Amoji 8:3 - O Mikanda Ikola

³ Maji-phe o mimbu ia Tembulu mu kizuʼokio ia kà di bhanga jingololo. Jihova Nzambi ua ki tange; o imbi ia kà vula; ku jimbandu mu ididi ioso a kà texila-mu imbi ia athu mu kasuèkele. Anga mʼoxi ioso muila ni muene hudí!

Amoji 8:3 ပူးပေါင်းရင်းမြစ်များ

Jisálamu 39:9

Ngedi nʼemuene húdi, ki ngi zuela kima; kanu diami nga di jika mukonda eie ua ki bhange.

Izaía 37:36

Bhenhobho anju ia Jihova ua tundu, iu ua nemeka mu kilômbo kia Asídia, hama ni makuinhi-nake a jimidi ni midi jitanu ja makuenze; o kuila muene a balumuka mu kimenemene, talesa, iimbi mu iimbi kiá!

Jelemiia 22:18

Kienhiki Jihova uambe kiki kua Nzuakí monʼa Joziia sobha ia Juda, uixi: Ka-nda ku mu dila, ni kuila: Uaué phange iami ia diialʼé! mba Uaué, phange iami ia muhatuʼé! Né-mbe bhu kala ngó Uaué muenexiʼé! Mba Uaué kutendiʼé!

Kuditenda 2:10

O ikulakaji ia monʼa kilumba Ziione a xikama ni ene mu mavu, exi ngó muene hudí; a di kuua fufuta ku mitue, a zuata idinhaji; o ilumba ia Jeluzaleme, azenzamena mítue bhoxi katé mu mavu.

Jouele 1:11

Ni idimakaji sonhi ja a kuata, akua mivide a di kumuna, kingumba tiliku ni sevada; mbata ima ioso ia kingile ku muna mu mábhia, ia di boto.

Jouele 1:13

Enu mu jinganga di kutienu bhu inhonga, mu te jingololo; di kumunienu, enu mu akunji a kalatódio, bokonenu, bhitenu enu mu akunji a Nzambi iami, o usuku uoso mu zuata kidinhaji; kuma o mibhaku ia makúdia ni ia makúnua a i batula mʼonzo ia Jihova Nzambi ienu.

Jouele 1:5

Tonenu, enu mu jihôlua, mu dile; kemenu, enuʼoso mu akua kúnua vinhu, mukonda dia vinhu ia uisu; kuma vinhu mu kanu dienu a i katula-mu.

Ijila 10:3

Mozé anga uambela Alá, uixi: Kiki kiene kia tange Jihovaʼiki, kuila: kuzela kuami nga-nda ku ku londekeza ku ió oso a ngi zukama anga bhu pholo ia mundu uoso ngi kala ni kijingo. Maji Alá-phe ua di xibhʼê.

Amoji 4:10

Nga mi tumikisa dibhebhu dia kipheku mukuâ ni mu Ijitu; minzangala ienu ia mala nga a jibha ku mazu a xibhata; o jikabalu jenu nga jʼehela o ku ji kuta ni ku ji bhûnda ia aii na-ju; o dizumba dia kibuzu kia ifuẋi ienu nga di tukumuna muene ni ku mazulu enu tute; maji Jihova uixi: Né kieneʼokio ue, enu mua lémbua kudiela ni mu bhiluke kokuami.

Amoji 5:16

Uila kiki, Jihova, Nzambi ia Ilômbo Ieta, o Ngana, uambe kiki: Mu jinzunga joso mua kà kala jingololo, ni mu jisengu joso a kèla Aiué, tatʼé! Aiué, tatʼé! Ni kidimakaji a kà mu ixana ue phala kudila jingololo! Akua kudila lujiji, ejiia kusânga, a kà exana mu kudila.

Amoji 5:23

Mitendu ia kuimba kuenu, ndénu na-iu dikanga; kuma o ima ienu ia kuxika, ki ngandala ku ivua ngó o mbimbi iê.

Amoji 6:4

Mu zeka bhu jihama ja mazu a nzamba, anga mu tandelela muene bhu hama jenu; tumbudi tua beta kuiuka mu kilunga, tuene tu mu dia kumoxi ni tuana tua jingombe tua uabha mu kaxi ka kibhanga.

Amoji 6:5

Mu kala mu kukina, o kia xika kakoxi enu muimba; mu di iudikila ima ia kuxikila mimbu kala Davidi;

Amoji 6:8

O Jihova, Nzambi, ua di lokela muene ku muenhu uê, o Ngana, Nzambi ia Ilômbo Ieta, uambe kuila: Kudizangeleka kua Jakobo kua ngi kala kima kia kisunji, o mazemba ma jinzu jâ ja matala, nga di zemba na-ju muene; kienhiki, ni mbonge ni ioso ialamu, nga-nda ku i bhakula muene.

Amoji 8:10

O jifesa jenu nga kà ji kitula jithambi ja kuteka ndômbe; o mimbu ienu ioso ia kà kituka jingololo. Bhua kàla ku di kuta jisaku bhu inhonga ioso, o mu mítue ioso mua kàla mabhaia kala mua bhiti phoko ia bhutu. Nga kà bhangesa kuila ima iii lamba diê dila kala thambi ia mona umoxièlele a mu vuala ngûmba; zubhilu diê mukua ni kizuua kia kubhondalala.

Nahumu 3:3

O ió a mondala ku jikabalu a fuomona xibhata jâ jilekujuka kala túbhia, ni ngumba jâ ji kala mu kuila banhi-banhi; kua kà kala muene athu avulu òkuame ni mundu uavulu a fuila bhobho, o imbi ki i xikina ku i tanga o konda iâ, athu anga a kà kala mu di bhukajana ku imbi iâ.

Sofoniia 1:7

Eie-phe ximbakata bhu pholo ia Jihova Nzambi ié, kuma kizuua kia Jihova kia zukama. Mukonda Jihova ua iudika kiá o sata iê, iú ua zelesa asonhi oso a exana kuala muene.