Daniiele 12:2 - O Mikanda Ikola

² Ndumba ia athu ió aia ku kilu mu fufuta ia mavu ma ʼxi, a kà fukunuka, amoxi a kʼàia ku muenhu ki uàbhua, amukuá a kʼàia ku kididi kia phaxi, kuà kala o sonhi ni lusebu lu nangenena.

Daniiele 12:2 ပူးပေါင်းရင်းမြစ်များ

Jisabhu 12:8

Muthu kioso kia soko o unjimu uê, kiene ue kia ká mu tumbula; maji o semenhi ia muẋima-phe, athu oso a mu sebulula.

Izaía 26:19

O athuʼé, àfua, a kʼèza dingi ku muenhu; o athuʼé àia kalunga-ka-mbala-maminhu, a kà fukunuka. Phaphumukenu, mu tane ni kusanguluka enu muà tunga mu fufutila; Kuma o dimume dié dila kala mume dia isasa ia uisu; ni oxi iene ia kà lukula madifundu ma bhakele.

Izaía 66:24

Ene-phe a kà tunda mu kutala, anga a kà mona imbi ia athu oso a bhangele ima ia ku ngi bhumina; mbata dibhuka diâ ki dia kà fua, o túbhia tuâ ki tua kà jima dingi; anga enhá a kà kala kisunji ki kuatesa uoma ku xitu ioso.

Jelemiia 20:11

Maji-phe o Jihova uala ni eme, mukua ni dizonda dia manekena ita; kienhiki, o ió a ngi langata, a-nda ku di bhukana, ka-nda kutena kutolola; sonhi ja-nda ku a kuata kinéne; mukonda ka bhange ima ia kubhanduluka, a xikamena jisonhi ji nagenena ki ji xikina ku ji jimba.

Izekiiele 37:12

Kala kiki, zambula u a tangele, kuma: O Jihova Nzambi uambe kiki, uixi: Talesenu, kuma eme hádia nga kà jikula o jimbila jenu, anga ngi mi bhangesa kutunda mu ina ienu, enu mundu uami, tata, hé nga kà mi bheka dingi mu ixi ia Izalaiele.

Hozeia 13:14

Hinu eme ngʼa kula ku uzonda ua mbila, hádia eme ngʼa tambula dingi kua kalunga-a-ngombe. Eie kalunga, o hadi i ua talesa jinga athu iii kuebhi? Eie mbila, o kusengulula kué kuebhi? O kudiela kua-nda kusuama, ki kua kà moneka dingi ku mesuʼami.

Matesu 25:46

Iá-phe a kàia ku phaxi ki iabhua, o iá aiuka, ku kuenhu ki uàbhua.

Jipoxolo 24:15

Ngala ue ni kudielela kua Nzambi, ni ene iá na-ku, kuma hádia kukala difukunukinu dia athu aiuka ni athu abhukumuka.

Jipoxolo 7:60

Anga u fukama, u di kola di dizui dia suina, uixi: Ngana, kana kuta kituxi kiki mu konda iâ! O kia zubha ku ki zuela, u batula muenhu.

Loma 9:21

Manhi o mumbiʼó kala ni kidi kiê, kia kuata utuma ni kubhanga kioso kiandala? Muene mu mbumbi imoxi u katula-mu kitutu kimoxi kia beta ujitu, ni kitutu kiamukuá kioso-kioso.

I Tesalonika 4:14

Kuma etu tua xikana kuila Jezú ua fuile iú ua fukunuka. Kiene ue kimoxi oso a fuila mu kuxikana Jezú, Nzambi ua kà a bheka dingi kumoxi ni Jezú muene.

Dijingunuinu 20:12

Anga ngi mona ue o madifundu, makota ni jindenge, emana bhu pholo ia kiandu. Anga a jikula madivulu, ni divulu dia mukuá a di jikula, diene o divulu dia muenhu. O madifundu anga a a fundisa o ima ioso iosonèke mu madivulu, hé a a bhana kioso kia tokala mu imbamba iâ ia bhanga jinga.