Daniiele 5:6 - O Mikanda Ikola

⁶ Anga kienhokio pholo ia sobha ikituluka, ilunji ia mu tandanganha katé ni miongo ia mu botomoka, jiphuna jiteketa, ji di-ṗhuṗha-ṗhuṗha bhuamoxi.

Daniiele 5:6 ပူးပေါင်းရင်းမြစ်များ

Jisálamu 22:14

Nga ẋamuka kala menha, ifuba iami ioso ia ngi sokomoka; muẋima moxi ua ngi botomoka, ua sengumuka muene kala sela.

Jisálamu 69:23

Mesuʼâ a kale ni kavunda, mbé a lémbue kumona; o miongo iâ i kale jinge ni kuteketa a lémbue kuenda.

Izaía 35:3

Suinisenu o maku ma bhuila, kulokotesenu o jiphuna ja teketa.

Izaía 5:27

Muʼaxaxi kâ, ki muà kala muthu ua bhuila mba u tenguna; ki muà koxila muthu, mba uia ku kilu; ka kà mu jituna phonda mu mbunda, o mbâla ja haii jâ, ki ja kà batuka.

Jelemiia 50:43

Sobha ia Babilonha uevu fuma iâ, o maku mê iá a botomoka; kimbuua kia mu kuata, kua muiza misusu, kala muhatu ua-nda ku vuala.

Izekiiele 21:7

Anga kia kà bhita-phe kuila, kioso ene kia kuibhula, exi: Eie-phe ua mu di tudilaʼhi mienhu? Eie-phe ua ambela, kiki: Mukonda dia njimbu, mbata ia-nda kuiza muene; o miẋima ioso ia-nda kuambuka, o maku oso a kà bokotomoka, o mienhu ioso ia kʼèzala kikote, o phuma joso ja kà kituka menha; tala, imʼiii ia-nda kuiza hé ia kà bhita muene, Jihova ua ki tange.

Izekiiele 7:17

O maku moso ma kà botomoka, o jiphuna joso ja kà zunzumuka menha.

Daniiele 2:1

Mu muvu ua kaiadi ua kutumina kua Nabukodonozolo, Nabukodonozolo uanjiua jinzoji; anga ku mu iza-phe kutandanganha kuavulu mu muẋima, hé u fula kilu.

Daniiele 3:19

Nabukodonozolo bhenhobho anga uizala ni njinda, pholo i mu kituluka mbebhu a-Sadalake, ni Mizake, ni Abede-neko; anga u kumbulula, u tuma kutemesa o kidijiku kia túbhia lusambuadi, phala o kiene ku i temesa, ki kala ndenge.

Daniiele 4:19

Bhenhobho Daniiele, a mu edi Beltexazale, u kumbikinha hanji kithangana katé mu uola iamvimba, ilunji ia mu tandanganha. Sobha-phe ukumbulula, uixi: Beltexazale, nzoji iii ki i ku juualese, mba u tandanganha mukonda dia dijimbuluilu diê. Beltexazale utambuijila, uixi: Ngana iami, o nzoji i lungile kua ió oso a ku kuatela luma, o dijimbuluilu diê di nongone muene oso jinguma jé!

Daniiele 4:5

Nganjiua-phe nzoji, anga i ngi juualesa; o ki nga kuata kubanza kioso kiende isuma ienhiʼii, ni ilunji ia ngi muangana, bhu hama iami bhu ngala anga ngi tandanganha kiavulu!

Daniiele 5:5

Kithangana kienhókio kua tukuluka milembu ia lukuaku lua muthu, lú kala mu soneka ku mbanduʼa kandeia, ku phalelu iòkaiale ia dizemba dia muenexi; sobha bhenhobho milembu ia kexi mu kusoneka ua i mono.

Daniiele 7:28

Bhua suku o kisumaʼabha. Maji eme, ngi Daniiele, ilunji iami ia ngi juualele, katé ni pholo ia ngi kitukile muene; inda ima ioso iii nga i lundu muene ku muẋima uami.

Nahumu 2:10

Ninive ia xala ngó, loló! A i bhûndu, a i nhana, a i muanga-muanga, la di bhange ngundu muene! Muẋima ua botomoka, o jiphuna ji ji di beta-beta, mu miongo ioso muezala misusu, o jipholo jene joso ja kakuka, ja lombo.

Jihebeleu 12:12

Uila kiki, Zangulenu maku menu ma botomoka, mu suinise ue o inama ienu ia bhuila.