Dialuilu 1:2 - O Mikanda Ikola

² Alula kilombo kioso kia anʼa Izalaiele, mu madiembu mâ, mu mabhata ma jitata jâ, u a soneke majina mâ, mala oso ua alula ku mítue-mítue,

Dialuilu 1:2 ပူးပေါင်းရင်းမြစ်များ

Makatukilu 12:37

Anʼa Izalaiele anga a katuka bhu Lameseji, a ta kibangu bhu Sukote; o ku a alula a tena hama jisamanu ja jimidi; mala ngó akua kuenda bhoxi, o anʼa ndenge ka a te-mu.

Makatukilu 30:12

Kioso ki ualula (u kuata konda ia) anʼa Izalaiele, phala ku a ejiia kuvula kuâ se ala kikuẋi, ki bhinga kala muthu kia mu kondala, u bhana kidikulu mu kukula o muenhu uê kua Jihova; phala ki ku bhite kibuika ki tunda mu ku alula.

Makatukilu 38:25

O phalata ia oso a a bhangele o disonekenu diâ mu kilômbo, ia bhana hâma ia talendu, ni midi ni hâma sambuadi ni makuinhi sambuadi ni kitanu kia xikulu, o xikulu iene muene ia dibhezelu.

Makatukilu 38:26

Kala mútue u bhana baka, kifua kaxaxe ka xikulu, o xikulu iene muene ia dibhezelu; mala ene oso muene a a bhitisa mu disonekenuʼodio, oso a bhiẋila kiá mu kitala kia makuinhi aiadi a muvu, mba a somboka-mu, a tenene hâma jisamanu ja jimidi ni midi jitatu, ni hâma jitanu ni makuinhi atanu, a muthu.

Dialuilu 1:18

Anga a bhongolola kilômbo kioso, a di tanga mísala iâ, mu kuvuadiua kuâ, mu mabhata ma jitata jâ, a di soneka majina, oso a bhiẋila mu makuinhi aiadi a muvu, mba a somboka-mu kiá, anga a alula mútue ni mútue, mu kizuua kia dianga ku mbeje ia kaiadi.

Dialuilu 1:19

Kala kioso kia tumu Jihova kua Mozé. Kiene kia alula mu kikangalakata kia Sinai.

Dialuilu 1:22

Anʼa Ximinhá, miji iâ mu kuvuadiua kuâ ni mabhata ma jitata jâ, ku majina-majina, a a xindi ku mítue-mítue, mala a bhikila mu makuinhi aiadi a muvu, mba a somboka-mu kiá, makuenze oso a tena kuia ku ita,