Daniiele 11:31 - O Mikanda Ikola

³¹ Anga kuakèza makuenze ku mu banda, anga kididi kiangene kikôla, kia nguzu, a ki kasanesa; jisata ja izuua ioso a ka ji bhuisa-ku, anga a kà bhinganesa-bhu kisunji ki buidisa mundu.

Daniiele 11:31 ပူးပေါင်းရင်းမြစ်များ

Jelemiia 19:4

Mbata eme a ngi xi, o kididi kiki a ki kasanesa, muene muohela uasu ua dizumba phala jinzambi jengi, jene nuka a jiʼjidile, né ene, mba o jitata jâ, né o jisobha jene ja Juda; ia edi o kididi a kiʼzalesa ni manhinga ma athu a iuka.

Jelemiia 7:30

Mbata anʼa a Juda a bhange muene kia ibha ku mesu mami, eme ngi Jihova; isunji iâ a i tula muene mʼonzo iʼexanena mu dijina diami, phala ku i kasanesa.

Kuditenda 1:10

Jeluzaleme ima iê ioso ia matunda ia kexe na-iu, kisuéia ua sunununa o lukuaku luê mu ku mu tambula-iu; uamono muene o matumbu kia bokona mu kididi kiê kiangene; ene-phe o matumbu u uambele eie, kuila ka bokone bhu kionge kié.

Kuditenda 2:7

Jihova kalatódio kê ua ka ẋimbuka, o dibhezelu diê dia mu kumu; imbaka ia fikidila mazêmba mê ua i bhakula bhu lukuaku lua isuéia; abhangela jibuia mʼonzo ia Jihova, kala kiene kubhita mu kizuua kia kionge kia fesa.

Izekiiele 9:7

Uixi: Inzu kasanesenu-iu muizalese o malumbu mê ni imbi, mu tunde. Anga a tunda a kuata kujibha mu mbonge.

Daniiele 12:11

Mu kutunda bhu kumbi dia kubhuisa-ku o sata ia izuua ioso nʼa ta-ku o kisunji ki buidisa o mundu, bhua kà bhita midi, ni hama jiiadi ni makuinhiʼvua a izuua.

Daniiele 8:24

Ua kà kala muene ni kutena kuavulu, maji ki mu nguzu iê-muène; ua kà bhanga isunji ni kujibha o mundu; ua kà zediua, mu ima ioso ka lémbua kima, kioso kiandala o muẋima uê kiene kia bhanga; mazonda ua kà a bûba, o povo ia akua-Ngana ua kà i buikisa.

Daniiele 8:26

O kisuma-phe kia ngoloxi ni kia kimene, kia tange, kia kidi muene; maji eie-phe jika-kiu, kuma kima kia izuua ia hádia.

Daniiele 9:27

Muenephe ua kà ta kikutu ni athu a ndumba mu semana imoxi; semana-phe iiza ngó mu kaxi, jisata u ji bhuisa-ku ni mibhaku ia musa; o ua kà bhanga isunji ioso iii-phe, muene ue kua kà mu iza mubuikixi, anga a mu lalumuna kienhiki katé kiá bhu dizubhilu; o kioso kiòxinde anga à ki lundulula ue ku thanduʼa mubuikixi muene.

Hozeia 3:4

Mbata anʼa Izalaiele a-nda kukala ue muene izuua ia nzungule ka moneka sobha, ka moneka dikota, kene ni sata, kene ni kiteka mu dibhata, mba ngó efodi.

Matesu 24:15

Hinu-phe ki mu mona o Kisunji ki buidisa mundu, kia tangele polofata Daniiele, kiemana bhu kididi kikôla, uoso u tanga a tongolole.

Marku 13:14

Jezú anga u zuela dingi, uixi: Ki mu mona-phe o kisunji ki buikisa mundu kiemana bhuma ki kia tokala kukala-bhu, (uoso mutangi u tanga, a tongolole). Kienhókio, oso a kala mu Judeia, a ka lengele ku milundu.

Luka 21:20

Jezú anga uamba dingi, uixi: Ki mu mona-phe Jeluzaleme a i kondoloka ni ifuẋi ia masoladi, ijiienu-kiu kuma kubuika kuê kua zukama.

Dijingunuinu 17:12

O kuinhi dia lumbinga di ua monuʼodio, o kuinhi dia sobha kiluua a tambula o usobha uâ, maji a-nda ku a bhana-phe kutumina kala jisobha, mu ola imoxi, kumoxi ni kiama.