Amoji 8:4 - O Mikanda Ikola

⁴ Kienhiki ivenu-kiu enu muala kuinda kujikinisa o phulungu, o jingadiama mu ngongo enu mu sota ku a bhanga phulu.

Amoji 8:4 ပူးပေါင်းရင်းမြစ်များ

I Jisobha 22:19

Bhenhobho Mika, uixi: Ivua-phe o kizuelu kia Ngana: Nga mono Jihova ua xikama bhu kiandu kiê, ni kifuẋi kioso kia diulu, kiemana bhu mbandu iê ku lukuaku luê lua kúdia ni ku lukuaku luê lua kiasu.

Jobe 24:4

Oso a bhindama a a jimbidisa o njila; o jingadiama jaʼxi kikale joso jiia ni ku di sueka.

Jisálamu 10:7

Mu kanu diê mua muizala ni jindaka, ni makutu ni kudimuka; o koxiʼa dimi diê kuezala mangonha ni kulokalala.

Jisálamu 12:5

Mukonda-phe dia ngadiama a mu tatesa, mukonda dia kukema kua phulungu a mu bondeleka, ngi balumuka kiá, eme Jihova; ngi mu bhaka bhua kondama a mu tobhesa kiki.

Jisálamu 14:4

Ene oso-ó a kalakala ituxi, kífua a lémbua kutongolola, abhingi a dia o mundu uami, kala muthu kia dia o mbolo, ene ka moneka ngó uoma ua Nzambi?

Jisálamu 140:12

Ngejiia kuma Jihova u fundila jinga ió uoso a mu tatesa, u tetuluila ió uoso ua bhindama.

Jisálamu 56:1

Ngi kuatele henda, Ngana Nzambi, kuma o muthu mu ngongo ua mesena ku ngi dia; kumbi dioso dia kambàmba iá bhânga mu ku ngi xinina bhoxi.

Jisabhu 30:14

Sai-ku muiji, ala ni maju mukua ni jixibhata, o jingandelu jâ kala jiphoko, phala kujikinisa o jiphulungu kulu dia mundu, ni akua-hadi a bhondalala kiá muʼaxaxi ka anʼathu.

Izaía 1:10

Enu muedi kala o ilôlo mu Sodoma, ivenu kizuelu kia Jihova; bhanenu mátui ku kitumu kia Nzambi ietu, enu muala kala o mundu ua Ngomola, tata!

Izaía 28:14

Kala kiki-phe, ivuenu kizuelu kia Jihova, enu mu akua kubhanga kasekelelu, mu jinganga ja kutumina o mundu iú uene mu Jeluzaleme.

Jelemiia 28:15

Jelemiia dia polofeta, anga uambela Hananiia dia polofeta, uexi: Kindala ívua, hanji, Hananiia: Jihova ki muene ua ku tumu, maji eie ua bhangesa kuila kifuxi kiki ki dielela ku makutu.

Jelemiia 5:21

Kindala ivenu-kiu-ze, enu mu mundu ua tekuka, mua kamba o muẋima, muedi mesu muala-nâ, maji mu tokoka o kumona, o matui mualanâ, maji mu tokoka o kuívua.

Izekiiele 22:12

Mu kaxi kê eie a tambuila-mu ue ni nduta ia kuzunza o manhinga; dikongo ua di vualesa ni kuvudisa o kitadi ku uenji, iene o ima i ua tambula, eie uemina mukuenu ni ku mu tatesa; maji eme ua ngi jimbi, eme ngi Jihova.

Izekiiele 45:10

Mu kala ni dipezalelu dia kidi, ni efa ia kidi, ni batu ia kidi.

Amoji 5:11

Kala kiki, mukonda dia kuila ngadiama mu mu diota kinama, anga mu mu jijidika ku futa lubhaku lua tiliku, mua kà tunga jinzu ja matadi osete maji ki mua kà kalamu; mua kà phapha mábhia ambote a mivide, maji vinhu iê ki mua kà i nua.

Amoji 5:12

Mukonda eme nga kʼijiia muene kuila itondalu ienu ia ndumba, ituxi ia mi kala jinzungule; muthu ua iuka, enu mu mu tatesa; ku milonga, mu tambula nduta; a bhindama kia kuendela, eie ua a jikila dibhitu mu pholo.

Amoji 7:16

Kiki-phe, ivua kizuelu kia Jihova: Eie uixi: Izalaiele kana ku mu zambuila kiaiibha, kana ue kubazela o dibhata dia Izake.

Mikeia 2:2

Mikáu iangene ia a kuata luimbi, a i bhûnda muene ku jingana jê, ni jinzu anga a ji tambula muene phala ene; anga ela o diiala a mu bhanga kusuína ku inzu ié ia muambeʼa kidi, o muthu a mu bhanga usuéia ku undundu uê.

Mikeia 3:3

Anga o xitu iâ mu i dia, kikonda kiâ mu ki kalumuna, ifuba iâ mu i bula mu ibhasu-ibhasu, anga mu a uanauana ku jithumba-jithumba, kala kia bhanga xitu ia kulamba mu ímbia ia dikota.

Zakadiia 5:6

Eme, ngixi: Kima kiahi kienʼiki? Kuala muene uixi: Iii efa iala mu ku tunda. Uixi dingi: Kiki kiene o kidifua kiâ, mu ngongo ioso.

Matesu 23:13

Enu-phe lamba dienu, mu akua kulonga kitumu ni enu mu jifalizeu, mu akua mangonha! Mukonda ku Utuminu ua diulu mua jika-ku ku pholo ia athu, enʼ uenu kubokona nguenu; ni iá andekene kubokona, ki mu a ehela. [

Tiiaku 5:6

Athu ka moneka kikuma enu mu a êlesa hé mu a jibha, sumbala ene ka tena ku mi bhanga kima kioso-kioso kiaiibha.