Daniiele 11:35 - O Mikanda Ikola

³⁵ Amoxi ku athu a tetuluka kilunji a kà dibhala, mbé o ku a lola kujiza kuâ phala ku a eẋika ni ku a zelesa-phe, katé bhua kà bhuila o kithangana, mukonda o thembu ia dizubhilu ki iza, katé bhu kithangana kiê kioso kia tokala kia i xindi.

Daniiele 11:35 ပူးပေါင်းရင်းမြစ်များ

II Malunda 32:31

Maji-phe, kioso kia mu tumikisa o akunji kuala o ilamba ia akua Babilónia, mu ku mu ibhula muene o madiuanu ma bhiti na-mu mu ixi ieneʼoio, Ngana Nzambi ua mu ehelela, phala ku mu lola hanji, mbé o kuijiia ioso ia mu kexile ku muẋima uê.

Jisabhu 17:3

Phalata a i tunguila bhu dizunzilu, o ulu a u tunguila bhu mbèmbu; maji Jihova muene mukua kutungula o miẋima ia athu.

Izaía 27:9

Kienhiki-phe, o kikuma kioso kia Jakobo, a kà ki bhuisa-ku ni kiamenga; o kiki kia kà kala kiene o kibundu kia kukatula o kituxi kiê kioso, kioso. O Jihova muene kia-nda kubhanga o matadi oso a kalatódio kala matadi ma hala a ma bula-bula; kieneʼokio ue, o mixitu ni iteka ia lumbidile o dikumbi, ki ia kà tena dingi kuimana.

Daniiele 11:27

O jingana ue jiiadi jenhiji, a-nda kuta muẋima mu kubhanga phulu, o ku meza ku a xikama a di tangela makutu mu kusota ku di nganala muthu ni mukuá. Maji o kubhanduluka kà ku mona, kuma o ki a bhindamena ene kiòxindile ni thembu iê ia tokala.

Daniiele 11:29

Bhu thembu iatokala ua kà lunga dingi mu kúlua ku sulu; maji kiki kiá veji iasukidila-ku iii ki ia-nda ku bhita kala o veji iadianga.

Daniiele 11:33

Oso akua kilunji, muʼaxaxi ka kifuẋi a kà longa muene mundu; hanji-phe, a kà laúka ku xibhata, ni ku milengo ia túbhia, ni amoxi a kʼàia ku ubhika, o iá a kà a bhûnda; maji kienhiki kia kà bhita mu kithangana kia tokala.

Daniiele 11:40

O kia kà bhua o jithembu-phe, sobha ia ku sulu ua kà lua-nê, o sobha ia ku suku ue ua kà di lukula mukuâ ni kibhungu mu kúlua-nê ni makalu, ni akua jimonde, ni jinaviiu jandumba. Muenhú u bokona mu jixi u di-zanza momo mukua ni ngiji iezala, anga u somboka.

Daniiele 12:3

Oso a dimukine mu kuenda kuâ, a kà lekujuka kala ki benha o muanha ua diulu, oso a longa jinga o mundu ku sota ni kukaiela o kulunga, à kà benha mukuâ ni jithéthembua katé ku hádia ni hádia.

Daniiele 12:4

Eie ue, Daniiele, maka ià jika-u a suke bhenhabha; jika ue idimbu ku divulu didi, katé bhua kà suka o thembu; avulu a kʼèza-ku, a kà tutumba ku mbandu ni mbandu mu jixi joso, o kuijiia-phe kua kʼàia ni ku dibandekeza.

Daniiele 8:10

Anga lu dikudisa muene katé ni ku kilômbo kia diulu; u kuata amoxi-mu ku kilômbo kienhókio ni ku jithéthembua, u ji lauila bhoxi, hé u ji titidila.

Daniiele 8:17

Muene ueza bhua zukama ni bhu ngala eme; o kia mu kuiza muene kiki, uôma ua ngi kuata, nga di-ṗhudika pholo bhoxi. Muene-phe ua ngʼambela, uexi: Tongoloka, monʼa muthu, kuma kisuma kiki kia kà di kumbidila ku dizubhilu dia thembu.

Daniiele 8:19

Uixi-phe: Talesa, ngi ku idikiza kioso kia ká bhita bhu thembu ia sukidila-ku ia njinda. Mbata o dizubhilu, sai thembu iê ia tokala, bhua di xindila.

Daniiele 9:27

Muenephe ua kà ta kikutu ni athu a ndumba mu semana imoxi; semana-phe iiza ngó mu kaxi, jisata u ji bhuisa-ku ni mibhaku ia musa; o ua kà bhanga isunji ioso iii-phe, muene ue kua kà mu iza mubuikixi, anga a mu lalumuna kienhiki katé kiá bhu dizubhilu; o kioso kiòxinde anga à ki lundulula ue ku thanduʼa mubuikixi muene.

Habakuke 2:3

Mukonda kisunji kiki kia-nda kubhita bhu thembu ia tokala, ni kidi muene kuma bhu thembu iaxindi kia kà bhita muene, ki ki fulu, kana; se ua mono kia laleka mu kuiza, eie-phe kinga na-kiu, kuma ni kidi muene kia kà bhita, ki kia-nda ku kokoloka, kana.

Zakadiia 13:9

Anga mbandu ia katatu iii nga kà i bhitisa mu túbhia, nga kà i zelesa mukua ni kiene kuzunza o utadi ua phalata, hé nga kà i lola kala kiene ku lola o ulu. Iene ki ia kà diundila dijina diami, eme ue nga kà ivua muene. Eme nga kà i ambela, ngixi: Iú uene o mundu uami; o iene ue ia kèla iexi: Jihova muene o Nzambi iami.

Matesu 16:17

Jezú u kumbulula, uixi: Eie ua zediua, Ximá dia Jona! Mukonda o kidi kienhiki eie kua kʼijidila ku xitu ni manhinga, maji a ku bhana-kiu kuala Tata iami uene mu diulu.

Matesu 26:56

Kiene kiosuʼiki-phe kia bhiti, phala kubhitisa o Maka mòsoneke mu Madivulu ma misèsedi. Bhenhobho jixibulu joso ji mu-xa, ji lenga.

Nzuá 15:2

Thangu ioso iala mo muami, maji i kamba kubhana ibundu, muène u i batula. Maji o thangu ioso i bhana ibundu, u i solala, hé u i zelesa, ni i bete o kubhana.

Nzuá 20:25

Jixibulu ni akuá anga a mu tangela, exi: Etu, Ngana tua mu mono! Muène-phe, uixi: Se nga kambe kumona bhu maku-mê o itote ia jipheleku, anga ngi ta mulembu uami mu itote ia jipheleku, anga ngi ta lúkuaku luami bhu mbanji iê, eme ki ngi xikana!

Jipoxolo 13:13

Kiki Phaulu ni akuâ a di longela mu Pafu, anga a zauka katé ku Peleje mu Pamfidia. Nzuá dia Marku, anga u a xa bheniobho, hé u vutuka ku Jeluzaleme.

Matendelelu 8:16

Muene ua ku dikila ni maná mu kikangalakata, maná ia kambele adiʼenu ku iʼjiia, phala ku mi tululula ni ku mi lola ni jingongo ja vulu mbé ku dizubhilu a mi bhange o mbote.

Tiiaku 1:2

Enu jiphange jami, kitenu-kiu kuzediua kuoso, se mu bhita ni malamba ma vula o matelu.

Dijingunuinu 14:15

Anju iamukua anga i tunda mu Tembulu, hé u handekela ni dízui dia suina ió ua xikama ku dituta, uixi: Katula o kibhôlola kié, u mune, mukonda o kumbi dieza-bhu kiá dia kumuna. Mbata o idima mu ngongo iabhi kiá!

Dijingunuinu 17:17

Kuma o Nzambi ua a te-kiu mu miẋima iâ, o kubhanga kia mu kala mu kilunji kiê, phala ene oso a sunge kilunji kimoxi, kia kubhana kiama o utuminu uâ, katé bhua kà zubhila kubhita o maka ma Nzambi.

Dijingunuinu 2:10

Ku kale ni uôma ua jiphaxi ji ua-nda kubhita na-ju. Talesenu, amoxi mudienu, Diabhu ua-nda ku mi ta muʼaleia phala ku mi lola. Mu tala hadi mu kuinhi dia izuua. Kala-phe u fiiele katé bhʼufilu, eme ngi ku bhana o kitundu kia muenhu.

Dijingunuinu 7:14

Nga mu ambela, ngixi: Eʼmuène, ngana, ua ejiia. Kuala muène: Enhá ene a tundu mu hadi ia dikota. Ene a sukula izuatu iâ, ia a i zelesa mu manhinga ma Kambudi.