Amoji 7:17 - O Mikanda Ikola

¹⁷ Mukonda dia kienhiki Jihova uambe kiki: Muhatuʼé ua kà kituka kidianzunga mu mbonge; anʼé a mala ni anʼé a ahetu, a kà di bhala ku xibhata; o ixi ié a kà i uana-uana ni mukolo, eie-muène ua kà fuila mʼoxi ia kasana, ia xidi; o Izalaiele, ni kidi muene, a kà muʼambata koxi iengi ia dikanga mu ubhika.

Amoji 7:17 ပူးပေါင်းရင်းမြစ်များ

II Jisobha 17:6

Kubhiẋila mu muvu ua kavua ua utuminu ua Ozeia, sobha ia Asídia kiene kia tolola Samádia, iú ua zangula Izalaiele ioso iú ua a balakala ku Asídia; iú ua a bhangesa kutunga bhu Hala ni bhu Habolo bhua zukama ni ngiji ia Ngozane ni mu jimbonge ja akua Mediia.

Jisálamu 78:55

Akuaʼxi momo ua a kaie bhu pholo iâ, oxi iâ ua a bhana-iu ene mu ibatu-ibatu, o mabhata mâ, Izalaiele muene ua bhingana mu kutunga-mu.

Izaía 13:16

Tuana tuâ a ka tu sasujula ku mesu mâ ma kumona; mabhata mâ a kà ma bhûnda, o akajiʼâ a ka a bhanga ufusa.

Izaía 22:18

Kia kidi kiene, Jihova ua kà ku nhungisa muene nzé-nzé, kala kia nhungisa o bola bhu kididi kia zanze kia dixala; kuene ku ua kà fuilʼoko, makalu mu ua di-kudisa-nâ a kà buidila kuenhoko, kuma eie ua nuhisa dise mu dibhata dia Ngana iê.

Jelemiia 14:16

O mundu ua mu zambuila ene, a-nda ku a takuila mu jinzunga ja Jeluzaleme, mukonda dia nzala, ni dia xibhata; ki bhua-nda kumoneka muthu u tena kufunda akajiʼâ, ni anʼâ a mala ni a ahatu; ikuma iâ hinu nga a lunduluila-iu kienhiki ku thandu diâ.

Jelemiia 20:6

Eie ue Paxulu, ni oso kiá a tunga mu dibhata dié, mua xikamena kuia ku ubhika; eie ua-nda kuiza ku Babilonha, kuene ku ua-nda ku fuila, kuene kua kà ku funda, nʼeie ni makamba é oso, oso u ua kexi ku zambuila mangonha.

Jelemiia 28:12

Maji kioso Hananiia, polofeta, kia bukula jungu mu xingu ia polofeta Jelemiia kizuela kia Jihova kieza kua polofeta Jelemiia, kuamba:

Jelemiia 28:16

Mukonda dia kienhiki, Jihova uambe, kiki: Tala, kulu-dia-mundu nganda ku ku katula-ku; ua-nda kúfua muvu uenhú, mukonda eie ua zuela ni kubhumina Jihova.

Jelemiia 29:21

Jihova dia Ifuẋi, Nzambi ia Izalaiele, uambe kiki, ku mbandu ia Ahabe, monʼa Kolaia, ni Zedekiia, monʼa Mahaseia, ala ku mi zambuila upolofeta ua makutu mu dijina diami: Tala, nganda ku a bhakula bhu maku ma Nabukodonozolo, sobha ia Babilonha, phala muene nʼa a kuamena bhu mesuʼenu muene.

Jelemiia 29:25

Jihova dia Ifuẋi, Nzambi ia Izalaiele, uambe kiki: Mukonda mu dijina dié ua tumikisa mikanda ku mundu, uoso uala mu Jeluzaleme ni kua Sofoniia, monʼa Mahaseia, o nganga, ni ku jinganga joso, uixi:

Kuditenda 5:11

Ahatu mu Ziione a a bhange undumbu, o ilumba mu madiembu ma Juda kiomuène.

Izekiiele 4:13

Jihova anga uila, uixi: Kienhiki ue anʼa Izalaiele kia-nda kúdia o mbolo iâ ia kasana, mu kaxi ka miji iengi muanda ku a takuila.

Hozeia 9:3

Mʼoxi ia Jihova ka kà nanga-mu; kuma Ifalaíme ua-nda kualukila ku Ijitu, o mu ixi ia Asídia a kà dia-mu makudia a kasana.

Amoji 6:7

Kiene-phe ki nga-nda ku mi tumikisina ku ubhika; o mu kibuka ki dianga kuia ku ubhika, muene mu-nga-nda ku mi ta enu; mbé o izokola ienu ia ku di fembesa iende ni kúbhua; kiene kia tange Jihova Nzambi ia Ifuẋi.

Amoji 7:11

Mukonda Amoji uambe kiki: Jelubouamu ua-nda kúfua ku xibhata; ni kidi muene, Izalaiele anda ku mu tubhula mʼoxi iê phala ku mu bheka ku ubhika.

Amoji 8:1

Jihova, Nzambi, ua ngi muesa kiki: Nga mono kinda kia ibundu iabhi ia kixibhu.

Amoji 9:1

Jihova nga mu mono, uemana ku thanduʼa Kalatódio, iu ua ngi tangela, uixi: Mútue ua philadi bukulau, ifikidilu ia mabhitu i tekete, phala ima ioso bhulu diaʼnzu i lundumukine bhu thala ia mítue iâ ene oso! Oso a subhuka-ku Eme ue nga-nda ku a jibha ni xibhata katé ku kasule kâ. Mu kaxi kâ se mu kala muthu ulenga, ka kà subhuka, né mu kala iú u subhuka, ka kà tena kubhuluka.

Amoji 9:8

Uila kiki-phe, mesu a Jihova Nzambi a lungu mu kuzoka ni utuminu uoso uenda ni kubhanga ituxi, katé muene ki a u sengulula kulu dia mundu; inda mu dibhata dia Jakobo, Jihova uixi: Ene oso ki nga kà a buikisa-mu, kana.

Mikeia 1:16

Kolola o kindemba kié, bhuta o mútue ué u xale ngó ni dibhala, mukonda dia anʼé u uazola kinéne; dibhala diê u di zanzesa muene mukuâ ni dia holokoko, mukonda anʼé oso a kuambata-nâ ku ubhika.

Zakadiia 14:2

Mukonda eme miji ioso nganda ku i bhongolola mu kubhânga, a lua ita ni Jeluzaleme; mbonge a kà i tambula o jinzu a kà ji bula ni ku ji bhûnda; ahetu a kà a ta jiphanda; mbandu muene ia mbonge ia kà-ia ku ubhika, maji o tumbalu-mbalu tua subhuka, mu mbonge ka kà tu kaia-mu.