Amoji 8:14 - O Mikanda Ikola

¹⁴ Oso akua kulokela ku Dihamba dia Samádia, ni kuila: Kidi muene, mukua ni kiene kulaia o nzambi ié, eie Dane! mba ela: Kidi muene-ze, mukua ni kiene kulaiela kua ió uene ku ku kondeka, eie Bele-Seba. A kala kiki, a kà dibhala anga a xalela, ka kà tena dingi kubalumuka.

Amoji 8:14 ပူးပေါင်းရင်းမြစ်များ

I Jisobha 12:32

Anga Jelobouamu, u bhanga fesa bhu mbeji ia kanake, mu kizuua kia kuinhi ni kitanu ku mbeji, mukua ni fesa ia kexi mu bhanga mu Juda, anga u satela ue ku kalatódio; hé u bhanga ue kiòmuene mu Betele, ni kubhakuila jisata ku jingombe ja bhangele. O mu Betele ue ku ididi ia matala a di leka ia bhangele, ua te-ku ue jinganga.

I Jisobha 14:16

O Ngana anga ua kʼèhelela Izalaiele mukonda dia ituxi ia Jelobouamu ua te o kituxi kiê, iu ua tesa ue kituxi kua Izalaiele.

I Jisobha 16:24

Anga u sumba o mulundu ua Samádia kua Semele, mu talendu jiiadi ja phalata; anga u tunga dibhata ku mulundu, o sanzala ia tungile ku mulundu ua sumbu kua Semele, u i luka dijina dia Samádia, kifua ua luku Semele ngana ia mulundu ua Samádia.

II Jisobha 10:29

Maji-phe, o Jehu muene ka batuka mu ku kaiela o ituxi ia Jelobouamu, monʼa Nebate, ua bhangesele Izalaiele ku ta ituxi, iene-phe ia tungombe tua ulu tua kexila mu Betele ni mu Dane.

II Malunda 36:16

Maji ene-phe, o jiphunga ja Nzambi a ji bhange kasekelu, a kambe kusuua o maka mê, o jipolofeta jê aia ni ku ji sebulula, katé o njinda ia Jihova ki ia bande kinéne ku mundu uê, ni milôngo dingi ia kubhanga ki i moneka.

Jisálamu 140:10

A kuuile makala ma uama ku thandu diâ; a a vubule muene mu túbhia; a fue mu madiela ma zongo, phala ka tene dingi kutunda-mu.

Jisálamu 36:12

Akua kubhanga a phulu iá a zeka ianhá; a a te bhoxi ka tena dingi kubalumuka-bhu.

Jisabhu 24:16

Kuma o muthu ua iuka, né ua di bhale lusambuadi, ubalumuka; maji athu abhumu-phe, à ka jikinina mu kibuika.

Jisabhu 29:1

O muthu uila: Lelu a mu bazela, mungu, a mu bazela, sè kueha o njila iê, maji u kolesa o muẋma uê, hinu u tukumuka a mu jimi o mbutu, sè ngó bhua bhulakela.

Izaía 24:20

Oxi ia kà bhendujuka muene kala hôlua, itunguta, itona, kala kitelembe a ki nhikisa mʼusuku; mulonga uê a kà u xina ku thandu diê; anga idibhala; o ki iia kiá bhoxi, ki ia kà bhetuka dingi.

Izaía 43:17

Muene ua bhiẋika dikalu ni kabalu, ua bhiẋika o kifuxi kia ita ni ukuenze ua kúlua; uambe kiki: ene-oso a buila bhuamoxi, ki mungu dingi a kà balumuka; a a jimi muene; mukua ni muanga kiene ue kia a jimi.

Jelemiia 25:27

Mbata eie ua kà a tangela, kuila: Kienhiki kiambe Jihova dia Ifuẋi, Nzambi ia Izalaiele: Nuenu, mu kodiue, mu di lusile, mu dibhale bhoxi, mu lémbue ku balumuka-bhu, mukonda dia xibhata i nga-nda ku mi tumikisa eme.

Jelemiia 51:64

hé uà kʼèla uixi: Kienhiki ue kia kà njoboka Babilonha, o kubalumuka ua kà ku lémbua, mukonda dia usuéia u nga-nda ku mu bhekela ku thandu diê. Akua Babilonha a kà lémbua muene. Bheneʼabha bhua suku o maka a Jelemiia.

Hozeia 10:5

Akua bhata mu Samádia a-nda kuteketa mukonda dia kiteka kiâ kia kangombe ka Bete-Avene; o mundu uê ua kà ta jingololo mukonda diê, o kibuka kia jinganga ja iteka iâ a kà teketa mukonda dia matunda mâ ma di boto.

Hozeia 13:16

O Samádia kuêla kua kikuma kiê ua kʼenda na-ku, kuma ua kà senguluka, mukonda ua kitukila Nzambi iê; anʼê a ka a sasujula mbata a kà di bhala ku xibhata, o mavumu ma akajiʼâ oso emita, hinu a kà a tandula muene muaʼaxaxe.

Hozeia 13:2

O kiki-phe ituxi ia mu di vuala dingi, a nomona ku phalata iâ anga a di bhangela kiteka kia kuzunza, a di bhangela muene iteka ia solo ku miẋima iâ, iene ioso-phe ima iòkalakale ku maku ma jihete ja ufunu, anga aia ni kuila: Enu mu athu satelenu ku jinzambi jiji, bhanenu jibeju ku tungombe tutu.

Hozeia 4:15

Eie-phe, Izalaiele, se ua solo o kudikasanesa, Juda-phe kana ku mu ta mu kituxi kié; kana kuiza bhu Jidingale, ki mu bande ue ku Bete-Avene, ki mu loke kuamba: Ni Jihova muenhú!

Amoji 5:1

Ivenu maka iá, mbimbi iami ngi i zangumuna mu ku mi dila enu, mu dibhata dia Izalaiele.

Amoji 5:2

Kilumba kia muzeletete mu Izalaiele ua di bhale, ka-nda kutena dingi ku balumuka! Ua zeka muene ku thandu a mavu, a mu ehelela, ki bhuala muthu u mu balumuna!

Amoji 5:5

Maji ki mu sote ku Betele, mba muiza bhu Jidingale, ki muie ue ku Beleseba, mukonda, o ku tanga kidi, Jidingale a-nda ku mu ambata ku ubhika, o Betele a-nda ku mu sengulula u xala kilombo ngundu.

Mikeia 1:5

Ioso iii ia kà bhita mukonda dia kubaluka kua Jakobo, ni ituxi ia dibhata dia Izalaiele. Jakobo-phe kutondala kuê kuahi? Ki muene Samádia? O Juda ididi iê ia dileka iebhi? Ki muene Jeluzaleme?

Sofoniia 1:5

ni iá a mu sambela mù bheza ifuẋi ia diulu ku thandu dia jinzu jâ; ni iá a fukama mu kubheza Nzambi, anga a lokela kua Ngana ni kua Mala-kane;

Jipoxolo 18:25

Muene ua di longo kiá kiavulu o Njila ia Ngana, mu kuzuela u fulujuka mu nzumbi, anga u tanga, u longa ni uhete o imbamba ia Jezú, maji uejiia ngó o batizu ia Nzuá.

Jipoxolo 19:23

Kithangana kieniokio-phe mu mbonge ia Efezo kavanza ka bhitile-mu, mukonda dia Njila ia Ngana, ki katolo.

Jipoxolo 19:9

Maji amoxi-mu-phe a kola muẋima ni kuxibhaka, o Njila ia Ngana a kala mu ku i tobhesa bhu pholo ia mundu. Phaulu-phe ua di batuka-nâ, anga u di kalela, hé uambata kumoxi-nê o jixibulu jala jikidistá. Anga izuua ioso u kala mu jingununa o Maka mu xikola ia Tilanu.

Jipoxolo 24:14

Maji ngi fisala kima kimoxi kokué, ngana: Eme nga mu kaiela o Njila ioio ia mu kuixana ene o Jijudé exi ia makutu; maji phala eme-phe, uene o uendelu u nga fuama kubhikila na-u Nzambi ia jitata jetu. O ima ioso iosoneke mu Kitumu kia Mozé, ni mu madivulu ma jipolofeta, eme nga i xikana.

Jipoxolo 9:2

u mu bhinga mikanda ia kuia na-iu ku malombe mua mu sambela o Jijudé mu Damásku, phala ni mikanda iii, ki a sanga-ku athu a tokala ku uendelu iú, mba mala mba ahatu, u a bheka mu Jeluzaleme ku mikilo.

Matendelelu 33:11

Uzonda ué mu tele-u dibesá, Jihova tata! Xikina o kikalakalu kia maku mê; a kuame mu malombo oso a mu kanena muene, ni ió oso a mu zemba, phala nuka dingi a balumuka.

Matendelelu 9:21

Nga zangula o kikalakalu kia kituxi kienu, o kangombe ku mua iudikile, nga ka jikatesa mu túbhia, nga ka tuzala katé ki ka kituka fufuta; o fufuta iê eme nga i texe mu kahonga ka tundu ku mulundu.