandu-fuandu, kana kutandula ue o izuatu ienu, phala ki mu fue, mba kuiza njinda ia Jihova ia dikota ku thandu dia kilômbo kioso; maji ehelenu akuenu, o dibhata dioso dia Izalaiele, ene a dila o thambi ia kujokota kuenhuku kua túbhia tua tundu kua Jihova.

Dialuilu 1:50

akua Levi-phe u a tungula, a kuate kulanga balaka ia umbangi, ni itutu iê ioso ni ima ioso ia tokala-ku; ene ambata o balaka ni itutu iê ioso; ene a i kalakela, mu ta kibangu ene a bhaka balaka mu kaẋi.

Dialuilu 1:54

Anʼa Izalaiele anga a bhanga kienhiki; kioso kia tumu Jihova kua Mozé, kiene muene kia bhange.

Dialuilu 16:46

anga Mozé uambela Alá, uixi: Zangula o kiómuenu kié, u-te-bhu o túbhia tua kalatódio, u takuile-bhu o uasu ua dizumba, uie ni kunzunzuna kuala o kionge, ua kà a bhangele o kiamenga; mbata o njinda iavulu ia tundu bhu pholo ia Jihova; o dibhebhu-phe diandeka kiá.

Dialuilu 16:9

Manhi enu kia mi tolela kia kuila o Nzambi ia Izalaiele ua mi uanununa ku kionge kia Izalaiele, phala ku mi bhangesa o kubhixila kokuê-muène, mbé muende ni kubhanga o kikalakalu kia balaka ia Jihova, ni kuimana bhu pholo ia kionge, phala kuenda ni ku mu bhangela o ukunji;

Dialuilu 17:7

O Mozé anga u tula o jimbanji bhu pholo ia Jihova, mu balaka ia umbangi.

Dialuilu 2:17

Enhá kioso kia katuka, ku kaiela kiá balaka ia kutakanena, ni kibuka kia akua Levi mu kaẋi ka ibuka iamukuâ; ni mu kuenda ni mu kutula ene oso a kala mu ididi iâ, a kala bhua moxi ni mabandela mâ.

Dialuilu 3:23

Mabhata ma anʼa Ngelexone a ta kibangu kiâ ku dima dia balaka ku mbandu ia luiji.

Dialuilu 3:29

Mabha ma anʼa Kohate a ta kibangu kiâ ku mbandu ia sulu ia balaka.

Dialuilu 3:35

Kilamba-phe kia dibhata dia tata dia anʼa Meladi, muene Nzudiiele dia Abihaíle; kibangu kiâ a ki ta ku mbandu ia kusuku ia balaka.

Dialuilu 3:38

A ta kibangu kiâ bhu pholo ia balaka, ku mbandu ia thunda, ene a Mozé, ni Alá ni anʼâ, a langidila dibhezelu, ni ima ioso i bhanga anʼa Izalaiele mu kubheza; muthu uengi uiza-bhu u kala muthu ua ku mu jibha.

Dialuilu 31:30

O ku mbandu ia anʼa Izalaiele u katula-ku muenhu umoxi mu makuinhi atanu a mienhu, ni ku athu, ni ku jingombe, ni ku jibulu, ni ku ilunga, kifua ku ibhaku ioso, anga mu i bhana Jilevita ene mu langa balaka ia Jihova.

Dialuilu 31:47

ku mbandu iii ia tokala ku anʼa Izalaiele, Mozé ua katula-ku muenhu umoxi mu makuinhi atanu a mienhu, ni ku athu ni ku ibhaku, anga u i bhana ku Jilevita, ene kulanga o balaka ia Jihova, kala kia tumu Jihova kua Mozé.

Dialuilu 8:19

Jilevita-phe nga ji bhana kala ujitu kua Alá ni kua anʼê, nga ji katula muʼaxaxi ka anʼa Izalaiele, phala a kalakale bhu kididi kia anʼa Izalaiele mu kikalakalu kia balaka ia kutakanena, phala a bhuise ikuma ia anʼa Izalaiele, phala ki mu kale dibhebhu muʼaxaxi ka anʼa Izalaiele, kioso anʼa Izalaiele kia zukama bhu dibhezelu.

II Timote 4:2

Enda ni kutanga o maka; sakalala mu ku a jimbula bhu kala kithangana, ni mú kamba kithangana. A tolole miẋima, a bazele, a longese, ni kuxididika kuoso ni kulombolola.

I Samuuele 6:19

Muene Jihova anga u beta akua Bete-seme, mukonda a zongola moxi dia álaka ia Jihova; ku mundu anga u betaku makuinhi sambuadi a muthu, ene oso makota mʼathu; mundu anga a kala mu dila mukonda Jihova ua a beta ni kibetu kiavulu.