Daniiele 11:36 - O Mikanda Ikola

³⁶ O sobha-phe ienhiʼii ua kà bhanga kioso ki mu tuma o vondadi iê; ua kà balumuka, anga u di kudisa ku thanduʼa nzambi joso; o Nzambi ia jinzambi joso ua kà âmba muene ue ima ia isunji ni madiuanu, ki kuiza kima! Inda muene-ku uia ni kubhanduluka dingi, katé kia kʼèla njinda ia Nzambi ia tenena ia suku; kuma, kioso kia tanga Nzambi, ki bhita muene.

Daniiele 11:36 ပူးပေါင်းရင်းမြစ်များ

Jisálamu 136:2

Sakidilenu Nzambi ia jinzambi; kuma kulenduka kuê ki kuene kúbhua.

Jisálamu 33:10

Jihova u fudisa o phangu ia akua jixi; kikutu kia athu mu ngongo u ki sukika.

Jisabhu 19:21

Mu muẋima ua muthu mua vula jiphangu, maji o kioso kia xindi kuala Jihova, kiene muene ki xalela.

Izaía 10:23

Kuma o kibuika kia xindi kiá, o Ngana, Jihova dia Ilômbo Ieta, ua kà ki bhitisa muene muʼaxaxi ka oxi ioso ienhiʼii.

Izaía 10:25

Mbata kua kambe ngó kathangana kófele, o kutema kuami ni njinda iami ia-nda ku di bhanga phala ku a jimisa o mbutu.

Izaía 10:5

Asídia, lamba diê! Ua di bhanga mbasá ia njinda iami: Kuma o njinda iami mukua ni mbangala bhu maku mê.

Izaía 14:13

Eie uambele mu muẋima ué, uixi: Nga-nda kubanda katé mu diulu, kiandu kiami ngi ki tudika kulu dia jithéthembua ja Nzambi, nga kà xikama muene ku mulundu ua kionge, ngi kexila ku mbandu ia suku.

Izaía 14:14

Nga kà banda muene katé ku thandu dia matuta ma suku-ku, nga kà di fuangana ni Suke-ku.

Izaía 26:20

Uila kiki, enu mu mundu uami, ndenu, mu bokone mu jinzu jenu, mu di jikile momo, mu suame ngó kathangana, katé ki somboka o njinda.

Izaía 30:33

Kuma Tofete a i iudika kiá, tunde mazá; xi, a i iudikila sobha; a i zongolola, a i kudisa; o sáma iê túbhia mu túbhia, o jihunhi jivula jala-mu; o muha ua Jihova ua kà uama kala muxónge ua xofidi.

Izaía 46:10

ngi mukua kutanga o dizubhilu tundé kiá bhu dimatekenu, tundé mu xiahulu muná ngi tanga ima kiluua iiza-ku; ngixi: Phangu iami inangenena, ngenda ni kubhanga vondadi iami ioso;

Izaía 57:9

Anga uia ku dihamba dia Mulôko ni maji, o ima ia mazumba u i vudisa; u tuma jiphunga ku makanga, anga u di-tununa katé muʼalunga.

Izekiiele 28:2

Eie monʼa iala, o kilamba kia Tilu mu tangele, uixi: O Jihova Nzambi uambe kiki: Mbata kuma o muẋima ué ua di zangeleka ni kuila, uixi: Eme ngi Nzambi, ngi xikama muene ku kialu kia Nzambi mu kaxiʼèlele ka musanza ua kalunga, hé o muẋima ué u u sokesa muene kala uene o muẋima ua Nzambi;

Izekiiele 35:13

Enu-phe mua ngi di-zangelekela eme ni dikanu, enu mua vudisa o maka menu mu ku ngi balukila eme; ememuène nga dʼivila-kiu.

Daniiele 11:16

O nguma uoso ua-nda kuiza ku mu lua, ua-nda kubhanga muene kioso kia mu tumu o muẋima uê, ki bhua-nda kumoneka muthu utena ku di fikidila bhu pholo iê. Ua kà kala mʼoxi ia uabha kinéne, ia di bhange iene o matunda ma miji ioso, o ima ioso ia kà kala bhu lukuaku luê, katé ni kibuika ki bhobho.

Daniiele 11:3

Kua kà balumuka kiua sobha, dizonda, ua-nda kutumina ni unéne uoso, o ioso ia sola iene ia bhanga.

Daniiele 11:37

Sobha muenhú ka-nda ku à xila o Nzambi ia jitata jê, ka xikina kubhana ujitu ku jihenda ja amama o muene ue kà ki suu, kana! Ki bhu kala nzambi ia suua, mukonda muene ua-nda ku-di-zangeleka ku thandu dia ima ioso.

Daniiele 12:7

Anga ngʼivua o muthu ua zuatele kizuatu kia linho, iu uakexe kulu dia hungulule ia menha a ngiji, ua zangula lukuaku luê lua dilu ni lukuaku luê lua kiasu ku diulu, iu ua di-lokela kua Iuná uene ku muenhu ki u moneka dizubhilu, uixi: Bhua kà bhita thembu iòxinde, ni jithembu jòxinde, ni kaxaxi ka thembu, o kia kà zubha kubhuisa o kutena kua povo iangene, kiene kiua kia kà bhita o ima ioso iii.

Daniiele 2:47

Sobha anga ukumbulula Daniiele, uixi: Kia kidi kiene, Nzambi ienu muene Nzambi ia jinzambi, muene Ngana ia jisobha; muene ue o mukua kutukulula ni kujingununa o ijinganu; mukonda o kijinganuʼiki eie ua ki lende muene o ku ki tetulula.

Daniiele 4:35

Kua muene athu oso atungu mu ngongo kingoho, kioso kia mu kala mu vondadi iê kiene kia bhanga ni ku ilômbo ioso ia diulu ni ku jithungiembu joso bhoxiʼabha; kana-ku muthu utena kufudisa lukuaku luê, ni kuila: Ua-nda bhanga kiebhi?

Daniiele 5:19

Mukonda-phe dia unéne ua mu bhele, miji ioso ni ifuẋi, ni athu a madimi moso, edile ni kiteketela ni uoma bhu pholo iê-muène. Uoso ua mu idi ngi mu jibha, u mu jibha muene; uoso ua mu edi akole muenhu, u mu bhaka ni muenhu; o ki ela muthu iú ngi mu zangeleka, u mu zangeleka muene; o ki ela muthu iú ngi mu tununa, u mu tununa muene.

Daniiele 5:20

Maji kioso kia mu nanuka muẋima uê, kilunji anga ki mu xixila ni ukumbu, a mu lundumuna bhu kiandu kia ungana uê, kijingo iá a mu tambula-kiu.

Daniiele 7:8

O ki nga kuata kutongolola jimbinga, talesa, kua fuafue dingi kalumbinga kòfele muʼaxaxi ka jimbingʼeji; o ku jimbinga ja dianga kua vuzuka jitatu phala kuehela kididi mbé o kalumbinga koka. Talesa o kalumbinga kenhaka kakexe ni mesu kala mesu a muthu, ni dikanu, di kuata kuzuela ni izala ioso!

Daniiele 8:19

Uixi-phe: Talesa, ngi ku idikiza kioso kia ká bhita bhu thembu ia sukidila-ku ia njinda. Mbata o dizubhilu, sai thembu iê ia tokala, bhua di xindila.

Daniiele 8:4

Nga mono kuila o kilumbe kia kuata kúlua mítue, ki ṗhuṗha mútue ku luiji, o bhabha ki ṗhuṗha mútue ku suku, o bhabha ki ṗhuṗha mútue ku sulu; iama ioso ia lémbua kuimana bhu pholo iê, ki bhuala ue ua tena ku di bhângela ku nguzu iê. O kiene hé kienda ni kubhanga ioso ia mu tumu o muẋima uê, kiia dingi ni ku di-bandekeza mʼunéne uê.

Zakadiia 11:16

Mukonda ku mundu nganda kubalumuina-ku mubidi u bhinga kuila ka lange mbudi ja mu fua, o ia jimbidila muene kaii mu ku i sota, o ia kate muene u iehelela kienhókio, o mbudi ia disanze ue muene kà xikina ku inga; maji o xitu ia nete muene u dia, katé ni ikoto u i ẋomona.

Nzuá 5:30

Jezú anga u kala dingi mu ku a tangela, uixi: Eme kʼ ubheka uami, ki ngi tena kubhanga kima, ki kala ki ngʼívua kua Tata, kiene ki ngi fundisa. O kufundisa kuami-phe kua kidi, mukonda ki nga-lu sota kubhanga vondadi iami, maji o vondadi ia ió ua ngi tumu.

Nzuá 6:38

Mbata eme nga tuluka mu diulu, kana mu kubhanga o vondadi iami, maji mu kubhanga vondadi ia ió uoso ua ngi tumu.

Jipoxolo 4:28

Ene a di bhongolola phala nʼa bhange kioso o lúkuaku lué ni vondadi ié ia lekelela jinga kuma ki bhita.

Matendelelu 10:17

Kuma o Jihova Nzambi ienu, muene o Nzambi ia jinzambi, muene Ngana ia jingana, muene Nzambi ngó Suke-ku, o uzonda uê uvula, ukuata uoma, ka moneka kathômbo kʼathu, ka xikina ku mu futila.

II Tesalonika 2:3

Ki bhu kale muthu u mi nganala kioso-kioso. Mukonda kizuuʼ okio ki kiza luua, kikale ku dianga hanji kubhita o thembu ia athu kubaluka, a balukila Nzambi, o muthu ua Kisueia nʼa kà tukuluke, o monʼ a kibuika ió a mu elesela kuia mu inferno.

II Tesalonika 2:4

Muthu muenʼió u kala mú kituka, u mesena u tunda ioso ia luka exi Nzambi, ioso athu iene ku bheza. Muène ua kà di zangeleka katé muene u xikama mu Tembulu ia Nzambi, nʼa dʼidikise kuma muene Nzambi!

II Tesalonika 2:8

O kia kà zubha ku mu katula-ku, kiene kia kà tukuluka o Kisueiʼokio, u bhinga Ngana Jezú kià kèza ua kà mu jibha ni muha ua dikanu diê, ua kà mu bhuisa-ku ni kisuma kia kutukuluka kuê-muène.

Josuué 22:22

Nzambi ia jinzambi, Muteni-a-Ioso, Jihova, ua kʼijiia; Nzambi ia jinzambi, Muteni-a-Ioso, Jihova muene a tume ku kʼijiia, ni Izalaiele ki mu tetulukile muene; se o ki tua bhangʼiki, kukituka kua tu bhangesa-kiu, mba kutulumbila Jihova kua tu kuata, ka tu ehele kukola muenhu lelu!

Dijingunuinu 10:7

Maji kioso-phe anju ia kasambuadi ki ia-nda kuxika o koloneta iê, kiene o Nzambi kia-ndu zubha kubhitisa o ima iê ia kasuekèle, uila kia tanga Muène ku jiselevende jê, o jipolofeta.

Dijingunuinu 12:14

Muhatu anga a mu bhana mabhabha maiadi ma holokoko ia dikota, phala a bhite bhulu katé mu kikangalakata bhu kididi kiê, bhua mu dikila mu thembu, ni jithembu, ni kaxaxe ka thembu, phala a suamene o pholo ia Kinhoka, kʼaie dingi ni ku mu asa.

Dijingunuinu 13:1

Anga ngi mona kiama kiala mu tomboloka mu musanza ua kalunga. Kiala ni kuinhi dia lumbinga, ni sambuadi dia mùtue; o ku jimbinga jê kuinhi dia kitundu, o ku mítue iê a soneka-ku majina a isunji, a kuxinga Nzambi.

Dijingunuinu 17:17

Kuma o Nzambi ua a te-kiu mu miẋima iâ, o kubhanga kia mu kala mu kilunji kiê, phala ene oso a sunge kilunji kimoxi, kia kubhana kiama o utuminu uâ, katé bhua kà zubhila kubhita o maka ma Nzambi.

Dijingunuinu 17:3

Anga ngi kala mu Nzumbi kithangana kienhokio, anju hé u ngʼambata katé mu kikangalakata. Kuenhoko ngi mona muhatu ua xikama ku kiama ki kusuka. Kiene a ki soneka majina avulu a kuẋonguena Nzambi. Kiama kienhiki ki kala ni sambuadi diê dia mútue, ni kuinhi dia lumbinga.