Amoji 7:8 - O Mikanda Ikola

⁸ Jihova anga u ngʼibhula, uixi: Eie, Amoji, ihi i uala ku mona? Eme ngixi: Pulumu. Jihova phe uixi: Mu kaxi ka kifuẋi kiami kia Izalaiele nga-nda ku-ta-mu pulumu, kuma ki ngi bhiti-mu dingi, lémbue.

Amoji 7:8 ပူးပေါင်းရင်းမြစ်များ

II Jisobha 21:13

O ku thandu dia Jeluzaleme ngi tandeleka-ku ka mukolo ka Samádia ni pulumu ia dibhata dia Akabe; o Jeluzaleme ngi mu kondona kala muthu kia kondona ima ia bolo bhu lubaki, u i kondona hé uiboleka bhu pholo iê.

Izaía 28:17

Ubatuilu ngi u ta mu dinha, o kulûnga ngi ku zonga ni pulumu, anga bhuà kala mvula ia matadi ia kà kungulula o dilengelu dia makutu, o menha anga a kà bobesa o disuamenu diâ.

Izaía 34:11

Maji ni kikulungu ni káhombo a ʼivua, ni kinzunzu ni kilombe-lombe muene mua kà tunga: Kuma Nzambi ua kà ta-mu ngoji ia kavuanza ku thandu diê, ni nívele ia kingoho ni kusenguluka.

Jelemiia 15:6

Jihova uambe, eie ua ngi-xi, ua vutuka ku dima; kiene ki nga-nda kusununuina o lukuaku luami ku thandu dié hé ngi ku jikinisa; o kudielesa ue kua ngi kumu kiá.

Kuditenda 2:8

Jihova ua kanene kusengulula o kimbaka kia monʼa kilumba kia Ziione; uatandeleka ngoji, lukuaku luê lua jijila muene o kusengulula; ni kimbaka ni lumbu ua a tungutisa, ia a sekalela bhuamoxi.

Hozeia 1:6

Anga muhatu u imita luamukuá, hé u bhanduluka monʼa muhatu. Nzambi anga u ambela Hozeia, uixi: Mu luke dijina dia Lo-Luhama; kuma o diembu dia Izalaiele ki ngi tona dingi ku di kuatela henda, ni kukuata kuia ni ku a loloka; maji iene ioso nga kà a katula na-iu.

Amoji 7:7

Jihova ue ua ngʼidikiza dingi kiki: Talesa, Jihova ua kexile ku thanduʼa kimbaka kiemana nzanza, a kimika ni mukolo ua mutungi-a-nzu, uexana pulumu; o muene ue ua kuata pulumu bhu lukuaku luê.

Amoji 8:2

Uixi-phe: Eie, Amoji, ihi i ua-lu mona? Eme ngixi: Kinda kia ibundu iabhi ia kixibhu. Bheneʼobho Jihova ua ngʼambela, uixi: Dizubhilu-phe dia Kifuẋi kiami kia Izalaiele, dia bhiẋila! Tundé kiá lelu ni ku pholo dia kuia, ki nga-nda ku a kuatela dingi henda mu kithangana kia dikota.

Mikeia 7:18

Nzambi, nanhi muene u soka nʼeie, eie u loloka o ituxi anga o kubhukumuka kua mbandu ia iá a subhuka ku undundu ué u ku jimba kiá? Ngana kene kuila o njinda iê u i bhaka katé ku hádia ni hádia, mukonda muene kia mu uabhela kiavulu, o ku kuatela henda.

Zakadiia 4:10

Mukonda, nahi muene u sebulula o kizuua kia dimatekenu dia tuma tua tolo. Mbata enʼió a kà sanguluka mu ku mona o pulumu bhu lukuaku lua Zolobabele; o sambuadi dia mesu diodio, diene o sambuadi dia mesu a Jihova ene mu ku tonginina mu ngongo ioso.

Zakadiia 4:2

Anga u ngʼibhula, uixi: Ua mu monʼhi? Eme-phe nga mu vutuila, ngixi: Nga mu tala, eme nga mono Tudilu dia tundeia, dia ulu uoso, ni thenda ia maji bhu thandu diê, ni sambuadi diê dia tundeia. Kandeia ni Kandeia ka tudika ku thandu diê, kala ni sambuadi dia jimbungu.

Zakadiia 5:2

Anju anga u ngʼibhula, uixi: Ua mu talaʼhi? Eme ngixi: Nga mu tala hata ia mu bhita bhulu, iala ni makuinhi a iadi a kóvadu mu kulebha ni kuinhi dia kóvadu mu kuzanza.