Daniiele 12:4 - O Mikanda Ikola

⁴ Eie ue, Daniiele, maka ià jika-u a suke bhenhabha; jika ue idimbu ku divulu didi, katé bhua kà suka o thembu; avulu a kʼèza-ku, a kà tutumba ku mbandu ni mbandu mu jixi joso, o kuijiia-phe kua kʼàia ni ku dibandekeza.

Daniiele 12:4 ပူးပေါင်းရင်းမြစ်များ

Izaía 11:9

Ka kà bhanga-mu kiaiibha mba phulu ioso-ioso, mu mulundu uami uoso, u nga kôlesa; mukonda oxi ioso ia kèzala ni kuijiia Nzambi, kala o menha kiezalesa kalunga.

Izaía 29:11

Kienhiki kisuma kioso muene kiolambe mukuâ ni ndunda ia divulu diòjike kidimbu, anga a di tambuisa uoso uejiia kutanga, exi: Tanga-diu, muene uà kela: Ki ngi tena, mukonda diòjike.

Izaía 30:26

O mueji ua mbeje ua kà soka ni muanha, o muanha uene ua kà di bandekeza lusambuadi mu kútua, mukuâ ni muanha ua sambuadi dia izuua ua di lunjika kumoxi; kiki ki bhita bhu kizuua kia Jihova, kia-nda ku sokejeka o mundu uê ua budijika, ni kia tumba o kilônda kiâ.

Izaía 32:3

O mesu a iá, oso a mona, ka kà tala kudima, o mátui a iá oso evua, a kʼevidila muene.

Izaía 8:16

Divulu didi dia umbangi a kaiese na-diu momuʼa, o kitumu xina-kiu kidimbu muʼaxaxi ka jixibulu jami.

Jelemiia 5:1

Jingujukenu mu jinzunga ja Jeluzaleme, dimueninu kiá, mu tokuesa muene, bhitenu mu jisengu jonéne, mu mone mba mu sanga-mu muthu, mba muala ngó o muthu umoxi u kumbidila o kuiuka, mba u sota o kidi; eme inda ió ngi mu loloka.

Daniiele 10:1

Mu muvu ua katatu ua Silo, sobha ia Pélesa, Daniiele, a mu edi Belxazale, a mu jingunuina maka; o maka-phe ma kidi, maka ma ita ia dikota ia xikamena kubhanga mu thembu iza-ku. Daniiele muene, maka ua mʼevu kiambote, o kisuma kia mu tetulukila.

Daniiele 10:14

O kiki ngeza ku ku ijidisa kioso kia-nda kubhita na-kiu o mundu ué, mu izuua i sukidila-ku; mbata kisuma kiki, kia mu tanga ima ia kʼèza ku hádia.

Daniiele 10:21

Maji eme nga ku jimbuila kioso kiosoneke mu mikanda i tanga o kidi. O mu kúlua ni jinguma, kana-bhu u tena ku ngi banda, kale ngó Mingedi, o kilolo kienu.

Daniiele 11:33

Oso akua kilunji, muʼaxaxi ka kifuẋi a kà longa muene mundu; hanji-phe, a kà laúka ku xibhata, ni ku milengo ia túbhia, ni amoxi a kʼàia ku ubhika, o iá a kà a bhûnda; maji kienhiki kia kà bhita mu kithangana kia tokala.

Daniiele 11:40

O kia kà bhua o jithembu-phe, sobha ia ku sulu ua kà lua-nê, o sobha ia ku suku ue ua kà di lukula mukuâ ni kibhungu mu kúlua-nê ni makalu, ni akua jimonde, ni jinaviiu jandumba. Muenhú u bokona mu jixi u di-zanza momo mukua ni ngiji iezala, anga u somboka.

Daniiele 12:13

Eie-phe, suluka kienhiki katé ku mbambe; mbata ua-ndu nhoha-ku, maji o mu kizuua kia kà suka-ku, ua kà fundumuka anga u tambula o undundu ué ua ku xikamena.

Daniiele 12:5

Eme ngi Daniiele, o ki nga tale, nga mono kiiadi emana, o iú ku mbanduʼa ngiji ku sámbua kunu, o mukuá ku mbanduʼa ngiji ku sámbua kuná.

Daniiele 12:9

Kuala muene: Katuka, Daniiele, mbata makʼama a ma jika, ia ate-ku kidimbu katé kia kʼèza o thembu ia kà sukidilá-ku.

Daniiele 8:17

Muene ueza bhua zukama ni bhu ngala eme; o kia mu kuiza muene kiki, uôma ua ngi kuata, nga di-ṗhudika pholo bhoxi. Muene-phe ua ngʼambela, uexi: Tongoloka, monʼa muthu, kuma kisuma kiki kia kà di kumbidila ku dizubhilu dia thembu.

Daniiele 8:19

Uixi-phe: Talesa, ngi ku idikiza kioso kia ká bhita bhu thembu ia sukidila-ku ia njinda. Mbata o dizubhilu, sai thembu iê ia tokala, bhua di xindila.

Daniiele 8:26

O kisuma-phe kia ngoloxi ni kia kimene, kia tange, kia kidi muene; maji eie-phe jika-kiu, kuma kima kia izuua ia hádia.

Matesu 24:14

O Njimbu iíi Iambote ia Utuminu ua Nzambi, ia bhingi ku i tula mu ngongo ioso, mu kubhana umbangi ku akua jixi joso; kiene kiua kia kèza dizubhilu.

Loma 10:18

Maji eme ngixi-phe: Kifua ene a kambele kuivua o ngolokela? Evidiâ muene. Kala kiambe o Mikanda Ikôla, iexi: O dizui diâ a dʼ ivu mu ngongo ioso, o maka mâ ma bhixila katé ku maẋokololo ma ʼxi.

Dijingunuinu 10:4

Kioso o sambuadi dia kinuminu ki dia zubha kutubhula o mitendu iâ, ngʼandekele kusoneka. Anga ngʼivua dízui ku diulu, dixi: O ima ia tange o sambuadi dia kinuminu jika-iu, i kale ngó mu kasuekèle. Eie kana kusoneka kima!

Dijingunuinu 22:10

Anju anga u ngʼambela dingi, uixi: O maka ma upolofeta mu divulu didi, kana ku ma suekela athu, kuma o thembu ia ima íii kubhita ia zukama kiá.

Dijingunuinu 5:1

Anga ngi mona divulu dia dilanda bhu lúkuaku lua dilu lua ió ua xikama bhu kiandu, dia di fu ni dilanda diòuinge, diosoneke ni moxi ni ku kanga, iá a di jika ni sambuadi dia kidimbu.