Amoji 9:13 - O Mikanda Ikola

¹³ Talesa-phe izuua i iza, Jihova ua ki tange, ia bhingi kuila mukua kudima u sokela ni mukua kumuna, o mukua ku kama ji-úva u sokela ni ió u kuua jimbutu; kieneʼokio milundu ia kà zunzumuka vinhu ia uisu, tuthuthulundu tuene tuoso tua kà sengumuka.

Amoji 9:13 ပူးပေါင်းရင်းမြစ်များ

Dimatekenu 49:11

O bulu iê ia ndumbe u i kuikila ku muvide, o monʼa bulu iê ia mukaji, ku kixina kia beta kuuabha; izuatu iê ua kà i sukula mu vinhu, ni divunga diê mu manhinga ma jiuva.

Jisálamu 97:5

Milundu ia sengumuka kala sela bhu pholo ia Jihova, bhu pholo ia Ngana uavu o ixi ioso.

Izaía 16:10

O kutana ni kusangulukila o mulenga uima idima iavulu, kuabhu-ku; o kiki kiá mu mivide kala kuimbila-mu dingi, ki kuala dingi kutana kua kima, mukėti-a-vinhu mu matangi, ka-nda kuketela-mu dingi. Eme o kutana nga ku bhuisa-ku.

Izaía 55:13

bhu kididi kia musonge, bhua kà sabhuka mufaia; o bhu kididi kia musuna, bhua kà sabhuka mumurta; anga kia kà fumanesa dijina dia Jihova, kià kala kijimbuete kinangenena ki kia kà bua-ku dingi.

Izekiiele 28:26

A kà tunga momo ni kukondama, a tunga a soma, anga a kà bhanga mabhata, a kà kuna mivide; kiene muene, a kà tunga ni kukondama, kioso eme ki nga-nda kufundisa ene oso a muia ni kunhana mu jimbandu jâ; hé a kà kʼijiia kuila eme ngi Jihova, ngi Nzambi iâ.

Izekiiele 36:35

A kʼènda ni kuila, exi: Ixi iii ia kibuika, kiki ia di bhange mukuâ ni kadíbhia ka Edene! O jimbanza ja kexile ngoho, ja di bhangele jingûndu, a ji bulu, o kiki ja kuata ja kolo, ʼji ja tungiua.

Jouele 2:24

Bhu mavundilu bhuà kezala ni tiliku, matangi a ku kamena vinhu ia uisu ni maji a kà subhajaka.

Jouele 3:18

Kieneʼokio-phe milundu ia kà zunzumuka vinhu ia ubhe, tu thuthulundu tua kà bhubha lete, jingiji joso mua Juda ja kèzala menha, mʼonzo ia Jihova mua kà di bhanga otho ia menha, a kungulukila mu dikôlo dia Xitime.

Jouele 3:20

Maji mu Juda-phe muà kala ni iá a tunga-mu ku mivu ni mivu, Jeluzaleme ue ua kà tungiua kutunda muiji kuiza muiji.

Ijila 26:5

O idima ioso i mu bhongolola, o ki mu zubha ku i vunda, muʼila muene o diê anga mu bhiẋila na-iu bhu tembu ia kubhongolola dingi o idima ia mukuá; O mbutu joso ji mu muna mu mábhia, ji bhiẋila muene bhu kudinji bhu tembu ia kukuna dingi o mbutu ja mukuá. O kúdia kuene, mua-nda kudia jinga, anga mu ikuta ni kúdia kua nzungule; mu tunga mu soma mʼoxi ienu.

Amoji 9:5

Kuma Jihova, Jihova dia Ilômbo Ieta, Muene ngó ua bhingi kuila se oxi u i tuta ngó, iene i sengumuka, o ene oso a tungu-mu a dila jingololo ja kalunga! O ixi iene-phe ienda ni kubanda kala kihonga kionéne kia mu di bhanga masenza, hé ia kà jikinina mukua ni ngiji ia Ijitu.

Nzuá 4:35

Enu ki muala kuila kuma: Idima kua i kambe ngó mbeji jiuana mu kúbhia? Talesenu, nga mi ambela: Bhetulenu mesu, mu tale kiambote mu mábhia, idima iabhi kiá, iala polondo phala ku i bhongolola!

Afundixi 5:5

Milundu ia botomoka bhu pholo ia Jihova, katé ni ua Sinai, kia mu tukulukila Jihova, Nzambi ia Izalaiele.