Amoji 7:16 - O Mikanda Ikola

¹⁶ Kiki-phe, ivua kizuelu kia Jihova: Eie uixi: Izalaiele kana ku mu zambuila kiaiibha, kana ue kubazela o dibhata dia Izake.

Amoji 7:16 ပူးပေါင်းရင်းမြစ်များ

I Jisobha 13:1

Kienhokio anga mu Juda mu tunda muthu ua Nzambi, uiza mu Betele ni kizuelu kia Jihova; u sanga Jelobouamu uemana bhu mbanduʼa kalatódio, mu kuoha uasu ua dizumba.

I Jisobha 22:19

Bhenhobho Mika, uixi: Ivua-phe o kizuelu kia Ngana: Nga mono Jihova ua xikama bhu kiandu kiê, ni kifuẋi kioso kia diulu, kiemana bhu mbandu iê ku lukuaku luê lua kúdia ni ku lukuaku luê lua kiasu.

II Jisobha 14:24

Anga uenda ni kubhanga ima ia ibhila Jihova ku mesu mê; ua tokoka o ku di batuka ni ituxi ioso ia Jelobouamu, monʼa Nebate, ua bhangesele Izalaiele o ku ta ituxi; ku iosololo né kimoxi ngó ua lémbua o ku di batuka na-kiu.

Izaía 30:10

A tangela akua lumono, kuila: ki mu mone; o jipolofeta a ji ambela, exi; Etu kana ku tu zambuila ima ia iuka; tu tangedienu ngó ima i tu uabhela; tu kengedienu ima ioso ia ku tu hanza, sumbala ia mangonha.

Izekiiele 13:2

Monʼa iala, zambula ima ia ku kanena o jipolofeta ja Izalaiele akua kuzambula, u tangele ió a mu zambula ngó kioso ki mona o muẋima uâ, uixi: Ivuenu o kizuelu kia Jihova.

Izekiiele 16:35

Kala kiki, eie u Kidianzunga, ívua o kizuelu kia Jihova.

Izekiiele 20:46

Eie monʼa muthu, o pholo ié talela na-iu ku njila iia ku sulu, o maka mé lunduluila-u mu kuzoka ni sulu, u zambule mu ku bilukila o ditutu dia mukáu ua Sulu.

Izekiiele 21:2

Eie monʼa muthu, lungulula o pholo ié mu ku bilukila Jeluzaleme, o maka mé lundulula-u mu kubilukila o ma dibhezelu, u te muzambu ua kuxoka ni ixi ia Izalaiele,

Amoji 2:12

Maji enu-phe o jinaziléu mua a bhana kúnua vinhu, o jiplofeta mua a fudisa kuila: Ki mu zambule.

Amoji 7:13

Maji-phe, tundé lelu ni ku pholo dia kuia, mu Betele kuzambuile-mu dingi ni upolofeta, mbata kiene o kididi kikôla kia sobha, diene o dibhata dia ungana ua usobha.

Mikeia 2:6

Ki mu tange maka ma upolofeta; akua kutanga maka mu upolofeta kà ka ki zuele dingi kuila jisonhi ki ja-nda ku tu bhua.

Matendelelu 32:2

Ulongelu uami-ème mvula inoka, mbundu isuma, mbambe ni masumi-sumi ma mvula ku thandu a mafe, kifua dimume di tula ku iẋoka.

I Samuuele 15:16

Samuuele anga u ambela Saúlo, uixi: Imana, ngi ku tangele kioso kia ngʼambela Jihova usuku iú ua lelu. Muene u mu ambela, uixi: Zuela-kiu.