Amoji 9:8 - O Mikanda Ikola

⁸ Uila kiki-phe, mesu a Jihova Nzambi a lungu mu kuzoka ni utuminu uoso uenda ni kubhanga ituxi, katé muene ki a u sengulula kulu dia mundu; inda mu dibhata dia Jakobo, Jihova uixi: Ene oso ki nga kà a buikisa-mu, kana.

Amoji 9:8 ပူးပေါင်းရင်းမြစ်များ

Dimatekenu 6:7

Ngana anga u zuela, uixi: Muthu nga mu bhange, ngi mu jimuna kulu dia mundu tunde ku athu katé ni iama, ni ibamba ienda mala bhoxi, ni jinjila ji bhita bhulu; kuma nga diʼelesa mukonda dia ku a bhanga.

Dimatekenu 7:4

Kuma kua kambe ngó sambuadi dia izuua, nga-nda kunokesa mvula mu ngongo mu makuinhi auana a izuua ni makuinhi a auana a usuku; katé ima ioso i nga bhanga, iala ni muenhu, nga i jimuna ku thandu dia mavu.

I Jisobha 13:34

Kienhiki anga ki di bhanga ndònda ia kituxi mʼonzo ia Jelobouamu, kia bhekela ku i buidisa ni ku i jimuna mu ngongo.

Jisabhu 15:3

Mesu ma Jihova, mala mu ididi ioso, ni kukengelela athu aiibha ni athu ambote.

Jisabhu 5:21

Mbata mauendelu ma muthu-phe mene ku mesu ma Jihova; muene ukala mu kutongesa muoso mu bhita o muthu.

Jelemiia 30:11

Mbata eme ngala kumoxi nʼeie, phala ku ku bhulula, Jihova ua ki tange; mukonda miji ioso mu nga ku muangena, nga-nda ku a bhana o zubhilu diâ; maji eie-phe, ki nga-nda ku ku zubhidisa, suke nga-nda ku ku bhana ue kaxtiku ké mu kizongelu kia fuama, kuma eie muene ue, ki ngi ku mono ni kukala kidi u muthu ua bene.

Jelemiia 44:27

Kiki-phe nga-nda ku a langidila, ki phala mbote, maji phala kuiibha; athu oso mua Juda, ala mʼoxi ia Ijitu, a-nda kujikinina ku xibhata ni ku nzala, katé kiʼábhua-mu ene oso.

Jelemiia 46:28

Eie ku kale ni uoma, mubhikʼami Jakobo, Jihova ua ki tange, uexi: mukonda eme ngala ni eie; mbata miji ioso mu nga ku takuila, nga-nda ku a jima o mbutu; maji eie phe, ki nga-nda ku ku jikinisa, inda nga-nda ku ku bhana kaxtiku ké mu kizongelu kia tokala, kuma ki nga-nda ku kuila ngixi mu mulonga eie ue uabhu-mu muene.

Jelemiia 5:10

Sambelenu ku imbaka iâ, mu a buidise: jithangu jê saunenu-ju, mbata ki ja Jihova.

Hozeia 1:4

Ngana anga u mu ambela, uixi: Mu luke dijina dia Jezelele; mbata bhuanda kubhita ngó kathangana kòfele, manhinga ma Jezelele nga kà mʼebhula ku thanduʼ ʼa diembu dia Jehú, anga o utuminu ua Izalaiele ngi u bhuisa-ku kiá.

Hozeia 1:6

Anga muhatu u imita luamukuá, hé u bhanduluka monʼa muhatu. Nzambi anga u ambela Hozeia, uixi: Mu luke dijina dia Lo-Luhama; kuma o diembu dia Izalaiele ki ngi tona dingi ku di kuatela henda, ni kukuata kuia ni ku a loloka; maji iene ioso nga kà a katula na-iu.

Jouele 2:32

Kieneʼokio-phe, uoso ua kà hingila dijina dia Jihova ua kà bhuluka. Kuma ku mulundu ua Ziione, ni mu Jeluzaleme, muà kala dibhandulukilu kala kiene mu ki tanga kuala Jihova, ni kua iá oso a subhuka a kà exana kuala Jihova.

Amoji 3:12

Jihova uambe kiki: Mukua ni mubidi ki a tambula inama iiadi ia kibhaku mu kanu dia hoji mba kathumba ka dítui, kiene ue Jihova kia kà bhulula anʼa Izalaiele a tungu mu Samádia; u a tambuila muene ku mizumbu ia muanza mba ku mikambu ia hama.

Amoji 7:17

Mukonda dia kienhiki Jihova uambe kiki: Muhatuʼé ua kà kituka kidianzunga mu mbonge; anʼé a mala ni anʼé a ahetu, a kà di bhala ku xibhata; o ixi ié a kà i uana-uana ni mukolo, eie-muène ua kà fuila mʼoxi ia kasana, ia xidi; o Izalaiele, ni kidi muene, a kà muʼambata koxi iengi ia dikanga mu ubhika.

Amoji 9:10

Mu kifuẋi kia mundu uami ene oso akua ku ta ituxi a-nda kua kà fua ku xibhata, oso ene mu ku amba, exi: Ki tua-nda kutakana ni kibuika kia kima, mba ngó kima kiaiibha ku tu zukama.

Amoji 9:4

O ki aia ku ubhika ua uhutile ku mesu a jinguma jâ, kueneʼoko nga kà tendelela xibhata, ni i kala mu ku a jibha. Nga kà ta mesuʼami ku thandu diâ ni ku a kengelela mu ku a bhanga phulu, ki ku a bhanga mbote, kana!

Matendelelu 4:31

Mukonda Jihova Nzambi ié, Nzambi uejidila kukuatela henda; ka kuehelela mba u ku buikisa; né ngó ue kuẋikina kujimba o kikutu kia lokela ku jitata jé.

Matendelelu 6:15

Mbata o Jihova Nzambi ienu, Ió ua tungu mu kaẋi kenu, uene Nzambi ia difuba, muendamê ni muanu, phala o njinda ié ki i mi uamene ku thandu, anga i mi jikinisa, mʼoxiʼomo hé mubhua-mu.