Daniiele 2:37 - O Mikanda Ikola

³⁷ Eie, muenexi, u ngana ia jingana muene; kuma o Nzambi ia diulu ua ku bhana utuminu ni ukuenze, ni undanda, ni ulâmba.

Daniiele 2:37 ပူးပေါင်းရင်းမြစ်များ

I Jisobha 4:24

Kuma Solomá muene ua kexe mu tumina jixi joso ku sámbua dia Honga ia Ufalate kunu, tunde bhu Tipiza katé ku Ngaza, jisobha joso ku sámbua kunu, ji mu beleselela muene; hé u kala ni kutululuka; ku jimbandu jê joso kana muthu ua mu kumbulula.

II Jisobha 25:28

Hé u mu zuelesa ni kiadi kioso, o kiandu kiê anga u ki zangeleka ku thandu dia iandu ia jisobha joso ja kexi-nê mu Babilónia.

II Malunda 36:23

Silu, sobha ia Pelesa uambe kiki: O Jihova, Nzambi ia Diulu ua ngi bhana o mautuminu moso mu ngongo, iú ua ngi tumu ku mu tungila inzu mu Jeluzaleme, kididi kiala mua Juda; uoso uala momuenu, ua zuama muene ku kifuẋi kiê, a bande, Jihova Nzambi iê a kale ni muene.

Ejidala 1:2

Silu, sobha ia Pélesa, uambe kiki: Jihova, Nzambi ia maúlu ua ngi bhana maútuminu moso mu ngongo, iú ua ngi tumu ku mu tungila inzu mu Jeluzaleme, mbonge iala mua Juda.

Ejidala 7:12

Artaxexe, sobha ia jisobha, kua nganga Ejidala, musoneki ua kitumu kia Nzambi ia diulu; kala ni kutululuka kua kidi!

Jisálamu 62:11

Nzambi ua zuela kima kimoxi; eme nga kʼivu muene luiadi: Kuma o kutena kua ngene kua Nzambi.

Jisabhu 8:15

O jisobha ki u a mona kutuminʼokio, ni ilamba kioso kia iukisa o milonga, eme-muène na Unjimu ngala ku a bha-kiu.

Izaía 10:8

kuma, uamba uixi: Abha, ilamba iami ioso ki jisobha?

Izaía 47:5

Xikama-phe, uile hudí, nʼu kutuke mu kikote muedi bui, eie u mona-kilumba ua jikaldeu, kuma ki bhua kà kala dingi ku ku ixana, exi: Muene mvuale ia mautuminu a jixi.

Jelemiia 28:14

Mbata Jihova dia Ifuẋi, Nzambi ia Izalaiele, uambe kiki, uixi: Bhu xingu ia akua jixi joso jiji nga te-bhu jungu ia felu, phala kubhikila Nabukodonozolo, sobha ia Babilonha; a-nda ku mu bhikila muene; katé ni iama ku mukáu nga mu bhana na-iu.

Jelemiia 34:1

Kizuelu kia tundu kua Jihova kí kia tula kua Jelemiia, kioso Nabukodonozolo, sobha ia Babilonha ni masoladi mê moso, ni mautuminu moso mu ngongo, a kexile mu ku a tumina kuala muene, ni ifuẋi ioso kia mu lu ita ni Jeluzaleme ni jimbonge jê joso, kiexi:

Izekiiele 26:7

Mukonda, o Jihova Nzambi uambe, kiki: Talenu, eme mu kuzoka ni Tilu, nga-nda ku mu bhekela Nabukodonozolo, sobha ia Babilonha, tundé kusuku, sobha ia jisobha u mu endela ni jikabalu, ni makalu, ni akua kusambela tubalu, ni masoladi, ni kifuẋi kia mundu uavulu.

Daniiele 1:2

Jihova-phe u bhakula Juakí, sobha ia Juda, bhu lukuaku luê, ni mbandu ia itutu ia ulu ni phalata ia dibhata dia Nzambi, anga uia na-iu kʼoxi iê ku Xinale, anga u i tula mʼonzo ia dihamba diê, hé u i lunga kumoxi ni itutu iala monzo ia dihamba diê.

Daniiele 2:31

Sobha, eie uakexe kutala, o mu kutala uamono kiteka kionéne; kiteka kiki kukula kuahi ngó, o kubenha ngó, o kubenha kuê, kʼila léko-léko, hanji kiemana bhu pholo ié; o ku ki tala mesu ki kuatesa uoma!

Daniiele 2:44

Maji, mu izuua ia jisobha jenhiji, o Nzambi ia diulu ua kà bhekaku o utuminu ki u xikina dingi ku u jikinisa; o utuminu iú kà u ehela ku bhita dingi bhu maku ma miji iengi; uene kiá ua kà sasujula o mautuminu mosoʼama anga a-bhua-ku, maji o uene ua kà xalela ni kutumina mu thembu joso katé ku hádia ni hádia.

Daniiele 4:19

Bhenhobho Daniiele, a mu edi Beltexazale, u kumbikinha hanji kithangana katé mu uola iamvimba, ilunji ia mu tandanganha. Sobha-phe ukumbulula, uixi: Beltexazale, nzoji iii ki i ku juualese, mba u tandanganha mukonda dia dijimbuluilu diê. Beltexazale utambuijila, uixi: Ngana iami, o nzoji i lungile kua ió oso a ku kuatela luma, o dijimbuluilu diê di nongone muene oso jinguma jé!

Daniiele 4:22

Muẋi iú éʼmuene, u sobha, uakulu uazande, o kijingo kié kiakulu kia tuta ku diulu, o ungana ué uabhixila muene katé kua suku oxi.

Daniiele 4:25

Kala kiki, muʼaxaxi ka athu, a-nda ku ku tubhula-mu anga utunga ni jixitu ku mukáu, a-nda ku ku disa iangu mukuâ ni ngombe, mbundu ia bhulu ia-nda ku ku sukila anga i ku betesa muene; anga unakina sambuadi dia jithembu ji bhita kuthandu dié kienhiki; katé ki u kʼijiia kuamba mbé Suke-ku muene u tumina ma-usobha ma athu, muene u ma bhana uoso ua mu andala.

Daniiele 4:3

Ijimbuete iê kukula kuahi, o madiuanu mê undanda uvula! Utuminu uê kima ki nangenena mu thembu joso, u ungana uê kutunda muiji kuiza muiji.

Daniiele 4:32

A-nda ku ku kaia, o muʼaxaxi kʼathu u tunda-mu, inda utunga kiá ni iama ku mukáu; a-nda ku ku disa iangu kala ngombe, anga ukala kienhiki katé kua ku bhiti sambuadi dia jithembu, anga ki ku tetulukila kuamba, o Suke-ku mbé muene uene kutumina ma-ungana ma athu, uoso ua mu andala muene, muène a mu bhana-u.

Daniiele 4:34

Maji, kia zubha kúbhua izuua ienhoio, eme Nabukodonozolo, nga bhetula mesu ku diulu, anga ku ngʼiza dingi kilunji, eme nga tanesa Suke-ku, Ió kene mbambe nga mu ximana, nga mu kola fuma, mbé utuminu uê utuminu ua kunangenena, o usobha uê, kutunda muiji kuiza muiji.

Daniiele 5:18

Kaxi eie, u sobha, Nzambi Sukeku, uabhele tatʼenu Nabukodonozolo o utuminu, ni ulâmba, hi kijingo ni kizunda.

Daniiele 7:14

Anga a mu bhana o kutumina, ni kijingo, ni ungana, phala miji ioso, ni ifuẋi, ni madimi moso ende ni ku mu bhikila muene. O kutumina kuê kua miaka, ku kuene dizubhilu, o ungana uê uene ngó, ka tena ku u bhuisa-ku.

Hozeia 8:10

Né-mbe-phe ene a ta mauenji muʼaxaxe ka akua jixi phala kuia ni ku a kuatekesa, eme nganda ku a bhongolola; kuma andeka-ku kiá o kubhondalala ni kutunuka mukonda dia sobha ni ilamba ala ku a phopheka.

Matesu 6:13

Ku tu ehele kudibhala mu kudianguka, maji tu kudile ku Dimonho; mbata ungana ué Eʼ muène, ni nguzu, ni fuma sè dizubhilu. Amén.

Nzuá 19:11

Jezú, uixi: Eie kueju kala ni kutena kua ku ngi bhanga kima, se a kambele ku ku bana-ku kuala Nzambi ku diulu. Kienhiki, uoso ua ngi bhakula ko kué, muè uala ni kituxi kia dikota.

Dijingunuinu 1:5

ni kua Jezú Kristu, o mbangi ia kidi, ia fiiele. Muène mutuameneni ua dianga kufukunuka kuʼalunga, muène ue mutumini a jisobha mu ngongo. Muène ua tu zola, ua tu jituna ku ituxi ietu ni kúfua kuê,

Dijingunuinu 17:14

Enhá a kà lua ita ni Kambudi, maji o Kambudi-phe ua kà a tolola, kuma muène Ngana ia jingana, Sobha ia jisobha. Muène ua kà a tolola kumoxi ni athuʼê ió ene ku mu nhenganana, ió a exana, a a tungula, o jifiiele.

Dijingunuinu 19:16

Ku kizuatu kiê, bhu ditabela, kuosoneke dijina, exi: Sobha ia jisobha, Ngana ia jingana.

Dijingunuinu 4:11

Eie u Ngana ietu, Nzambi ietu! Kia ku fuama o kutambula fuma, ni ujitu ni unéne. Mukonda éʼMuène ua bhanga ioso, o vondadi ié iene ia i bhangesa kuiza-ku, íi ia di bhange, íi iala-ku.

Dijingunuinu 5:12

Anga emba ni dízui dia suina, exi: Kambudi a mu jibhile, kia mu fuama kutambula o unéne ni umvuama, ni unjimu, ni uzonda, ni ujitu, ni fuma ni diximanu.