Daniiele 3:27 - O Mikanda Ikola

²⁷ Anga anʼa jingana, ni jinguvulu jaʼxi ni tata ja kifuandu kia muenexi, ni tubhitangu, a bhongoloka kutonginina mala iá, hé a sanga kuila túbhia tua lémbua nguzu ia kuoha mikutu iâ; né ngó lundemba luâ lumoxi kuaúka mu mútue, né ngó izuatu iâ kuila i kotanana mba ngó dizumba dia muáu kuila di bhita ku thandu diâ.

Daniiele 3:27 ပူးပေါင်းရင်းမြစ်များ

I Jisobha 13:28

Kienhokio uia, anga u sanga kimbi kia takukila mu njila, kumoxi ni bulu ni hoji, jemana bhu mbanduʼa kimbi; hoji mukutu ka u dile, mba kujibha o bulu.

II Jisobha 19:19

O kiki-phe eie u Jihova Nzambi ietu, tu kudile bhu maku mê; nda mautuminu moso Kulu dia mundu a kʼijiie kuila, u Jihova eie ngó u Nzambi ia Kidi.

Jisálamu 83:18

Phala a kʼijiie kuma eie ngó uavu o dijina dié dia Jihova, ku moneka luiadi; eie-muène ngó Suke-ku mu ngongo ioso.

Izaía 26:11

Jihova, tata! Sumbala lukuaku lué lua zangalala muene, maji ene hanji a tokoka ku lu mona! Maji-phe, a kà lu mona anga adiuana, mukonda dia muanu u ua kuatela o mundu ué; o túbhia-phe hádia tua kà buikisa o jinguma jé.

Izaía 43:2

Kioso ki ua kà bhita mu menha mua zongo, tuà kala kiiadi; kioso ki uà bhita mu jingiji, kua-nda ku boba; ki uà kà bhita mu túbhia, kua-nda kujikata; o mulengo ki ua kà tena ku kuata kokué.

Daniiele 3:21

Mala enhá anga a a kutila bhenhobho ni jikapa jâ, ni jikalasá jâ, ni jithanga jâ ni ji xapé jâ anga a a takula mu kijiku kia uama túbhia tua muzukuta.

Daniiele 6:23

Bhenhobho sobha anga u tana kiavulu ni muẋima uê, iú ua tumu kuila a zaúle Daniiele, mu ngenda; kana-phe kiẋenge kia kima kia mu sange na-kiu, mukonda uaxikanene kua Nzambi iê.

Daniiele 6:7

Ilâmba ioso ia utuminu ué, ni jinguvulu jaʼxi, ni mavunda, ni ilôlo, ni makota, a di-kundu bhuamoxi phala ku sonekesa ngonge ia nganʼetu muenexi, anga i di-bhanga kijila kia kôlo; kuma mu makuinhi atatu a izuua, muthu uoso u bhinga kima kua Nzambi ioso-ioso mba ku muthu uengi ko kué, muenexi, kana, a mu takule mu ngenda ia jihoje.

Matesu 10:30

Kuambe dingi enu-phe katé ni jindemba ku mítue ienu a jiʼ aleka.

Jipoxolo 26:26

Kuma eie sobha Ngilipa, imʼ iii ua ijiié, kiene ki nga mu zuelela sé héle. Kuma nga fika kuila imʼiii ki i mu jimbi, mukonda ki ia bhitila ku hota.

Jipoxolo 27:34

Ndokuenu-phe, nga mi diondo, dienu kama koso-koso, mu kale ni nguzu, mu tene kulaia. Kuma enu oso, kana muthu kuandu mu sonoka ngó lundemba lumoxi ku mutue.

Jihebeleu 11:34

A tumbulula o nguzu ia mulengu ua tubhia. A bhulaka ku a jibha ku mazu a xibhata, mu kubhuila a tambula nguzu. A bhanga undanda ku ita, anga a tolola o ifuẋi ia matumbu.