Daniiele 2:44 - O Mikanda Ikola

⁴⁴ Maji, mu izuua ia jisobha jenhiji, o Nzambi ia diulu ua kà bhekaku o utuminu ki u xikina dingi ku u jikinisa; o utuminu iú kà u ehela ku bhita dingi bhu maku ma miji iengi; uene kiá ua kà sasujula o mautuminu mosoʼama anga a-bhua-ku, maji o uene ua kà xalela ni kutumina mu thembu joso katé ku hádia ni hádia.

Daniiele 2:44 ပူးပေါင်းရင်းမြစ်များ

Dimatekenu 49:10

Mbasá ia ungana ki ia ka sondoloka kua Juda, o muiji uê ki ua kʼàbhua kijingo kia kutumina; katé bhua kʼèjila Mukunji a-nda ku mu tumikisa, ua bhingi a mu tumaka kuala o ifuẋi ioso.

II Samuuele 7:13

Muenhú muene hinu u ngi tungila inzo ia dijina diami, o kiandu kia utuminu uê ngi ki kolesa bhu kididi, anga kia kà xalela.

II Samuuele 7:16

Dibhata dié-phe ni utuminu ué uà kola ku pholo ku uia, kiandu kié kià xala sé dizubhilu.

Jisálamu 145:13

Utuminu ué, utuminu uanangenena, o ukota ué u xalela ni ku miji ioso.

Izaía 60:12

Mbata kifuxi mba utuminu, ukamba ku ku sedivila eie, uà kà jima o mbutu; xi, ifuẋi ienhoio a kà i buikisa muene, taka-taka.

Izekiiele 37:25

Hé a kà tunga mu ixi i nga bhana kua mubhikʼami Jakobo, mu ixi mua tungile o jitata jenu; hé a kà tunga muenhomo, ni ene ni anʼâ, ni ana a anʼâ, katé ku hádia ni hádia; o Davidi, dia mubhikʼami, muene u kala-mu o muadiakimi, katé ku mivu ni mivu ki iene kúbhua.

Daniiele 2:28

Sai-ku Nzambi ku diulu, muene mukua kujingununa ijinganu ioso; muene-phe ua-tumu kuijidisa sobha Nabukodonozolo kioso kia-nda kuiza-ku mu izuua ia sukidila-ku; o nzoji ié ni isuma i ua diuana ki uele ku kilu bhu hama ié, ienhiʼii:

Daniiele 2:34

Eie-phe ki uakuata kukengelela kienhiki, uatukumuka ditadi dia bamuka ku mulundu, sé lukuaku lua di bamuna, di dieza mu di bekula ku inama ia kiteka ia felu ni utuma, o mákanda oso a inama ia a di sasujula.

Daniiele 2:35

Bhenhobho-phe kiá, ni felu ni utuma, ni ngòndo ni phalata kumoxi kiá ni ulu, iene ioso sasu-sasu, anga ikituka kala ibhiate i ala kubhiata bhu mbango, kitembu kia i ambatesa, katé iendelela ni kididi bhu ia kexile ki bhu moneka dingi; maji o ditadi-phe dia nemeka o kiteka, dia di bhange mulundu uonéne, anga uizalesa oxi ioso.

Daniiele 2:37

Eie, muenexi, u ngana ia jingana muene; kuma o Nzambi ia diulu ua ku bhana utuminu ni ukuenze, ni undanda, ni ulâmba.

Daniiele 2:43

O ki uamono kuamba o felu ia di-lungu ni utuma ua diloua, utuminu ió ua kà di fungisa ni mbutu ia athu ku miẋima-miẋima mu makusakana mâ, ka tena-phe ku dʼivisa kiambote mudiâ, kala o felu ue ki i tenê ku di lunga kumoxi ni mavu.

Daniiele 4:3

Ijimbuete iê kukula kuahi, o madiuanu mê undanda uvula! Utuminu uê kima ki nangenena mu thembu joso, u ungana uê kutunda muiji kuiza muiji.

Daniiele 4:34

Maji, kia zubha kúbhua izuua ienhoio, eme Nabukodonozolo, nga bhetula mesu ku diulu, anga ku ngʼiza dingi kilunji, eme nga tanesa Suke-ku, Ió kene mbambe nga mu ximana, nga mu kola fuma, mbé utuminu uê utuminu ua kunangenena, o usobha uê, kutunda muiji kuiza muiji.

Daniiele 6:26

Eme nga bhana ngonge, kuila, oso a tokala mu jixi ja usobha uami, ende ni kuteketa ni kuxila o Nzambi ia Daniiele; mbata muene o Nzambi ia muenhu u xialelà-ku, o utuminu uê kene ku u jima, o ungana uê ua kalʼê katé ku dizubhilu.

Daniiele 6:27

Muene ukudila, u bhulula! u bhanga isunji ni madiuanu ni bhulu ni bhoxi! Muene ngó, ua kudila Daniiele ku uhamenu ua nguzu ia jihoje.

Daniiele 7:27

O utuminu-phe ni ungana, ni ulâmba ua ma-usobha moso, mene bhoxi dia diuluʼabha, a kà u bhakuila o athuʼê angene a Ió ua Suka-ku ku Ukota; o utuminu uâ ene-phe ua kà nangenena, ma-utuminu moso ma kà a bhikila ene, ni ku a beleselela.

Daniiele 8:25

Mukonda-phe dia kudimuka kuê, ua kà bhangesa kuila o mangonha bhu lukuaku luê ma bheka kubhanduluka; hé ku muẋima uê ua kà di kudisa; o mukonda dia kutululuka kuê kuala na-ku, ka mono kima ki mu zukutisa, ua kà jibha athu avulu a di tunu ku di bhakula kokuê; ua kà balukila ue Ngana ia Jingana, maji a kà mu sasujula sé lukuaku lua muthu.

Mikeia 4:7

Anga, o kia tenguine nga kà ki bhanga kiengi, kuma iene o mbandu ia xala-bhu; o ki nga texile dikanga nga kà ki bhanga muiji ua nguzu ni kutena, o Jihova anga ua kà kala jinga mu ku a tumina ku mulundu ua Ziione, tunde kindala, katé ku hádia ni hádia.

Ajeu 2:22

Nga kà tungutisa diulu ni oxi, anga nga kà lundumuna o kiandu kia ma-unganga moso, anga nga kà bhuisaku o kutena kua ma-utuminu ma jixi joso; anga nga kà sokomona o dikalu ni oso a xikama-mu; ni jikabalu ni iá oso a ji mondala, a kà dibhala ku xibhata, mu ku di lungulukila mudiâ.

Ajeu 2:7

Nga kà tungutisa ue miji ioso, anga kua kà tukuluka ió a muinda ku miji ioso, anga inzu iii nga kà izelesa ni fuma, kiene kia zuela Jihova dia Ifuẋi.

Matesu 28:18

Jezú anga uiza, u a ambela, uixi: O kutena kuoso a ngi bhana-ku eme, ni mu diulu, ni mu ngongo.

Nzuá 12:34

O kifuẋi-phe kia mu vutuila, exi: Etu tua di longo mu Kitumu kietu, kuma Kristu u xalela-ku kiá. Eie-phe ua-lu kuamba kiebhi, kuma o Monʼ a Muthu ku mavu a mu zangumuna-ku? Monʼ a Muthu, nanhi muene?

Jihebeleu 12:28

Uila kiki, tu kalienu ni kisakidilu, mukonda tua tambula Utuminu ki u tena kutunguta. Tu kalienu ni kisakidilu ki tu bhekela kubheza Nzambi kala kioso kia mu uabhela, ni ujitu ni uoma.

Dijingunuinu 11:15

Anju ia kasambuadi anga u xika o koloneta iê. Hé kukala mazui a makota mu diulu, exi: Kiki o Utuminu ua jixi mu ngongo, ua biluka Utuminu ua Ngana ietu, ni ua Kristu iê. Muène kiá ua kà tumina katé ku hàdia ni hàdia!

Dijingunuinu 2:27

U ji tumina ni mbasa ia felu, uila jimbia ja mavu u ji bula imenga-imenga.