Dialuilu 1:51 - O Mikanda Ikola

⁵¹ O balaka né ia bhingi kuenda, ene akua Levi a i sokomona; o bhua bhingi ku imika dingi, ene akua Levi a i sokeka; hé bhueza muthu uengi ki kale a mu jibha.

Dialuilu 1:51 ပူးပေါင်းရင်းမြစ်များ

II Samuuele 6:7

Njinda ia Jihova anga i uamena Uza; Nzambi anga u mu betela bhenhobho mukonda dia kutondala kuê; u fuila bhobho bhu mbandu ia álaka ia Nzambi.

Dialuilu 10:11

Mu kukala-phe, muvu ua kaiadi, bhu mbeji ia kaiadi, kizuua kiê kia makuinhi aiadi, dituta di zangumuka ku balaka ia umbangi.

Dialuilu 16:40

ni i kale dilembalelu phala ana a Izalaiele, mbé ki bhu kale dingi muthu uengi, ka tokala ku mbutu ia Alá, u bhumina o kubhiẋila phala kuoha uasu ua dizumba bhu pholo ia Jihova; mbé ka kale kala Kola ni kibuka kiê, kala kia mu tangelele Jihova ku dikanu dia Mozé.

Dialuilu 17:13

Ió uoso u zukama ku balaka ia Jihova, u fua; enu malʼenu, manhi tu jima o mbutu etuʼenʼoso?

Dialuilu 17:5

Hé kia kà kala-phe kuila, o mbangala ia muthu uoso ngi mu sola eme ia-nda kutuluka; mu kubhanga kiki ngi zubha-ku o makulongolola ma ana a Izalaiele a mu ngi longolola na-u eme, mu ku mi longolola enu.

Dialuilu 18:22

O anʼa Izalaiele-phe ki mungu dingi a zukama ku balaka ia kutakanena, phala o kituxi ka kiambate ku thandu diâ hé a fua.

Dialuilu 18:3

Anga ene enda ni ku ku langidila, ni kulangidila o balaka ioso; maji o ku itutu ia dibhezelu ka bhiẋile-ku, mba ku kalatódio, mbé kʼafue, kutale ene, uixi enu.

Dialuilu 18:4

Maji a kà banda eie, nʼa kà bhanga o kilangidilu kia balaka ia kutakanena mu ukunji uoso ua tokala ku balaka; ki kua kà bhiẋile muthu uengi kokuenu.

Dialuilu 18:7

Maji eie-phe kiá kumoxi ni anʼê, muʼaluke o unganga uenu, mu ima ioso ia tokala ku kalatódio, ni ku ioio iala mu xilu dia mvéu, o ienhiʼii, iene o kikalakalu kienu; eme nga mi bhana o unganga uenu, u mi kale ujitu ua ukunji, o muthu uengi u bhiẋila-ku, u fua.

Dialuilu 3:10

Eie u tungula Alá ni anʼê, a xikamena kiá unganga uâ uene; muthu uengi uiza-bhu u kala muthu ua ku mu jibha.

Dialuilu 3:38

A ta kibangu kiâ bhu pholo ia balaka, ku mbandu ia thunda, ene a Mozé, ni Alá ni anʼâ, a langidila dibhezelu, ni ima ioso i bhanga anʼa Izalaiele mu kubheza; muthu uengi uiza-bhu u kala muthu ua ku mu jibha.

I Samuuele 6:19

Muene Jihova anga u beta akua Bete-seme, mukonda a zongola moxi dia álaka ia Jihova; ku mundu anga u betaku makuinhi sambuadi a muthu, ene oso makota mʼathu; mundu anga a kala mu dila mukonda Jihova ua a beta ni kibetu kiavulu.