Daniiele 8:10 - O Mikanda Ikola

¹⁰ Anga lu dikudisa muene katé ni ku kilômbo kia diulu; u kuata amoxi-mu ku kilômbo kienhókio ni ku jithéthembua, u ji lauila bhoxi, hé u ji titidila.

Daniiele 8:10 ပူးပေါင်းရင်းမြစ်များ

Izaía 14:13

Eie uambele mu muẋima ué, uixi: Nga-nda kubanda katé mu diulu, kiandu kiami ngi ki tudika kulu dia jithéthembua ja Nzambi, nga kà xikama muene ku mulundu ua kionge, ngi kexila ku mbandu ia suku.

Jelemiia 48:26

Mu kodiuisienu, mukonda ua di zangeleka mu kuzoka ni Jihova; Mouabhe ua-nda kua kà di dimbula mu ima iê ia lusu muene; ua kà kituka kima kia kasekelu.

Daniiele 11:28

Ua ka vutukila kʼoxi iê ni umvuama uonéne, o ku muẋima uê iu kanena o kikutu kikôla ku ki sengumuna; u bhanga kioso kia mu solo o muẋima uê anga uia kiua ku ixi iê.

Daniiele 11:30

Mukonda a-nda ku mu endela ni jinaviiu ji tunda ku Xitime, jene ja-nda ku mu bhekela mukondo, hé ualuluka, uia mu kulungulukila o kikutu kikôla; kiene kia-nda kubhanga kuma ua kà lunguluka anga u di ta kumoxi ni ió oso a zembe o kikutu kikôla.

Daniiele 7:7

O kia bhiti kiki, ngi kuata kukengelela, mu isuma ia usuku, kua moneka dingi kiama kia kauana, kikôla, ki kuatesa uôma, o kusuína kuvula, ki kala ni imaju ia felu, o mu kúdia kisukununa, o ku mvunda kisasujula jinga ngó, kioso kima kia subhuka u ki titidila bhoxi ni inama iê; o ku iama ia dianga ioio, kiene kia di-tungula-ku muene, kiala ni kuinhi dia lumbinga.

Daniiele 8:7

Ngi mona kia bhixila bhuala o kilumbe, anga ki kuama kilumbe anga u ki bukula o jimbinga jene jiiadi, kuma kilumbe kia lémbua nguzu ia ku bhânga-nê; kiaii-phe bhoxi, iu ua ki titidila ni inama iê; o u bhângela kilumbe nʼa ki tambhula bhu maku mê, ka moneka.

Dijingunuinu 12:4

Ni mbônde iê, anga u koka mbandu ia katatu ia jithéthembua ku diulu, hé u ji lauila mu ngongo. Mudikixi anga uimana bhu pholo ia muhatu ua-nda kudisanza, phala kia zubha kudisanza, monʼê a mu die.