Amoji 9:9 - O Mikanda Ikola

⁹ Mukonda nga kà xika ngonge, o dibhata dia Izalaiele nga kà di kukumuna mu miji ioso, mukua ni kiene mu kùsesa jimbundu bhu mbàngu, ni lumbundu lumoxi ngó ki lu sonoka bhoxi.

Amoji 9:9 ပူးပေါင်းရင်းမြစ်များ

Izaía 27:12

Anga kia kà kala-phe kiki, kuila: Mu kizuua kiná, Jihova kia kà bhiata o idima iê, tunde ku mixinji ia ngiji, katé ku honga ia Ijitu, enu uenu, mu anʼa Izalaiele, a kà mi nona mu umoxi-umoxi.

Izaía 28:28

O tiliku ene ku i zuka, maji ka i zuku luavulu, kana; kene ue ku i zuka ni malola ma dikalu diê, mba ku i tutula ni jikabalu jê.

Izaía 30:28

O muha ua kubhuima kuê kala ngiji ia xamujuka ni menha, a bhixila katé mu xingu, phala kusàla o miji ni musalu ua kibuika; o ngoji ia ku a tondalesa, u i kuikila mu jingandelu ja ifuẋi ia mundu.

Jelemiia 31:36

Se o itumu iii i nga xindi i tunda bhu pholo iami, eme ngi Jihova, o mbutu ia Izalaiele ue ki ia-nda ku kala dingi muiji bhu pholo iami katé ku hádia ni hádia.

Jelemiia 46:28

Eie ku kale ni uoma, mubhikʼami Jakobo, Jihova ua ki tange, uexi: mukonda eme ngala ni eie; mbata miji ioso mu nga ku takuila, nga-nda ku a jima o mbutu; maji eie phe, ki nga-nda ku ku jikinisa, inda nga-nda ku ku bhana kaxtiku ké mu kizongelu kia tokala, kuma ki nga-nda ku kuila ngixi mu mulonga eie ue uabhu-mu muene.

Jelemiia 49:36

Hé ngi bheka kua Elame o itembu i uana ia thungi ji uana ja diulu, ene anga ngʼa uanena kua tungu o itembu iuana ienhiʼii; ki bhua kà kala ixi mu kamba kuiza jingômbo ja lenge ku Elame.

Izekiiele 20:38

Maji o ió a ngi bhukumukina, ni iá a ngi tondalela, mu kaxi kenu nga kà a muangununa-mu; nga kà a katula muene mu ixi mua nhunganena, maji o mu ixi ia Izalaiele ka kà vutuka-mu dingi; phala ki mʼindukile kuila Eme-muène ngi Jihova.

Izekiiele 36:19

Eme nga a muangena mu kaxi ka ifuẋi, iá a a muangena mu jixi; kala kiala o jinjila jâ, kala ue kiala o ibhangelu iâ, kiene ue muene eme ki nga a fundisa.

Izekiiele 39:28

Kienhokio-phe a kà kʼijiia kuila, eme ngi Jihova Nzambi iâ, kioso kià mona kuila eme nga a bheka ku uhutile muʼaxaxe ka akua jixi, eme nga tona o ku a phopha dingi, mbé ene oso nʼa vutuke mʼoxi iâ; ki bhuala ngó muthu nga mu tungula-ku nʼa xalele koko.

Izekiiele 5:10

Kala kiki, Jitata, mu kaxi ké, ja-nda kúdia o tuana tuâ, o tuana tua-nda kúdia o jitata jâ; anga mabatuilu mami ngi ma bhanga momuʼé; o oso a subhuka-ku ngʼa muangena ku itembue ioso.

Izekiiele 5:12

Mbandu ié ia katatu ia-nda kúfua ku dibhebhu, anga momuʼé aia ni kujikinina ku nzala; o mbandu ia mukuá ia-nda kuia ni kúfua ku xibhata mu jimbandu jé; o mbandu ia mukuá nga-nda ku i muangena mu itembue ioso anga ngi fomona o xibhata mu kizu ni ii ni ku a kaiela kuema diâ.

Ijila 26:33

Enu anga ngi mi muangena muʼaxaxi ka akua jixi jengi, hé ngi mi fomuena o xibhata, ni ngi mi mono bhu muia; oxi ienu i xala kilômbo ngùndu, o madiembu menu a jikinina muene taka-tàka.

Luka 22:31

Ngana uixi dingi: Ximá, Ximá, ivua kiambote: Satana ua mi binghi mbé ni a mi lole. Muène ua-nda ku mi bhiata mukuâ ni kidimakaji kia bhiata o tiliku mu ku i uanununa ni ibhiate.

Matendelelu 28:64

Jihova ua ka mi muangena muʼaxaxi ka miji ioso tunde kua tundu oxi ʼté ku maẋokololo ku iasuku; o kuenhoko kuene kiua ku ua kà bhikila o jinzambi jengi, ja bhingi nʼeie ni jitata jé kiluua mu jʼijiia ngó; jinzambi ja miẋi ni ja matadi.