Daniiele 4:37 - O Mikanda Ikola

³⁷ Kiki-phe, eme, Nabukodonozolo, ngedi: Muenexiʼa diulu atane-ku! A kule, ajinge! Ngi mu zangeleka ni ku mu ximana jinga, mbata ikalakalu iê ioso kidi mu kidi, uendelu uê kutetuluka kuoso, oso ambe ku di zangeleka, muene u a toza anga a sebuluka muene.

Daniiele 4:37 ပူးပေါင်းရင်းမြစ်များ

II Malunda 33:19

Ni musambu uê ua sambela Nzambi, ni kioso Ngana Nzambi kia mu tambuijila anga u sosoloka mu kutema kuê, ni kituxi kiê kioso ni mulonga uê, ni ididi ioso ia tungile matala anga u i kuna mixitu ni ku ta-mu iteka ia kusonga, kioso hanji sobha kiluua a toloka kua Jihova, tala ima ioso iii a i soneka mu madivulu ma akua kuzambula.

Estere 6:10

Muenexi anga u ambela Hamane, uixi: Endelà-ku, u katule izuatu ni kabalu, kala ki ua ki zuelʼiki, u ki bhange muene kua judé Moledekai mukua kuxikama bhu muelu ua sobha. Ku xieku kima, ku iene ioso iii i ua zuela, u i kumbidila muene.

Jisálamu 119:75

Nga kʼijiia muene, u Jihova, kuma o mabatuilu mé ma kidi kioso; o ki ua ngi talesa hadi, ua ki bhange muene ni ufiiele.

Jisálamu 99:4

Eie, ku ungana ué, uinda kufundisa kuambote; o ixi iasekalele, eie ua i fukula dingi kiengi; eie kufundisa kué mua Jakobo, kua kidi ni kutetuluka:

Makatukilu 18:11

O kiki nga kʼijiia kuma Jihova kota, jinzambi joso ndenge; mukonda enhó a di zangeleka ni ku mi tatesa, ua a katula o mahanha.

Makatukilu 8:4

O mazote a ku kuma ni ku mukutu ué, ni ku ifuẋi ié ioso, ni ku akua mbèle ié ioso.

Izaía 23:9

O Jihova dia Ilombo Ieta, muene ua ki bhange, phala kutununa o izala ia makembu osuʼó, ni kusebukisa oso a beta ulamba bhoxiʼabha.

Izaía 5:16

Maji o Jihova dia Ilômbo Ieta, mu kufundisa kuê, muene u tambula fuma; Nzambi, Ukôla, ua-nda ku di-tungula muene mu kulunga kuê.

Jelemiia 50:29

Babilonha mu bhongoluedienu oso akua kuasa ni misongo, oso ejiia kuoleka o mufula, a zoke-nê; mu tedienu ndala-mbuta mu jimbandu, phala ki bhu kale muthu u lenga-mu; mu futienu kala kia fuama o ikalakalu iê, kioso kia bhange muene, kiene ue ki mu mu bhanga; kuma ua di zangelekele mu kuzoka ni Jihova, mu kuzoka ni Ukola mua Izalaiele.

Izekiiele 16:56

Eie-phe, né ngó Sodoma dia phangiʼé ku mu tumbula mu kanu dié, bhu kizuua kié kia izala, kioso o maufusa mé kiluua a tukuluka.

Izekiiele 16:63

mbé uie ni ku ki lembala, sonhi jende ni ku ku kuata, mu ima ioso i ua bhange, phala kioso ki ngi diʼondolola nʼeie, ki mungu dingi u jikula dikanu mukonda dia jisonhi—kiene kia tange Jihova Nzambi.

Daniiele 4:26

O kiambe-phe exi, kixinji kia muẋi ni jindanji jê ki xiala, kifua-phe o utuminu ué ua-nda kuxialela na-u dingi, kioso ki uzubha ku kʼijiia kuma ku Diulu sai-ku ua tumina ioso.

Daniiele 4:3

Ijimbuete iê kukula kuahi, o madiuanu mê undanda uvula! Utuminu uê kima ki nangenena mu thembu joso, u ungana uê kutunda muiji kuiza muiji.

Daniiele 4:34

Maji, kia zubha kúbhua izuua ienhoio, eme Nabukodonozolo, nga bhetula mesu ku diulu, anga ku ngʼiza dingi kilunji, eme nga tanesa Suke-ku, Ió kene mbambe nga mu ximana, nga mu kola fuma, mbé utuminu uê utuminu ua kunangenena, o usobha uê, kutunda muiji kuiza muiji.

Daniiele 5:4

Ene edi anua o vinhu, a di te mu fumanesa mahamba ma ulu, ni ma phalata, ni ma ngòndo, ni ma jifelu, ni ma miẋi ni ma matadi.

Matesu 11:25

Kumbi dienhódio Jezú anga u kumbulula, uixi: Nga ku ximana Tata, Ngana ia diulu ni oxi, mukonda imʼ iii ua i sueka, jinjimu ni adimuka ka i mono, maji ua idikiza anandenge.

Jipoxolo 17:24

Nzambi i tena kubhanga oxi, ni ioso ialamu, muene kuma Ngana ia diulu ni oxi, ka tena kutunga mu jitembulu jokalakale ni maku.

Matendelelu 32:4

Muene Tadi dia Muenhu! Kima kioso kia bhanga kitenena! O uendelu uê uoso uatetuluka; Nzambi muene o Kidi, o mua muene ki muene mangonha; izuua ioso muene ngó uaiuka, o kutetuluka ue muene ngó.

Dijingunuinu 15:3

Anga emba o muimbu ua Mozé, ngunza iangene ia Nzambi, ni muimbu ua Kambudi, exi: Eie Ngana Nzambi, Muteni-a-Ioso, o ikalakalu ié kukula kuahi, ikalakalu idiuanesa kinéne! Eie, Ngana, u Sobha ia miji ioso, o ixinganeku ié kuiuka kuahi, ima ioso i u sola kubhanga, ia kidi!

Dijingunuinu 16:7

Anga kienhókio ngʼivua dízui dia tundu bhu kalatódio, dixi: Kiene muene! Eie Ngana Nzambi, Muteni-a-Ioso, o kubatula kué kua kidi, kuaiuka!

I Samuuele 2:3

Kana kuvudisa dingi kuzuela kuenu kua ukumbu, ki mu tunde dingi ima ia izala mu kanu dienu, kuma Jihova muene Nzambi ia unjimu ni kuijiia, ima i bhanga athu Muene uene ku i pezala ku dipezalelu