Amoji 9:4 - O Mikanda Ikola

⁴ O ki aia ku ubhika ua uhutile ku mesu a jinguma jâ, kueneʼoko nga kà tendelela xibhata, ni i kala mu ku a jibha. Nga kà ta mesuʼami ku thandu diâ ni ku a kengelela mu ku a bhanga phulu, ki ku a bhanga mbote, kana!

Amoji 9:4 ပူးပေါင်းရင်းမြစ်များ

Dimatekenu 44:21

Eie-phe uambelele selevende jé, uixi: Ngi bhekedienu-nê phala ngi mu mone mesu.

II Malunda 16:9

Mukonda-phe o Jihova mesu mê ma bhita mu ngongo ioso, phala ku di londekeza o kusuína kuê mu ku kudila ió oso ala ni muẋima ua tenena kua muene; mu kiki-phe eie ua bhange ulaji mukonda tunde lelu ua-ndu kala jinga ni ita iza kokué.

Jisálamu 34:17

Aiuka-phe a dikola, Jihova u a evua, u a kudila mu jiphaxi jâ joso.

Makatukilu 14:24

Kutula-phe ku makolombolo, Jihova mu philadi ia túbhia ni dituta kia tale o kilômbo kia akua Ijitu, u kala mu ku a tatesa.

Jelemiia 12:12

Mu ididi ioso ia di leka ia kikangalakata mua tundu akua kubuikisa; mbata o xibhata ia Jihova i leleka tundé hota ia ixi katé hota ia mukuâ; ki bhuala xitu i kala ni kutululuka.

Jelemiia 21:10

Mukonda Jihova, uixi: Mbata eme mbonge iii nga i futulukila muene, ki i mono mbote, a kà i bhakula bhu lukuaku lua sobha ia Babilonha, anga muene ua kà i ta mu tuia.

Jelemiia 24:6

Nga-nda ku ta mesu mami ku thandu diâ, phala mbote iâ, anga hadia ngʼa vutula dingi mu ixi mumu, hé ngʼa tungisa ki nga kà a muanga dingi; ngʼa kà a kuna ki nganda ku a vuza.

Jelemiia 39:12

O mesu mé ta na-u kua muene, u mu katule, kana ku mu bhanga ku ibha kuoso-kuoso; inda uila kioso muene kia ku tangela, eie kiene ki u mu bhanga muene.

Jelemiia 39:16

Jihova dia Ilombo Ieta, Nzambi ia Izalaiele uambe kiki: Tala, eme nganda kubheka maka ami ku thandu dia mbonge iii, ki phala mbote, kana, maji phala kuiibha; anga kizuelu kiami kia kà tenena muene bhu mesu mé mu kizuuʼokio.

Jelemiia 44:11

Kala kiki, Jihova dia Ifuẋi, Nzambi ia Izalaiele, uambe kiki: Talenu, pholo iami nga-nda ku i talesa kokuenu phala ku mi bhanga kiaiibha, Juda dioso nga-nda ku mu vuza.

Izekiiele 5:12

Mbandu ié ia katatu ia-nda kúfua ku dibhebhu, anga momuʼé aia ni kujikinina ku nzala; o mbandu ia mukuá ia-nda kuia ni kúfua ku xibhata mu jimbandu jé; o mbandu ia mukuá nga-nda ku i muangena mu itembue ioso anga ngi fomona o xibhata mu kizu ni ii ni ku a kaiela kuema diâ.

Izekiiele 5:2

Mbandu ia katatu, kioso ki ua-nda kuila o izuua ia mukondo ua Jeluzaleme ia zubha kiá o kutenena, u i oha mu túbhia mu kaxi ka mbonge muene; anga u zangula dingi o mbandu ia mukuá hé u kondoloka na-iu o mbonge nʼu i kuama ni xibhata; o mbandu ia mukuá ua kà i muangena ku kitembue; mbata o xibhata iami ia kutalesa hadi nga-nda ku i fomona mu kizu ni ii ni ku a kaiela.

Ijila 17:10

Muthu uoso ue mu dibhata dia Izalaiele, mba ku jinzuangiza jene kunhunganena muʼaxaxi kâ, udia manhinga, muthu ió ngi mu mona bhu aia, katé ki ngi mu batula mu kifuẋi kiê.

Ijila 26:33

Enu anga ngi mi muangena muʼaxaxi ka akua jixi jengi, hé ngi mi fomuena o xibhata, ni ngi mi mono bhu muia; oxi ienu i xala kilômbo ngùndu, o madiembu menu a jikinina muene taka-tàka.

Amoji 9:8

Uila kiki-phe, mesu a Jihova Nzambi a lungu mu kuzoka ni utuminu uoso uenda ni kubhanga ituxi, katé muene ki a u sengulula kulu dia mundu; inda mu dibhata dia Jakobo, Jihova uixi: Ene oso ki nga kà a buikisa-mu, kana.

Zakadiia 8:10

Kuma kioso izuuʼoio kiluua i bhixila, ki ku kexile futu ia athu mba o iama; ki ku kexile ue kutululuka phala uoso u tunda mba uoso u bokona, mukonda dia nguma. Kuma athu oso nga a vunzile muẋima eme nga a bhangesele kuila muthu u lungulukila mukuá muthu u lungulukila mukuá.