Amoji 8:2 - O Mikanda Ikola

² Uixi-phe: Eie, Amoji, ihi i ua-lu mona? Eme ngixi: Kinda kia ibundu iabhi ia kixibhu. Bheneʼobho Jihova ua ngʼambela, uixi: Dizubhilu-phe dia Kifuẋi kiami kia Izalaiele, dia bhiẋila! Tundé kiá lelu ni ku pholo dia kuia, ki nga-nda ku a kuatela dingi henda mu kithangana kia dikota.

Amoji 8:2 ပူးပေါင်းရင်းမြစ်များ

Dimatekenu 6:13

Nzambi anga u ambela Noué, uixi: Dizubhilu dieza dia xitu ioso; kia ngi tetulukila muene; kuma ixi ioso iezala usuéia mukonda dia athu; ijiia na-kiu kuma nga-nda ku a buidisa kumoxi ni ixi ioso.

Izaía 28:4

O kitulu kia lalumuka ku makembu mâ ma fuma, kiala ku sungu ia dikôlo di bhana idima, kia kà kala mukuâ ni kibundu kia mufiku, kia mutômo, kioso o kixibhu kiluua ngó ki bhixila, uoso u ki mona, uila u ki kuata ngó bhu lukuaku, u ki minha lusolo.

Jelemiia 40:10

Eme-phe nga tungu bhenhabha bhu Mixpa, nda ngi di lunge ni akua Kaldeia oso eza kokuetu; enu-phe endenu ni kubhongolola o vinhu, ni ibundu ia musonoko ua mvula, ni maji, mu i te mu itabhu ienu, nda mu tunge mu jimbonge joso ji mua bhundu.

Jelemiia 5:31

O Misesedi a tanga ima ia makutu, o jinganga a tumina ku maku mâ-ene; o mundu uami uene, kiene ue kia a uabhela; o ku kia kà suka mua-nda kubhanga kiebhi?

Kuditenda 4:18

O ki tua zangula jinga díkanda dia kuenda, akala mu ku tu tola, o kuenda mu jiluua jetu-phe kia tu bhonzele: Tuexi-phe: Lamba dietu dia tuiza, izuua ietu ieza-bhu; xi, kuma disukilu dietu dia bhixila.

Izekiiele 12:23

Eie-phe ambela-u kiki: O Jihova Nzambi uambe kiki: O iseièngele iii nga-nda ku i bhuisa-ku, ki i kala dingi Sabhu mua Izalaiele; inda ambela-u kuma: O izuua ia bhixila kumoxi ni izuelu ia isukila ioso.

Izekiiele 29:8

Kala kiki, o Jihova Nzambi uambe, uixi: Tala, eme nga-nda kubheka xibhata ku thandu dié, anga momuʼé ngi muangununa-mu o muthu ni kiama.

Izekiiele 3:10

Iú ua ngʼambela dingi, uixi: Eie monʼa muthu, tá mu thulu ié o maka mami oso u nga-nda ku ku tangela, ívua na-u muene ni mátui mé.

Izekiiele 3:7

Maji o dibhata dia Izalaiele, ki dia-nda kuinda ku ku bhana mátui, mukonda ene ngua-uâ ku bhana matui kokuamiʼeme; mbata o dibhata dioso dia Izalaiele diène ni pholo ia huku ni muẋima ua kolokota.

Izekiiele 7:6

O dizubhilu dí-diza, dí-diza o dizubhilu, dia ku balumukina eie muene, tala, dídiza.

Izekiiele 8:12

Kieneʼokio anga u ngʼambela, uixi: Eie monʼa muthu, ua mono adiakime, o ikulakaji ia dibhata dia Izalaiele, kia muia ni kubhangela mua vundu, muthu ni muthu mu xilu diê muʼòsete ni iteka? Mbata ene amba, exi: Ngana ka tu mono. O Ngana muene ue ixi ua i ehelela!

Izekiiele 8:17

Bhenhobho u ngʼambela, uixi: Ua mono, eie monʼa muthu? Manhi kuala dingi kima kia mukuá kia beta ku uôua mu dibhata dia Juda, o isunji iii iaiibha ia mu bhanga bhabha hé i kala ndenge? Kia zubha kuizalesa o ngongo ni kusuina, hanji a kuata ku ngi lokalala? Tala, iá bhiẋidisa muene o luthangu ku dizulu diâ.

Izekiiele 8:6

Anga u ngʼambela, uixi: Monʼa muthu, eie u monʼô, kia mu kuenda iá ni kubhanga? O maufusa a isunji ia makota ala mu kuenda ni kubhanga o dibhata dia Izalaiele bhabha, phala eme ngi sanduke ku dibhezelu diami dikola? Maji ua-nda kumona hanji maufusa ma tundu!

Hozeia 9:7

Kuma izuua ia ku a zungila ia bhiẋila, izuua ia kuvutula phonzo ieza-bhu; o Izalaiele ua-nda ku di muena-kiu hé u kʼijiia, kuila o polofeta iê ua di bhange kiôua, o mukua kuzambula u xingila makutu; mukonda ua di vudisila o ikuma iê, kiene uê kia kà mu vudixila o luma.

Amoji 7:8

Jihova anga u ngʼibhula, uixi: Eie, Amoji, ihi i uala ku mona? Eme ngixi: Pulumu. Jihova phe uixi: Mu kaxi ka kifuẋi kiami kia Izalaiele nga-nda ku-ta-mu pulumu, kuma ki ngi bhiti-mu dingi, lémbue.

Amoji 8:1

Jihova, Nzambi, ua ngi muesa kiki: Nga mono kinda kia ibundu iabhi ia kixibhu.

Mikeia 7:1

Kokolo diami! Kuma ngedi kala kiene mu kukanza o ibundu bhu thembu ia ku muna, ngedi kala ibundu bhu kixibhu iaxala mu a kanze kiá! Ni kisaka kia ji-uva ngó phala kúdia ki ki moneka dingi, mba tufiku ngó tua xalela, tuene kuinda o muenhu uami.

Zakadiia 5:2

Anju anga u ngʼibhula, uixi: Ua mu talaʼhi? Eme ngixi: Nga mu tala hata ia mu bhita bhulu, iala ni makuinhi a iadi a kóvadu mu kulebha ni kuinhi dia kóvadu mu kuzanza.