Daniiele 7:28 - O Mikanda Ikola

²⁸ Bhua suku o kisumaʼabha. Maji eme, ngi Daniiele, ilunji iami ia ngi juualele, katé ni pholo ia ngi kitukile muene; inda ima ioso iii nga i lundu muene ku muẋima uami.

Daniiele 7:28 ပူးပေါင်းရင်းမြစ်များ

Dimatekenu 37:10

Anga u i tangela tatʼâ ni jiphange jê, tatʼâ anga u mu bazela, uixi: Nzoji iahi i kala kiki? Kifua ni eme ni manhenu, ni jiphange jé, tua kèza muene mu ku ku diundila eie?

Dimatekenu 37:11

Jiphange jê anga a mu kala ni luma; maji o tatʼâ-phe ua bhake maka enhá ku muxima uê.

Daniiele 10:16

Talesa-phe, kua tukuluka muthu, ua di-fuangana ni anʼathu, iu ua ngi tuta ku mizumbu; dikanu-phe dia ngi jikuka kiua, anga ngi zuela, hé ngʼambela ió ua ngʼimanena ku pholo ngixi: Muadiʼami, tata, kisuma kieniki kia ngi bhekela misusu, ki ngala ni nguzu mu mukutu.

Daniiele 10:8

Eme anga ngi xiala-phe ubheka uami, anga ngi kala mu diuana o kisuma kiókio kionéne, bhenhobho ni nguzu mu mukutu ia ngi bhu-mu, pholo ia ngi kituluka ni uôma, anga ngiia ku kiambu, né ngó kanguzu kòfele ki nga kexe na-ku.

Daniiele 11:27

O jingana ue jiiadi jenhiji, a-nda kuta muẋima mu kubhanga phulu, o ku meza ku a xikama a di tangela makutu mu kusota ku di nganala muthu ni mukuá. Maji o kubhanduluka kà ku mona, kuma o ki a bhindamena ene kiòxindile ni thembu iê ia tokala.

Daniiele 12:13

Eie-phe, suluka kienhiki katé ku mbambe; mbata ua-ndu nhoha-ku, maji o mu kizuua kia kà suka-ku, ua kà fundumuka anga u tambula o undundu ué ua ku xikamena.

Daniiele 12:9

Kuala muene: Katuka, Daniiele, mbata makʼama a ma jika, ia ate-ku kidimbu katé kia kʼèza o thembu ia kà sukidilá-ku.

Daniiele 4:16

O muẋima uê a mu lungulule-u, ki u kale dingi ua muthu, a mu bhane kiá muẋima ua kiama; nda akale kienhiki katé mu sambuadi dia jithembu.

Daniiele 4:19

Bhenhobho Daniiele, a mu edi Beltexazale, u kumbikinha hanji kithangana katé mu uola iamvimba, ilunji ia mu tandanganha. Sobha-phe ukumbulula, uixi: Beltexazale, nzoji iii ki i ku juualese, mba u tandanganha mukonda dia dijimbuluilu diê. Beltexazale utambuijila, uixi: Ngana iami, o nzoji i lungile kua ió oso a ku kuatela luma, o dijimbuluilu diê di nongone muene oso jinguma jé!

Daniiele 5:6

Anga kienhokio pholo ia sobha ikituluka, ilunji ia mu tandanganha katé ni miongo ia mu botomoka, jiphuna jiteketa, ji di-ṗhuṗha-ṗhuṗha bhuamoxi.

Daniiele 7:15

Eme-phe, ngi Daniiele, muenhu uami moxi a mukutu ua ngi iokojoka, nga bhuuama ni isuma ia ngi bhiti mu kilunji, kuma ia ngi diuanesa.

Daniiele 8:1

Mu muvu ua katatu ua utuminu ua sobha Belxazale, nga diuana kisuma, eme ngi Daniiele, kioso ki nga zubha kubhita ni kia diangele kiokio.

Daniiele 8:17

Muene ueza bhua zukama ni bhu ngala eme; o kia mu kuiza muene kiki, uôma ua ngi kuata, nga di-ṗhudika pholo bhoxi. Muene-phe ua ngʼambela, uexi: Tongoloka, monʼa muthu, kuma kisuma kiki kia kà di kumbidila ku dizubhilu dia thembu.

Daniiele 8:19

Uixi-phe: Talesa, ngi ku idikiza kioso kia ká bhita bhu thembu ia sukidila-ku ia njinda. Mbata o dizubhilu, sai thembu iê ia tokala, bhua di xindila.

Daniiele 8:27

Eme-phe, ngi Daniiele, ngʼambuka, nga kexe muene izuua bhu hama ni kukata. Anga ngi balumuka-bhu mu kukuata midimu ia muenexi. Ngi kuata kusasumuka ki ngi banza o kisuma kiki, kana-bhu-phe muthu kia mu tetulukila.

Marku 9:15

Kithanganʼ okio kifuẋi kioso, kia mono Jezú, a sasumuka, anga a lenga ku mu menekena.

Luka 2:19

Madiia-phe, maka mosuʼama, u ma lunda ku muẋima uê, ni ku ma banza.

Luka 2:51

Muène anga u kulumuka-nâ, hé aia mu Nazalé, anga u kala mu ku a tumaka. Manhʼâ, anga u lunda o maka mosoʼ ama ku muẋima uê.

Luka 9:44

Kizuelu kiki ki mi bokone mu miẋima: Monʼa Muthu a-nda ku mu bhakula bhu maku ma athu.