Daniiele 6:24 - O Mikanda Ikola

²⁴ Sobha-phe u tuma ue kutakana mala ió oso a kunduile Daniiele, anga eza na-u, hé a a takula ue mu ngenda ia jihoje, ni ene, ni anʼâ, ni akajiʼâ. Mu ngenda-phe ka tula-mu luua bhoxi, jihoje ja a kambuila kiá bhulu bhene, anga ji a sasala ifuba.

Daniiele 6:24 ပူးပေါင်းရင်းမြစ်များ

II Jisobha 14:6

Maji-phe o anʼa ijibhanganga muene ka a jibha, kala kia ki soneka mu divulu dia kitumu kia Mozé mua tendelela Jihova ni kubhana ngonge, kuila: O jitata kà ka ji jibha mukonda dia ana, o ana ue kà ka a jibha mukonda dia jitata; maji o muthu ni muthu a kà mu jibhila kituxi kiê-muene.

Estere 7:10

Kienhiki anga a nhenga Hamane ku mukambu ua iudika muene phala kunhenga Moledekai. O kia zubha ku ki bhanga, njinda ia muenexi ia sosoloka kiua.

Estere 9:10

kuinhi dia muthu anʼa mala, ene oso anʼa Hamane monʼa Hamedata, nguma ia jijudé, a a jibha ue; maji jimbongo jâ-phe ka ji bhûndu, kana.

Estere 9:25

Maji o kieza o maka iá kua muenexi, muenexi ua bhangesa mikanda ia kulungulula kikutu kiê kia usuéia, phala ufe uê uambele kubhanga jijudé uize ku thandu dia mútue uê muene ni muene ni anʼê phala a a nhenge ku mukambu ua iudika muene.

Jisálamu 54:5

Muene hinu u ijiia kufuta o phulu ia iá ala ku ngi tola o manhanu; a jimise, ngana, o mbutu, mu kukumbidila o kidi kié.

Jisabhu 11:8

Muthu ua iuka ene ku mu bhulula ku kibhidi ni ku dilamba; mukua phulu-phe anga u bhingana-bhu.

Jisabhu 19:9

Mbangi i julukala makutu ku milonga, sai kaxitiku kê; o mukua ku tanga makutu, u buika.

Izaía 38:13

Eme-phe nga kinga ni muanu katé mu kalaji, maji o ifuba iami muene ua i bukujula mukuâ ni hoji; uandekela mu kimene, o kutula mu ngoloxi ua ngi zunzumuna.

Jelemiia 34:17

Uila kiki, Jihova uambe, uixi: Enu nguenu ku ngʼivua eme, phala kukola ufolo, muthu u kolela kua phangʼiê, muthu u kolela kua mukuá; kiki-phe, talenu, eme nga-nda ku mi kolela ufolo, Jihova ua kiambe, muia ku xibhata, muia ku dibhebhu, muia ku nzala, anga nga-nda ku mi bhana kala kima ki sasumukisa mautuminu moso mu ngongo.

Daniiele 3:22

Kuma-phe o kizuelu kia sobha kia thathamana, o kidijiku kia túbhia kiedi ni kiene ngangû, mulengo-phe uajibha mala ió oso a kuatele a-Sadalake, ni Mizake, ni Abede-neko.

Matendelelu 24:16

Kana kujibha jitata mukonda dia mulonga ua anʼa, mba mu jibha ue ana mukonda dia mulonga ua jitata; kala muthu ufua mu kikuma kiê.