Amoji 9:7 - O Mikanda Ikola

⁷ Jihova uixi: Enu mu anʼa Izalaiele, manhi kokuami ki mu sokela ni anʼa akua Itiiopia? Manhi ki eme muene nga bandesa Izalaiele mu kutunda mʼoxi ia Ijitu, kala kia tundu akua Fidíxia ku Kafitole ni akua Sídia ku Kile?

Amoji 9:7 ပူးပေါင်းရင်းမြစ်များ

II Jisobha 16:9

O sobha ia Asídsia iú ua mu ivu muene; mbata o sobha ia Asídia ua bande iú ueza mu kukonda Damasku, iú ua mu tolola; o mundu ia keximu ua ambata iú uai-nâ ku Kîdi, o Lejime ua mu jibha.

II Malunda 14:12

Jihova anga u nemeka akua Itiiópia, bhu pholo ia Aza ni bhu pholo ia Juda, akua Itiiópia anga a lenga.

II Malunda 14:9

O Zela-phe, mukua Itiiópia, anga u a tundila ni kifuẋi kia midi ia jimidi ja masoladi, ni hama jitatu ja makalu, anga u bhixila katé bhu Malesa.

Makatukilu 12:51

Anga ki bhita kuila, mu kizuua kienhókio, Jihova u katula anʼa Izalaiele mʼoxi ia Ijitu, kala kia di te mu ilombo iâ.

Izaía 20:4

Kiene ue o sobha ia Asídia kia kʼàmbata o jihutile mu Ijitu, ni iá a a balakala a tundu mu Itiiópia, ni minzangala ni adiakimi, nʼa ambata tuẋi-a-thakala, ni inama bhoxi, mataku mu kanga, phala Ijitu sonhi ji mu kuate.

Izaía 22:6

Mbata Elame ua nomona kizu kia misongo, mala iá mu makalu, sai ue amondadi; o Kile ua tukulula jingubu.

Izaía 43:3

Mbata eme-muene Jihova Nzambi ié, Dilemba Dikola dia Izalaiele, Mubhuludi uê; nga bhana Ijitu mu ku kukula, ni Itiiópia ni Seba, bhu kididi kiê.

Jelemiia 13:23

Mukua Itiiópia mbé utena kubilula o kikonda kiê? Inga ingo i tena kuxa madinga mê? Hé kiene-phe, enu uenu mueju tena kubhanga o mbote, mu athu a mi longo o ku bhanga o phulu.

Jelemiia 47:4

Mukonda dia kizuua kia mu kuiza phala kubuikisa o akua Fidíxia oso, phala kubatuila ku Tilu, ni ku Sidone, mbebhu ki kuize athu mu ku a kudila; mbata Jihova ua-nda kujikinisa akua Fidíxia, ió oso a subhuka mu kikolo kia Kafitoli.

Hozeia 12:13

Maji Jihova-phe ua tumine o polofeta iú ua tombola Izalaiele ku Ijitu, o ku lukuaku lua polofeta kuene kua kondekela jinga o mundu uê.

Amoji 1:5

Sabhi ia dikûmba ku Damasku nga kà i bula-ku, o ió a tungu mu Bikiate-Avene nga kà a jima o mbutu ni uoso uala ni mbasá ia Bete-Edene bhu lukuaku; kifuẋi kia akua Sídia a kà ki bheka ku ubhika mu Kile, kuma kiene kiambe Jihova.

Amoji 2:10

Moxi ia Ijitu ue Eme-muène nga mi katula-mu; makuinhi a uana a mivu u nga mi endesa mu kikangalakata, phala o ixi ia mamodi ni ngi mi bhane-iu i mi kale ixi ienu.

Matendelelu 2:23

Akua-Kafitoli, a tundile mu Kafitoli, ajikinisa ue akua-Hevi a tungile mu jimbonge ja Hazedime katé mu Ngaza, anga a tunga bhu kididi kiâ.)