Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Amoji 7:9 - O Mikanda Ikola

9 O matala-phe a Izake a kà a sengulula, ni ididi ikôla mua Izalaiele a kà i sengulula-mu; anga nga kà zangumuka ni xibhata mu ku zoka ni dibhata dia Jelubouamu.

အခန်းကိုကြည့်ပါ။ ကော်ပီ




Amoji 7:9
16 ပူးပေါင်းရင်းမြစ်များ  

Izalaiele anga u katuka ni ioso iala na-iu, uiza u tula bhu Beleseba, u satela-bhu Nzambi ia tatʼâ Izake;


Anga uenda ni kubhanga ima ia ibhila Jihova ku mesu mê; ua tokoka o ku di batuka ni ituxi ioso ia Jelobouamu, monʼa Nebate, ua bhangesele Izalaiele o ku ta ituxi; ku iosololo né kimoxi ngó ua lémbua o ku di batuka na-kiu.


O povo ié iangene, o undundu ué a u vuile ngó kathangana kôfele; jinguma jetu a titidila kididi kia dibhezelu dié.


Mua kà kiʼamba, kuila: Sonhi ja tu kuata muene mukonda tua sebuluka; pholo ia tuʼizala jisonhi, mbata kueza akua jixi jengi mu mabhezelu a kola a inzu ia Jihova.


Ua kà tanga kiki: Enu mu milundu ia Izalaiele, ivuenu o maka ma Jihova Nzambi: O Jihova Nzambi uambe kiki, ku milundu ia Izalaiele, ni ku tumilundu tuofele, ni ku jihonga ni ku makôlo, uixi: Tala, kuma eme, èué eme-mueène, nga-ndu bheka xibhata ku thandu dienu anga ngi sengulula o ididi ienu ia dileka matala.


O matala ma Avene, a-nda ku a sengulula mukonda kiene o kituxi kia Izalaiele; o ku thandu dia jikalatódio jê kua-nda kusabhuka minha ni hokokoso; ene à kʼambela o milundu, exi: Tu vunginienu! O tumilundu tuofele a kà tu ambela, exi: Lundumukinenu kuthandu dietu!


Kizuua ki nga kà tata phonzo ia kutondala kua Izalaiele ku thandu diê, nga kà vutula ue phonzo ia jikalatódio mu Betele; jimbinga ja kalatódio a kà ji batula, ja kà sonoka bhoxi.


Maji ki mu sote ku Betele, mba muiza bhu Jidingale, ki muie ue ku Beleseba, mukonda, o ku tanga kidi, Jidingale a-nda ku mu ambata ku ubhika, o Betele a-nda ku mu sengulula u xala kilombo ngundu.


Mukonda Amoji uambe kiki: Jelubouamu ua-nda kúfua ku xibhata; ni kidi muene, Izalaiele anda ku mu tubhula mʼoxi iê phala ku mu bheka ku ubhika.


Maji-phe, tundé lelu ni ku pholo dia kuia, mu Betele kuzambuile-mu dingi ni upolofeta, mbata kiene o kididi kikôla kia sobha, diene o dibhata dia ungana ua usobha.


Oso akua kulokela ku Dihamba dia Samádia, ni kuila: Kidi muene, mukua ni kiene kulaia o nzambi ié, eie Dane! mba ela: Kidi muene-ze, mukua ni kiene kulaiela kua ió uene ku ku kondeka, eie Bele-Seba. A kala kiki, a kà dibhala anga a xalela, ka kà tena dingi kubalumuka.


Jihova nga mu mono, uemana ku thanduʼa Kalatódio, iu ua ngi tangela, uixi: Mútue ua philadi bukulau, ifikidilu ia mabhitu i tekete, phala ima ioso bhulu diaʼnzu i lundumukine bhu thala ia mítue iâ ene oso! Oso a subhuka-ku Eme ue nga-nda ku a jibha ni xibhata katé ku kasule kâ. Mu kaxi kâ se mu kala muthu ulenga, ka kà subhuka, né mu kala iú u subhuka, ka kà tena kubhuluka.


Ioso iii ia kà bhita mukonda dia kubaluka kua Jakobo, ni ituxi ia dibhata dia Izalaiele. Jakobo-phe kutondala kuê kuahi? Ki muene Samádia? O Juda ididi iê ia dileka iebhi? Ki muene Jeluzaleme?


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ