Amoji 9:11 - O Mikanda Ikola

¹¹ Mu kizuua kieneʼokio-phe, balaka ia Davidi ia dibhalele, nga kà imika dingi, mazungu mê nga kà a xita, jingundu jê nga kà ji balumuna dingi, nga kà i tunga kala mu izuua ia xahulu.

Amoji 9:11 ပူးပေါင်းရင်းမြစ်များ

Jobe 1:10

Manhi eie ku mu izalesa ni jimbote, ni muene ni dibhata diê dioso ni ioso iala na-iu? O kikalakalu kia maku mê eie ua ki zediuisa, o ibhaku iê ia sokoloka mu ngongo.

Jisálamu 143:5

Ngi lembalala o izuua ia xahulu, ngi xinganeka o ima i ua bhanga jinga; ngi banza o ufunu ua maku mé.

Jisálamu 80:12

Kiki-phe, Ngana, ua budila-hi o kikonzo kié, phala oso a bhita a kanzʼâ ngó?

Jisálamu 89:40

Imbaka iê ioso ua i bula-bula; o jimbonge je joso ua ji sengulula.

Izaía 16:5

Mbata kua-nda kukala kiandu kia henda kia difikidila, o ku thandu diê, mu balaka ia Davidi, kuene kua kà xikama muthu ufundisa mu kidi, u sota o mulonga kiambote, anga u sakalala mu ku lungisa.

Izaía 5:5

Ngi mʼijidise-phe kindala kioso ki nga kane kubhanga o díbhia diami dia muvide: Kikanzo kiê ngi ki muanga, nda di kale kiá dikêla dia ibhaku; o kipena kiê ngi ki lundumuna, nda a ki titidile.

Izaía 58:12

Oso a tokala ku mbutu ié, ene a kà tunga ididi ia budika mʼukulu; eie ua-nda kubhetula o madisesa ku muiji ni muiji; anga a kà ku luka exi, Mutungi-a-ibhela ia budika, kilolo kia ku jikula ikoka phala ixi ia kutunga ni kusoma.

Izaía 63:11

O ki eza-ku-phe, ua lembalala mu xáhúlu, kia kexe Mozé, ni mundu ué. Uixi-phe; O ki tualʼiki, iú kuebhi uoso ua zaukixile mu Kizanga kia Kalunga o mubidi ua kilunga kiê? O ua tele o Nzumbi iê Ikola muʼaxaxi kâ uala kuebhi?

Izaía 65:9

Nga ká sokolola mbutu mua Jakobo, o mua Juda nga kà tungula-mu mulundudi, muene u tambula konda ia milundu iami; jithungunu jami a kà lundula oxi, jiselevende jami muene mu a kà tunga.

Jelemiia 18:9

O bhu kithangana ue kioso ki ngi kanena muiji, mba utuminu, phala ku tunga ni ku soma;

Jelemiia 30:9

maji a kà bhikila Jihova, Nzambi iâ, ni Davidi, sobha iâ, nga-nda ku a balumuina-nê.

Jelemiia 46:26

Anga ngà ka a bhakula bhu lukuaku lua iá a bhindamena ku a jibha, bhu lukuaku lua Nabukodonozolo, sobha ia Babilonha, ni bhu lukuaku lua abhikʼê; maji hádia u tunga dingi kala mu izuua iê ia ukulu, Jihova ua ki tange.

Kuditenda 5:21

Tu vutule dingi kokué, u Jihova, nda etu tu tene o ku ku vutukila; tu tombuele dingi o izuatu ietu ku ubhe, kala ki tua kexe mu xiahulu.

Izekiiele 17:24

Kienhokio-phe o miẋi ioso ia tutu ia kà kʼijiia kuila, eme, ngi Jihova, o muẋi ua di-leka nga u buisa bhoxi, eme nga zangumuna o muẋi ua butu o kitala, o muẋi ua uisu nga u kukutisa eme nga buingitisa o muẋi ua kukuta, eme, ngi Jihova, nga ki tange, nga-nda ku ki bhanga muene.

Izekiiele 36:11

Hé nga kà sokolola athu ni ibhaku ku thandu dienu, ene hé a ka di sokolola ni ku di vualulula; anga ngi mi tungisa kala mʼukulu, anga ngi bhangesa dingi kuila o kikexilu kienu ki beta dingi o kukala kiambote, ku dimatekenu dienu ndenge; anga mu kʼijiia kuila eme-ʼeme ngi Jihova.

Hozeia 3:5

O ku hádia-phe anʼa Izalaiele hinu a kà vutuka dingi, anga a kà sota Jihova Nzambi iâ, ni Davidi, sobha iâ; anga ni kuteketa a kà sota ku xila jinga Jihova ni mbote iê, mu izuua i sukidilaku.

Obadiia 1:17

Maji-phe ku mulundu ua Ziione kua kala kubhanduluka; kuá kala kuiuka kuma mulundu ua kà kala mulundu ukôla; anʼa Jakobo a kà lundula mabhata mâ.

Mikeia 5:2

Eie Beleme dia Efrata, sumbala uala u kambonga muʼaxaxi ka jimidi ja Juda, maji mo-mué muene mua kà tunda u ngi kalela Ngana mu Izalaiele, uavu o matundilu mê ma kalelà-ku tunde mu xahulu, mu izuua ia kalelàku.

Mikeia 7:11

Dikumbi di dʼiza di nga kà tona kutunga dingi o imbaka iê, mu kizuuʼokio o ngonge ia kà kala hanji dikanga.

Mikeia 7:14

Ni dikoue dié, enda ni kuinga o muiji ué, mukonda kiene o kilunga kia undu-ndu ué, kia tunga kì kia kalé ngó ubheka uê mu ditutu, mu kaxi ka ixi ibhakula kiambote o idima; ua engila mu Basane ni mu Ngiliiade, phala a kà dile mueneʼomo kala mu izuua ia xahulu.

Mikeia 7:8

Eie kana kusanguluka, nguma iami, ki u mona nga di-bhale, kuma né nga di bhale, hádia ngi balumuka dingi. O kioso ki ngiza kitombe, Ngana ua kà kala mukengeji uami.

Zakadiia 12:7

Jihova ua kà dianga kubhulula o jibalaka ja Juda phala o fuma ia dibhata dia Davidi, ni fuma ia iá a tungu mu Jeluzaleme, ki ia ka zangalale ku thandu dia Juda.

Zakadiia 14:10

O ixi ioso ia kà kituka mukua ni kiphenza kia tundu mu Jeba katé ku Dimone ku mbandu ia Sulu ia Jeluzaleme; Jeluzaleme muene a kà mu zangeleka; ua kà tunga ua kà soma tunde bhu kididi kia dibhitu dia dianga katé bhu thungi; tundé bhu inzu ia matala ia Hananiiele katé ku makamenu-ma-vinhu ma sobha.

Zakadiia 6:12

Hé u mu tangela, uixi: Jihova dia Ilombo Ieta, mu kuzuela, uambe kiki: Talesa-ze, muthu iú ua bhingi kuila jina diê, Thangu Luobhe; muene ua kà sabhuka bhu kididi kiê, anga ua kà tunga o Tembulu ia Jihova.

Dialuilu 24:18

Idomo u di bhanga mbole iê, ni Siiele kiómuene, kua iá a mu kexile jinguma jê, kioso Izalaiele kia kà bhanga undanda.