Amoji 7:7 - O Mikanda Ikola

⁷ Jihova ue ua ngʼidikiza dingi kiki: Talesa, Jihova ua kexile ku thanduʼa kimbaka kiemana nzanza, a kimika ni mukolo ua mutungi-a-nzu, uexana pulumu; o muene ue ua kuata pulumu bhu lukuaku luê.

Amoji 7:7 ပူးပေါင်းရင်းမြစ်များ

Dimatekenu 28:13

o bhu zoko-zoko diê anga u mona Jihova uala-bhu, uixi; Eme ngi Jihova, ngi Nzambi ia tatʼenu Mbalahamu, ngi Nzambi ia Izake; oxi iene i ua zekʼiii, hinu ngi ku bhana-iu, ni eie ni mbutu ié;

II Samuuele 8:2

Anga u beta akua Mouabhe ni ku a zonga ni mukolo; u a zekesa bhoxi, anga u zonga mikolo iiadi ia ku jibha, mukolo umoxi ua ku a xisa ni muenhu. Akua Mouabhe anga a kala mu bhikila Davidi, enda ni ku mu bhakuila madijimu.

II Jisobha 21:13

O ku thandu dia Jeluzaleme ngi tandeleka-ku ka mukolo ka Samádia ni pulumu ia dibhata dia Akabe; o Jeluzaleme ngi mu kondona kala muthu kia kondona ima ia bolo bhu lubaki, u i kondona hé uiboleka bhu pholo iê.

Izaía 28:17

Ubatuilu ngi u ta mu dinha, o kulûnga ngi ku zonga ni pulumu, anga bhuà kala mvula ia matadi ia kà kungulula o dilengelu dia makutu, o menha anga a kà bobesa o disuamenu diâ.

Izaía 34:11

Maji ni kikulungu ni káhombo a ʼivua, ni kinzunzu ni kilombe-lombe muene mua kà tunga: Kuma Nzambi ua kà ta-mu ngoji ia kavuanza ku thandu diê, ni nívele ia kingoho ni kusenguluka.

Kuditenda 2:8

Jihova ua kanene kusengulula o kimbaka kia monʼa kilumba kia Ziione; uatandeleka ngoji, lukuaku luê lua jijila muene o kusengulula; ni kimbaka ni lumbu ua a tungutisa, ia a sekalela bhuamoxi.

Izekiiele 40:3

O kia ngi bheka muenhomo, tala, nga mono muthu o kidifua kiê ua di fu ni Kobidi, ua kuata ka mukolo ka linhu bhu maku ni lumbungu lua kuzongela, iú uemana bhu muelu.

Amoji 7:6

Jihova anga u ki diela ue kienhiki. Jihova Nzambi anga u zuela uixi: Kiki ue ki kia-nda kubhita.

Amoji 7:8

Jihova anga u ngʼibhula, uixi: Eie, Amoji, ihi i uala ku mona? Eme ngixi: Pulumu. Jihova phe uixi: Mu kaxi ka kifuẋi kiami kia Izalaiele nga-nda ku-ta-mu pulumu, kuma ki ngi bhiti-mu dingi, lémbue.

Zakadiia 4:10

Mukonda, nahi muene u sebulula o kizuua kia dimatekenu dia tuma tua tolo. Mbata enʼió a kà sanguluka mu ku mona o pulumu bhu lukuaku lua Zolobabele; o sambuadi dia mesu diodio, diene o sambuadi dia mesu a Jihova ene mu ku tonginina mu ngongo ioso.

Dijingunuinu 11:1

Anga a ngi bhana lumbungu lua kuzongela, luedi kala mbangala. Sai-ku ua ngʼambela, uixi: Balumuka, u zonge Tembulu ia Nzambi, ni kalatódio, ni oso a mu bhezela momo.

Dijingunuinu 21:15

Anju muène ua ngi zulesa, u kala ni lumbungu luê lua midila lua ulu, lua kuzonga na-iu o mbanza, ni mielu iê, ni kimbaka kiê.