Daniiele 2:35 - O Mikanda Ikola

³⁵ Bhenhobho-phe kiá, ni felu ni utuma, ni ngòndo ni phalata kumoxi kiá ni ulu, iene ioso sasu-sasu, anga ikituka kala ibhiate i ala kubhiata bhu mbango, kitembu kia i ambatesa, katé iendelela ni kididi bhu ia kexile ki bhu moneka dingi; maji o ditadi-phe dia nemeka o kiteka, dia di bhange mulundu uonéne, anga uizalesa oxi ioso.

Daniiele 2:35 ပူးပေါင်းရင်းမြစ်များ

Jobe 6:17

O bhu thembu ia kusangumuka kuê ni kizuza, ji di zunza, o bhu kixibhu ki ji bhita ku muanha, ji kukuta hé jʼendelela muene nzaká, bhu kididi kiê bhu ja kexe ki ji kala-bhu dingi.

Jisálamu 103:16

Kitembue kʼila ki bhita-ku, kia lela, kia buila; ni kididi kia kexe ka kʼijiia dingi.

Jisálamu 22:27

Katé ku maẋokololo a jixi athu a xinganeke, a vutuke kua Jihova; mbutu joso ja athu, eze a bheze bhu pholo iê.

Jisálamu 37:10

Bhu bhita ngó kathangana, mukua phulu-ó ubhua athu ku mesu; u tala kiambote, bhu kididi kiê kala-bhu dingi.

Jisálamu 37:36

Maji, mu kubhita-bhu dingi, ki ngi mu sange-bhu; nga mu soto hanji, maji uendelela.

Jisálamu 46:9

Ita ua i suikika katé ku maẋokolo aʼxi; uta ua mufula ua u bukula, dionga ua di batula mu kaẋi; o makalu a ita ua oha mu túbhia.

Jisálamu 66:4

Jixi joso ji kala mu ku ku bheza eie, ni ku ku imbila; ji kala mu kuimbila o dijina dié. (Selah.)

Jisálamu 86:9

Mbutu joso jʼathu, eie-muène ua a bhanga, hádia a kèza kubheza bhu pholo ié, u Ngana; a kà jingisa o dijina dié.

Izaía 11:9

Ka kà bhanga-mu kiaiibha mba phulu ioso-ioso, mu mulundu uami uoso, u nga kôlesa; mukonda oxi ioso ia kèzala ni kuijiia Nzambi, kala o menha kiezalesa kalunga.

Izaía 8:9

Divunzienu, enu mu mundu, a kà mi tolole; bhanenu mátui enu mu akua-jixi ja makanga, bhakatenu, a kà mi batujule ku iẋimbu; ndokuenu, bhakatenu, a kà mi batukule ki iẋimbu.

Daniiele 2:44

Maji, mu izuua ia jisobha jenhiji, o Nzambi ia diulu ua kà bhekaku o utuminu ki u xikina dingi ku u jikinisa; o utuminu iú kà u ehela ku bhita dingi bhu maku ma miji iengi; uene kiá ua kà sasujula o mautuminu mosoʼama anga a-bhua-ku, maji o uene ua kà xalela ni kutumina mu thembu joso katé ku hádia ni hádia.

Hozeia 13:3

Kienhiki ene a-nda kukala mukua ni dituta dia kimene, kala dimume dia kamene-mene, ki diene mu kunanga kubhita; ela kala ibhiate bhu dizanzu dia kubetela, a i ambata kuala o kitembu kia suina; a di bhanga kala dixi dia mu tunda mu xaminé.

Mikeia 4:13

Balumuka, u vunde, eie monʼa kilumba mu Ziione! Mukonda mbinga ié nga kà i bhanga ia felu, o iala ié ia ngòndo; ua kà sanujuna ndumba dia ifuẋi ia miji, futu iâ anga ua kà i bhakuila Jihova, ni umoni uâ kua Ngana, uavu o ixi ioso.

Zakadiia 12:3

Kizuuʼokio Jeluzaleme nga kà mu bhanga ditadi dia neme phala miji ioso; oso a kà di zangula, dia kà sasujula; miji ioso mu ngongo ia kà di bhongolola mu ku mu bilukila.

I Kolindo 15:25

Kuma Kristu muene ua bhingi u kalaku ku ungana, katé Nzambi kia tolola o jinguma jê joso, hé ua kà ji ta bhoxi dia inama ia Kristu muene.

Dijingunuinu 11:15

Anju ia kasambuadi anga u xika o koloneta iê. Hé kukala mazui a makota mu diulu, exi: Kiki o Utuminu ua jixi mu ngongo, ua biluka Utuminu ua Ngana ietu, ni ua Kristu iê. Muène kiá ua kà tumina katé ku hàdia ni hàdia!

Dijingunuinu 12:8

Enhá-phe a tokoka-ku! Ni muène ni ji-anju jê, mu diulu ka mono-mo dingi kididi.

Dijingunuinu 20:11

Kia bhiti imʼíii, nga mono kiandu kia dikota kizela, ni muène ua xikama-bhu. O mu kulenga pholo iê, oxi ni diulu ia jimuka, ki ia moneka dingi ku mesu.