Dialuilu 1:4 - O Mikanda Ikola

⁴ Ku muiji ni muiji ue, ku tunde muthu a kale mútue ua dibhata dia jitata jê, phala a kale nʼenu.

Dialuilu 1:4 ပူးပေါင်းရင်းမြစ်များ

I Jisobha 8:1

Bhenhobho Solomá u tuma kubhongolola adiakimi a Izalaiele, ni Mítue ioso ia miji, o ilamba ia jitata, muʼaxaxi ka anʼa Izalaiele, a bhongolokela bhu pholo iê mu Jeluzaleme, nda a bandese mu tembulu o álaka ia kikutu kia Ngana, ia kexile mu sanzala ia Davidi, iexana Ziione.

Makatukilu 18:21

Sota mu mundu, oso athu a tena, ala ni kilunji, akua uoma ua Nzambi, akua kidi, ka ẋikina kúdia mangonha, u a tese ku pholo; iá a tambula konda ia jimidi, iá a tambula konda ia jihama, iá a tambula konda ia makuinhi atanu, o iá dikuinhi-dikuinhi;

Makatukilu 18:25

Mozé anga u sola adiakimi akua kilunji mu axaxi ka Izalaiele ioso, u a ta ku pholo mu tambula konda ia mundu, o iá jimidi, o iá jihama, o iá makuinhi atanu, o iá dikuinhi-dikuinhi.

Dialuilu 1:16

Enhá a a tungula mu kilômbo, ilamba ku mabhata ma jitata jâ; ene mítue ia jimidi ja Izalaiele.

Dialuilu 1:44

Enʼiá a alula kuala Mozé ni Alá kumoxi ni ilamba ia Izalaiele, kuinhi dia muthu ni kiiadi, kala muthu uala ku pholo ia dibhata dia jitata jê.

Dialuilu 17:3

Maji o dijina dia Alá u di soneka ku mbangala ia Levi; mukonda kala mútue ua dibhata dia jitata jê, u kala ni mbangala iê.

Dialuilu 25:14

Diiala dienhidi a mu jibhila kumoxi ni muhatu mukua Midiiane, dijina diê Nzidi, monʼa Salu, kilamba mu dibhata dia jitata ku muiji ua Ximinhá.

Dialuilu 25:4

Jihova anga u ambela Mozé, uixi: Kuata Makota oso ku kifuẋi, a bhange kiki, u a nhenge bhu pholo ia Jihova, mu muanha uatu, phala njinda iavulu ia Jihova i ile kuengi.

Dialuilu 30:1

Mozé anga u ambela adikime, o mítue ia miji ia anʼa Izalaiele, uixi: Kima kia tumu Jihova kienhiki:

Dialuilu 4:34

Ni Mozé ni Alá ni ilamba ia kilômbo, anga a bhanga dialuilu dia anʼa Kohate mu kuvuadiua kuâ ni mabhata ma jitata jâ;

Dialuilu 7:2

kizuua kienhókio, ilamba ia Izalaiele, ene mítue ia mabhata ma jitata jâ, a bhana maujitu. Ene ilamba ia miji a a tele ku pholo mu kubhanga dialuilu;

Matendelelu 1:15

Nga kuatele-phe adienu mu miji ienu, mala a jinjimu, ende kiabhu o ngongo, eme nga a bhange makota phala ku mi tambula konda; o iá jikabhitangu ja kutumina jimidi, o iá jikabhitangu ja kutumina jihama, o iá jikabhitangu ja kutumina makuinhi atanu, o iá jikabhitangu ja kutumina dikuinhi; amoxi nga a bhange jinguvulu ja kuendesa ibuka ia miji ienu.

Josuué 22:14

ni kuinhi dia ilamba kumoxi-nê; ku muiji ni muiji kua tundu kilamba, miji ioso ia Izalaiele mu kilamba-kilamba, ilamba ienhiʼii ene o adiakimi mu jitata-jitata, a a sola mu jimidi ja Izalaiele.